Restaurant Veni Vidi imaze kumenyekana kubera sirivisi nziza n’ibiciro bibereye buri wese n’amafunguro yuje intungamubiri, ikomeje koroshya ubuzima bw’abayigana, aho kuri ubu yabashyiriyeho uburyo bwo kwishyura bakoresheje ikoranabuhanga.

Nk’uko izina ryayo ‘Veni Vidi’ riri mu Kilatini, ugenekereje mu Kinyarwanda bivuze ngo “Ngwino Urebe”, ribishimangira, ifite byinshi yihariye izindi restaurant zidafite bituma uwayigannye ayivuga imyato.

Kuri ubu mu gihe ugiye kwifatira ubwoko butandukanye bw’amafunguro aba afite umwihariko w’uko aba yateguwe hazirikanwa ubuzima bw’abantu, kandi hakibandwa ku ya Kinyarwanda ku buryo buri wese yisanga mu bihategurirwa bitewe n’icyo akunda, ntukwiye guhangayikishwa no kuba udafite amafaranga mu mufuka.

Umuyobozi wa Veni Vidi, Mwamini Delphine, yatangarije IGIHE ko iyi restaurant yashyizeho uburyo bwinshi bwo kwishyura hakoreshejwe amakarita ya banki cyangwa telefoni igendanwa (mobile money).

Ati “ Byose twabishyizeho kugira ngo tworoshye ubuzima bw’abatugana, nta mpamvu yo kuba ushonje aho kugira ngo uhite ugana aho ufatira ifunguro, ukabanza guca kuri banki gushaka amafaranga. Muri Veni Vidi turakuramira, ukishyura ukoresheje ikoranabuhanga.”

Yakomeje avuga ko kandi bakomeje gutegura amafunguro yiganjemo umutsima w’amasaka, impungure, ibijumba, imyumbati n’amateke, nyuma y’uko benshi bagaragaje ko bibaryohera kandi bakaba bazi neza ko byuje intungamubiri.

Ati “ Abakiliya bacu turabazirikana ku buryo kuri buffet yacu hahoraho amafunguro ya Kinyarwanda, kugira ngo umuntu wese aze kwisanzura nkaho ari iwe mu rugo.”

Uretse amafunguro ya Kinyarwanda kandi Veni Vidi inategura ubugali busanzwe, kawunga, umunyigi, ukaba ushobora kubifatisha inyama y’inkoko, izisanzwe, iz’umwijima, ifi, isambaza cyangwa ikindi kimunogeye.

Ibi byose kandi biba biteguye ku buryo nta ngaruka bishobora kugira ku buzima, kuko hakoreshwa amavuta make kandi n’aho bishoboka ntibayashyiremo.

Veni Vidi inakorera ahantu hisanzuye hari amahumbezi, ku buryo uwahafatiye amafunguro adashobo ra kubuzwa amahwemo n’ubushyuhe.

Undi mwihariko w’iyi resitora ni uko umukiliya uguze ifunguro rya saa sita ahabwa ikinyobwa ku buntu, kugira ngo akomeze kuryoherwa kandi n’igogora rize kugenda neza.

Restaurant Veni Vidi iherereye ku muhanda wagizwe uw’abanyamaguru uzwi nka Car Free Zone mu gikari cy’ahahoze Urwego Opportunity Bank, ahateganye neza na Camellia Tea House.

Ukeneye ibindi bisobanuro cyangwa ushaka gusaba gutegurirwa ibyo ukeneye (commande) wabahamagara kuri nimero 0788595685.

Imiterere yaho ituma abahafatira amafunguro batagira aho bahurira n'ubushyuhe
Muri Veni Vidi kandi bagira ibinyobwa by'ubwoko butandukanye ushobora gufata igihe cyose ushakiye
Ni hanini ku buryo abahafatira amafunguro bicara bisanzuye
Veni Vidi iherereye ahantu hagutse kandi hisanzuye


Kwamamaza

2009 - 2018 ©. All rights reserved