IGIHE

Icyo ntekereza ku byibazwa niba abasenateri bariho ubu bazemererwa kwiyamamaza muri Nzeri 2019

1 25-07-2019 - saa 13:39, Kayonga J.

Mu gihe hakomeje igikorwa cyo gutanga kandidatire ku mwanya w’ubusenateri, mu minsi ishize ku mbuga zitandukanye habaye impaka hibazwa niba abasenateri bari mu nshingano uyu munsi, bafite uburenganzira bwo kwiyamamaza mu matora ateganyijwe muri Nzeri 2019.

Ni nyuma y’uko Itegeko Nshinga ryo mu 2003 ryavuguruwe mu 2015 rigahindura imiterere ya manda y’abasenateri, ikavanwa ku myaka umunani idashobora kongerwa, igashyirwa kuri itanu ishobora kongerwa rimwe.

Ibitekerezo byanjye bikubiye mu ngingo zikurikira:

1. Itegeko nshinga ryavuguruwe mu 2015 riteganya ko ‘abasenateri bari myanya igihe ritangira gukurikizwa, bakomeza manda batorewe cyangwa bashyiriweho’.

Mpereye ku bikubiye muri iyi ngingo, nsanga umusenateri uvugwa muri iyi ngingo nta yindi manda yahabwa atabanje kurangiza iyo arimo n’iyo yaba isigaje igihe gito, kubera ko igihe giteganywa n’ amategeko kidahinwa ku nyungu z’umuntu kanaka.

Abasenateri bahawe manda y’imyaka umunani izarangira mu Ukwakira 2019 kuri bamwe no mu 2020 ku bandi, ntabwo byakumvikana uburyo bahabwa indi manda bagifite iya mbere. Bitabaye ibyo, baba bahawe ubutumwa busa nk’ubwo bagifite mu gihe bahawe.

2. Imiterere ya Sena ituma imirimo yayo idahagarara, nicyo gituma Sena idaseswa ku mpamvu z’amatora nk’uko biteganyijwe ku Mutwe w’Abadepite.

Koko rero, nta tegeko riteganya ko abasenateri bahagarika imirimo yabo ku mpamvu z’amatora, haba mu buryo bwo guseswa cyangwa ubw’umwe ku giti cye.

Uwahagarika imirimo ye kuri izo mpamvu, agatorwa, bivuze ko yaba "abikije" uwo mwanya mushya, akazawujyamo arangije manda arimo muri iki gihe!

3. Itegeko Nshinga rivuguruye ntiryabambuye uburenganzira bwo guhabwa indi manda, ariko ubwo burenganzira ntibashobora kubukoresha mu matora ateganijwe muri Nzeri, kubera ko bazaba bagifite manda yabo. Ariko mu gihe bazaba barangije manda yabo, nemera ko ubwo burenganzira bazabukoresha.

Ku bwanjye rero, ibyateganijwe n’Itegeko Nshinga birasobanutse ku birebana n’abasenateri bari mu myanya muri iki gihe; bafite uburenganzira bwo guhabwa indi manda, ariko gusa mu gihe bazaba barangije iyo bafite muri iki gihe, hakurikijwe igihe buri wese azarangiriza manda ye y’imyaka umunani.

Abasenateri bageze mu mezi ya nyuma ya manda yabo, urugendo rwo kubasimbuza rurakomeje
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kamuzinzi 2019-07-25 12:07:08

Ayo mategeko yose niba bayahaye umugisha niba rero batazi gusoma bakaba baribagiwe gushyiramo ka tena gatuma bazaguma kuriyo ntebe uko byagenda kose ubwo nabaswa nubundi bamwe basaziyemo nibareke abandi bakomeze maze bajye kwihangira imirimo doreko aribyo batoza urubyiruko umunsi kuwundi.Ndumva byose bisobanutse nta mpaka zagombye kugibwa ukurikije ukuntu maze iminsi nanjye mbisoma.

Kwamamaza