Icyumweru cyahariwe kwita ku bakiriya ku rwego mpuzamahanga muri I & M Bank cyaranzwe n’udushya twihariye ku bakiriya mu rwego rwo kubanezeza nk’abantu bakorana na yo umunsi ku wundi.

Iki cyumweru cyatangijwe ku mugaragaro ku wa 2 Ukwakira, gisozwa tariki ya 6, nk’uko bisanzwe bigenda buri mwaka, ku nsanganyamatsiko igira iti “Twubake icyizere mu batugana”.

Mu kiganiro IGIHE yagiranye n’Umuyobozi ushinzwe serivisi muri I & M Bank, Uwimbabazi Peace, yavuze ko iyi banki yo yakoze udushya twinshi mu gukomeza kwiyegereza abakiliya.

Habayeho gufungura konti nshya ku bantu bihariye

Kugira ngo I & M Bank yite ku bakiriya bayo mu buryo bwihariye, yatangije uburyo bwo gufunguza konti ku bantu bihariye akaba ari igikorwa kizamara amezi atatu.

Uwimababazi ati “ Twashakaga ko tugira ibyiciro by’abantu bihariye twiyegereza, niyo mpamvu twatangije uburyo bwo gufunguza konti nshya harimo nk’iyitwa Young Savers igenewe umwana ukivuka kugeza ku myaka 18. Hari iyitwa ‘Future professional’ yagenewe abanyeshuri ndetse n’iyitwa ‘Malayika’ yagenewe abagore.

Abayobozi bakuru bamanutse begera abakiriya ku mashami y’iyi banki

Kugira ngo basabane n’abakiriya ndetse babagaragarize urukundo, abayobozi bakuru muri I & M Bank buri wese yagannye ishami ashinzwe gukurikirana kugira ngo abunganire ndetse yumve n’ibyifuzo by’abakiriya kuri iryo shami anakomeze kuriteza imbere.

Abakiriya bahawe impano zitandukanye

Mu bakiriya bagannye I & M Bank bamwe bahawe imipira yo kwambara, ingofero, agenda n’ikaramu , icupa rya Diyavi ndetse no kwifatanya n’abakiriya bagize isabukuru y’igihe binjiriye muri I & M Bank bikaba byarahuriranye n’iki cyumweru cyo kwita ku bakiriya.

Mu gushyikirana n’abakiriya no kubagaragariza urugwiro, Umuyobozi Mukuru wa I & M Bank, Robin Bairstow yasabanye n’abakiriya, ibintu bagaragaje ko byabashimishije.

Basoje icyumweru bose bambaye imyambaro ikozwe mu bitenge

Uwimbabazi nk’umuyobozi mukuru ushinzwe ibijyanye na Serivisi muri I & M Bank yavuze ko ari uburyo bwihariye bashatse bwo gukundisha abakiriya ibikorerwa mu Rwanda.

Ati “ Twashatse ko abakozi bose ba I & M Bank uyu munsi twambara imyenda ikozwe mu gitenge mu rwego rwo kubakundisha ibikorerwa mu Rwanda, ni gahunda nziza ya Leta natwe turayishyigikiye kandi wabonye ko byasaga neza.”

Nubwo icyumweru mpuzamahanga cyahariwe kwita ku bakiriya cyasojwe,ubuyobozi bwa I & M Bank butangaza ko serivisi nziza no guha agaciro abakiriya ari umuco wabo buri wese atakumva ko birangiye.

Bishimiye ababyeyi batangiye gufunguriza abana konti ziswe 'Young Savers'
Abashinzwe umutekano na bo bari babukereye mu kwakira abakiliya bishimye
Bageze no muri UNDP nk'ikigo baturanye babaha impano bageneye abakiliya
Byari ibyishimo bikomeye muri I&M Bank bagaragariza abakiliya uko babishimiye
Umuyobozi Mukuru wa I&M Bank ahereza abakiriya amafunguro
Abakozi ba I & M Bank bamaze gusangira n'abakiliya
Abakozi ba I &M Bank bakiraga uwinjiye wese


Kwamamaza

ANDI MAKURU

2009 - 2017 ©. All rights reserved