Mu gihe cy’ibiruhuko abana benshi bishimira guhura na bagenzi babo no kwidagadurana ari na yo mpamvu ababyeyi bamwe bahitamo kubajyana mu bigo bizobereye kubitaho no kubaha amasomo akungahaye ku nyigisho zizabagirira akamaro mu gihe kizaza.

Mutesi Kids Park iherereye mu Karere ka Kicukiro yaje ari nk’igisubizo kuko iri ahantu heza hisanzuye habereye umuryango aho ushobora kujyana umwana wawe akidagadura, agatozwa kubyina Kinyarwanda, gukina Kung Fu, kwiga Igishinwa, kubyina bigezweho n’ibindi bituma akurana umuco n’ubumenyi.

Mu rwego rwo gufasha abana bari mu biruhuko gukuza impano zabo no kwishimira impera z’umwaka, Mutesi Kids Park yagabanyije ibihumbi bitatu ku biciro bya serivisi z’abana, iza massage na reflexology, n’izo gukora inzara na “make up.”

Mu kiganiro IGIHE yagiranye n’Ushinzwe kumenyekanisha Ibikorwa mu Kigo, Mutesi Kids Park, Ingabire Carine, yatangaje ko ahantu habo habereye abagize umuryango kuko hari serivizi zagenewe abana, abagore n’abagabo.

Yagize ati “Nubwo izina ry’ibyo dukora rigaragaza ko twita ku bana cyane ariko n’ababyeyi babo ntitwabibagiwe kuko tubakorera inzara no kubatunganyiriza umusatsi ku bagore na ho ku bagabo igihe baherekeje abana babo bashobora gukoresha serivisi za massage na reflexolgy cyangwa se bagafata agacupa kuko dufite Bar na Restaurant byiza.”

Yakomeje agira ati “Dufite inzobere muri massage na reflexology ndetse no mu byo gukora yoga umuntu akabasha kugabanya ibilo bitanu mu byumweru bibiri bitewe n’uburyo yakurikije amabwiriza.”

Serivisi zibarizwa mu Kigo Mutesi Kids Park:

Ahagenewe abana (Kids Park):Muri serivisi yagenewe abana harimo kwidagadura mu mikino itandukanye nko kwicunda, koga, gutwara imodoka, ubwato n’ibindi.

Abana kandi bigishwa kubyina bya Kinyarwanda, gukina Kung Fu, kubyina bya kizungu n’iyitwa cha-cha-cha n’ibindi.

Massage na reflexology:Muri serivisi za massage na reflexology hari umuganga ubizobereyemo ukora kuri buri rugingo rwose rw’umubiri umuntu akongera kugarura ubuyanja.

Yigisha kandi Yoga ku buryo umuntu amufasha kumenya imyitwarire agomba gukurikiza akagira ubuzima bwiza, akanagabanya ibilo mu gihe gito.

Muri iyi serivisi kandi bafasha abantu bavunitse, abantu barwaye za rubagimpande n’izindi. Izi serivisi zose zihabwa abantu bose baba abana, urubyiruko, abagore n’abagabo.

Gukora inzara na “Make up’’: Mutesi Kids Park yatekereje ku bantu bose inashyiraho uburyo bwo gutunganya inzara kugira ngo umubyeyi niba yazanye umwana we kwidagadura abashe no gutaha na we asa neza.

Hari kandi uburyo bwo kubakorera “Make up” ku buryo unyurayo ugiye mu birori cyangwa se ufite ahandi ugiye bakagutunganya bigendanye n’uko ubyifuza ugakomeza kugaragara neza.

Ahantu ho gukorera inama n’amasabukuru:Mu rwego rwo gufasha abantu gukomeza kwidagadura, Mutesi Kids Park yanateganyije ahantu heza hisanzuye ho gusohokera ukaba wahakorera inama z’ubukwe, amasabukuru n’ibindi birori.

Restaurant & Bar:Mutesi Kids Park ifite restaurant na Bar aho ujyanayo umwana wawe akahirirwa bakanamugaburira kandi akitabwaho bifatika kuko hari ndyo zabahariwe ziganjemo intungamubiri bakenera.

Mutesi Kids Park iherereye mu Murenge wa Niboye mu Karere ka Kicukiro ku muhanda uturuka Sonatubes, ahateganye na Sitasiyo ya Peteroli yitwa Mt Meru.

Ukeneye ibindi bisobanuro wahamagara kuri 0782247076 na 0788208076.


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2009 - 2017 ©. All rights reserved