Abahanga mu bya Politiki mpuzamahanga baraca amarenga intambara ya gatatu y’Isi

16 25-11-2015 - saa 21:49, Kanamugire Emmanuel

Muri iyi minsi ibikorwa by’ubushotoranyi n’iterabwoba bimaze gufata indi ntera, ahanini ntibikangwe n’ ibihugu bifatwa nk’ibikomerezwa kuri iyi Si, bamwe bakabibona nk’ibitanga ishusho y’Intambara ya Gatatu y’Isi.

Umwanditsi ukomeye muri Leta Zunze Ubumwe za Amerika akaba inzobere mu bya politiki ndetse akaba yarigeze no kuba umunyamakuru wa CNN, Frida Ghitis, mu nyandiko ye yasohotse kuri CNN, agaragaza ko hari ibintu byinshi biri kuba muri iki gihe, ku buryo nta wapfa kubifata gutyo gusa, ahubwo ko bifite ikindi bihatse.

Kuri uyu wa Kabiri tariki 24 Ugushyingo 2015, Ingabo za Turukiya zahanuye indege y’u Burusiya ku mupaka w’icyo gihugu na Syria, byongera umwuka mubi mu buryo butari bwitezwe.

Ni nyuma y’iminsi mike igitero cy’i Paris kibaye; igitero cya mbere gikomeye ku butaka bw’u Burayi kuva Intambara ya kabiri y’Isi yarangira.

Umurwa mukuru w’Umuryango w’Ubumwe bw’u Burayi, Brussels, na wo uragerwa amajanja, none igihugu kimwe mu binyamuryango bya NATO gihanuye indege y’u Burusiya.

Iyo ibi biza kuba mu gihe cy’intambara y’ubutita, hashoboraga gutegerezwa intambara y’ibitwaro bya kirimbuzi. Perezida w’u Burusiya, Vladimir Putin, yasabye ko habaho ibiganiro byihuse mu nama y’Umuryango w’Abibumbye ishinzwe umutekano ku Isi, mu gihe NATO na yo yahamagaje inama idasanzwe.

U Burusiya bwuje uburakari, bwise Turkey “Umuterankunga w’iterabwoba” maze Putin ayisezeranya “Ingaruka zikomeye”.

Ibi ni bimwe mu biheruka biri gushimangira amakimbirane akaze muri Isi ya none.
Nyuma y’ubwicanyi bw’i Paris, Papa Francis yavuze ko ibitero by’iterabwoba ari ibimenyetso by’ Intambara ya Gatatu y’Isi.

Intandaro y’ibi byose ni intambara yo muri Syria

Amakimbirane muri Syria yafashe indi ntera mu 2011 ubwo Perezida Bashar al-Assad yavugaga ko yica abigaragambya, biza kuba amakimbirane akomeye kurusha andi yose.

Byatangiye abahirimbanira demokarasi bahangana n’ingabo za Perezida Assad, bigera mu mitwe itavuga rumwe kugeza ubwo byabaye abahezanguni ku bandi.
Bijyana no guhangana kw’aba Shiites n’aba Sunnis, Abarabu n’Abanya-Iran. Hari umutwe wa Hezbollah ushyigikiwe na Iran, uhanganye n’abarwanyi bashyigikiwe n’ikigobe cy’ Abarabu.

Hari kandi al Nusra, ishami rya Al Qaeda rihanganye na ISIS, aba Kurds bahanganye na ISIS n’ingabo za Syria kandi na Turkey igahangana n’aba Kurds, ikanagenda biguru ntege mu kurwanya ISIS, igashyigikira kuvanaho Assad.

Kugeza ubu hari ikibazo ko hashobora gukomeza kuvuka ingaruka za politiki hagati y’ibihugu. Hari u Burusiya, Leta Zunze Ubumwe za Amerika n’Ihuriro rigamije kurwanya ISIS, mu minsi mike hakazaza n’ihuriro ririmo u Bufaransa mu guhangana n’izo nyeshyamba zigendera ku mahame akaze ya Islam.

Mu gihe u Burusiya na Turkey bashishikajwe no kurwanya ISIS, ihangayikishije Isi ya none, igihari ari uko buri gihugu ukwacyo gifite ibindi bikiraje ishinga, ari na yo mpamvu ihanurwa ry’indege y’u Burusiya kuri uyu wa Kabiri ritapfa gufatwa nk’impanuka yapfuye kubaho.

U Burusiya ntiburi muri Syria mu rugamba rwo guhangana na ISIS ahubwo ni ugutabara ubutegetsi bwa Assad nk’ umwe mu nshuti z’akadasohoka.
Turukiya ifite intego ebyiri: Ishaka gukuraho amashami y’aba Kurds bifuza ubwigenge, ariko ikanifuza ko Assad ava ku butegetsi.

Mu gihe intego za Turukiya zitandukanye n’iz’ibihugu bigenzi byayo bihurira muri NATO, by’umwihariko kubera ko icyo gihugu cyirengagije ISIS umwanzi w’aba Kurds, NATO yo yemeranya kudashyigikira Assad.

Ku rundi ruhande, u Burusiya buri kugerageza kuburizamo uruhare rwa Amerika mu Burasirazuba bwo hagati, bugashimangira ibikorwa bya Perezida Putin byo gucisha bugufi Leta ya Amerika.

Mu gihe Perezida Obama yageragezaga kwerekana ko ingufu zashyizwe mu kurwanya ISIS ziri gutanga umusaruro, Putin yahise yoherezwa ingabo zikomeye muri Syria, ashimangira uko guhangana.

Assad yashoboraga kuba yenda kuva ku butegetsi, ariko Putin ukorera ku ruhande rumwe na Iran na Hezbollah, yakoze ibishoboka ku buryo ibyo bitapfa kubaho mu gihe cya vuba.

Muri iki gihe ISIS yagabye ibitero mu Burayi, birasa n’aho Assad ntawe ukimukurikiranye, agiye kuguma ku butegetsi.

Buri umwe muri uru rugamba afite inshuti n’umwanzi kuri buri ruhande bahanganye.

Ni muri ubwo buryo Intambara y’Isi ivukamo: kutumvikana hagati y’inshuti, kugira ibikorwa bidahura na gato no guhuza ingufu kubw’ impamvu runaka.

Intambara y’Isi muri Syria ihuje ibihugu byinshi. Umwaka ushize, Leta Zunze Ubumwe za Amerika zahurije hamwe ibihugu bigera kuri 60. Kuva kuri Korea y’Epfo kugeza kuri Australia, guverinoma z’ibihugu zagiye zitabira ibikorwa byinshi bigamije kurwanya ISIS.

Hagati aho,ISIS ntiyahwemye kwagura ibikorwa byayo, yagura imitungo yayo kandi igaba ibitero ahantu hatandukanye ku Isi.

Uwo muryango ufite icyicaro muri Syria ntabwo ugenzura igice gusa muri Syria na Iraq, abayoboke bayo bafite ibirindiro muri Libya, muri Sinai mu Misiri n’ ibindi bice bitandukanye bya Afurika, kandi imitwe yiyemereye imikoranire n’uwo mutwe iri imihanda yose, kugeza muri za Afghanistan, Indonesia, Pakistan, Algeria na Philippines.

Abantu benshi bafite ubwenegihugu bunyuranye bamaze kugwa muri Syria na Iraq, ariko muri gahunda y’iterabwoba, ISIS yerekanywe yica Abanyamerika, Abongereza, Abanyamisiri, Abayapani, Abanyakoreya, Abashinwa n’ abasivili bo mu bindi bihugu.

Impunzi z’Abanyasiriya zimaze kurenga muri Uruguay, kandi ibitero bihitana abantu bikozwe n’ uwomutwe wo muri Syria ntibibera ku butaka bwa Syria, Iraq, Lebanon na Turkey gusa, ahubwo bigera no muri Canada, u Bufaransa, Australia, Nigeria, Denmark n’ahandi.

Nta wakwirengagiza no mu Misiri, aho inzobere mu butasi n’ubuyobozi bw’u Burusiya bahamya ko indege y’u Burusiya iheruka kuhahanurirwa byagambiriwe, mu byumweru bike bishize.

Byaba ari intambara y’Isi?

Ijambo “Intambara y’Isi” rigarukwaho mu makimbirane abiri akomeye kurusha andi yo mu kinyejana cya 20. Kugeza ubu Leta Zunze Ubumwe za Amerika ziri kubigendamo gahoro, kuko ahanini abaturage basaba ko batahita barwana intambara badafata nk’iyabo.

Biragoye kumenya igihe ibi bibazo bizamara, ariko na none bisa n’aho amakimbirane nk’aya atajya apfa kurangira kugeza igihe Leta Zunze Ubumwe za Amerika zirekeye aho kumva ko zitagirwaho ingaruka n’amakimbirane ari kubera mu bilometero ibihumbi kure y’ubutaka bwayo.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
joel 2017-05-20 02:52:22

NtayIzaba, nibihuha byintambara .gahunda igezweho nuko anti christu igomba gukora ibyayo bigahabwa intebe mubantu. Sintambara yagatatu yisi kko ubu ibaye yahita irangiza isi kand siko izashira

2
joel 2017-05-20 02:52:21

NtayIzaba, nibihuha byintambara .gahunda igezweho nuko anti christu igomba gukora ibyayo bigahabwa intebe mubantu. Sintambara yagatatu yisi kko ubu ibaye yahita irangiza isi kand siko izashira

3
Ntegeyimana 2016-02-01 13:02:13

Jyewe mbona kaba aragafirimi gasobanutsepe! amerika nuburusiya ngaho bizakozanyeho gusa Allah azaturinde ayomasasu ntazagere kubutaka bwafurika naho ibihugu nka korea yaruguru na irani ndacyeka byo bizaba byabaye nka yanga birigusobanura akogafirimi

4
GATOYA 2016-01-25 04:05:38

HA HAA NIBYOSE BIRIMO NTIBIKABE PE!! TURABYAMAGANYE.

5
patrick 2016-01-10 13:55:59

bizarangira aritwe abanyafurika tubigendeyemo, urugero reba muri congo no muburundi, i hate whites, dusenge imana ikomeze ifashe u rwanda rwacu.

6
rugaba 2015-11-26 08:17:07

Ibi ninjye wabivuze kare ahubwo munshake njye ntangaho Interview ku ntambara ya gatatu y’isi iregereje

7
rwesamugabo 2015-11-26 06:33:50

nibunvikane. Niba bibaye bigume iwabo ntibigere mu biyaga bigari.

8
Eric 2015-11-26 02:39:51

Muraho, iyinkuru yaritomoye ariko haraho mubeshye. "Ngo ibitero muri Denmark?" aha murabeshye kuko niho ntuye. Keretse bibaye uyumunsi cg ejo, ariko Denmark ni igihugu kidapfa kuvogerwa. Muzabaze neza. Gusa sinabura kubashimira da.

9
RWANDAN 2015-11-26 02:37:19

Abazungu nibahumure. Izo ntambara zabo zirinda zirangira nta sasu na rimwe rivugiye ku butaka bwabo ahubwo abanyafrika n’abanyaziya tugahinduka ikibuga cy’intambara. Ibyabo bikarangirira mu biganiro.

10
foibi 2015-11-26 01:29:33

ahaa nzaba ndeba...

Paji: 1 | 2  

Kwamamaza