Gahunda yo gukora amasaha 24 kuri 24 irimo kugenda icengera mu mitwe y’abikorera bakagaragaza ko nubwo nijoro abaguzi baba ari bake, nabo bakeneye kubona serivisi bakeneye.

Ibyo ni byo byatumye ubuyobozi bwa Inkumburwa Resto-Bar imaze amezi ane ifunguye imiryango Nyabugogo butangirana no gukora amasaha 24 kuri 24, kuko basanze abagenzi baturuka hirya no hino hari ubwo bagera i Kigali bwije bakabura aho bafatira amafunguro.

Mu kiganiro IGIHE yagiranye n’umuyobozi ushinzwe imari n’imiyoberere muri Inkumburwa Resto –Bar, Gashugi Eustache, yatangaje ko bashatse gufasha buri wese ukeneye amafunguro n’ibinyobwa mu masaha y’ijoro.

Ati “ Urabona ko umupaka wa Kagitumba utagifungwa, bakora amasaha 24, natwe dukeneye kwakira abo bose bakomeza gukora ingendo igihe cy’amasaha 24 ndetse n’undi wese ufite izindi gahunda zituma akora amanywa n’ijoro kugira ngo abe yizeye aho yabonera amafunguro.”

Yavuze ko nubwo bamaze amezi make bafunguye abantu batangiye kuhakunda kuko hafite umwihariko wo kuba igikoni kiri hagati muri resitora ku buryo buri wese aba areba uko amafunguro ategurwa.

Uruhimbi, agace kihariye katumye bahita ‘Inkumburwa’

Agace kahariwe uruhimbi muri Inkumburwa Resto -Bar, ahantu hihariye hagenewe abanywa amata, hari ibyansi, inkongoro, ibicuba, intebe za Kinyarwanda ku buryo umuntu yiyibutsa amateka.

Gashugi ati “Twashatse gusigasira umuco kuko turi abanyarwanda nubwo twateka kizungu tugatanga ibinyobwa byose birimo na divayi n’izindi serivisi, ni byiza ko umuco ukomeza kubaho tukawusigasira.Uje hano ntabe aje kunywa no kurya gusa, ahubwo akabasha no kubona n’ibindi biranga umuco wacu.”

Live band ikora iminsi yose

Inkumburwa Resto-Bar bashatse kumara irungu abahafatira icyo kunywa cyangwa se icyo kurya nimugoroba, ku bw’ibyo kuva ku wa Mbere kugeza ku Cyumweru haba hari abacuranzi b’indirimbo zo mu Rwanda n’izo mu mahanga zakanyujijeho ndetse n’izigezweho.

Ku bantu bafite ubukwe cyangwa ibindi birori, Inkumburwa Resto-Bar irabatekera ndetse ikabibagereza aho bufuza.

Inkumburwa Resto-Bar bagira n’inzoga yitwa inkangaza, ni inzoga ya kinyarwanda ikundwa na benshi kandi uwayinyweye aharangira undi.

Inkumburwa Resto -Bar iherereye Nyabugogo, ku muhanda uzamuka ujya Kimisagara, iyo urenze feux rouge, ureba hejuru mu nyubako nshya y’igorofa ahateganye n’isoko rya Nyabugogo ryenda gutahwa ugahita uhabona icyapa cyanditseho ‘Inkumburwa Resto -Bar’

Ushobora no kubahamagara kuri 0788865732, 0788842528 na 0788867455

Bafite uruhimbi, abashaka kumenya umuco wa kinyarwanda barahasura
Bategura amafunguro y'amoko yose
Inkumburwa Resto-Bar itegura inyama ku buryo bunyuze buri wese
Abakunda Billard na bo bashyizwe igorora
Aho igikoni giherereye hatuma bateka umukiliya abareba
Inkumburwa Resto-Bar iteguye mu buryo bwa kinyarwanda
Inyubako Inkumburwa Resto-Bar ikoreramo iri ku muhanda werekeza ku Kimisagara

Amafoto: Moses Niyonzima


Kwamamaza

ANDI MAKURU

2009 - 2017 ©. All rights reserved