Wari wabona umuntu wubatse inzu y’ubucuruzi ariko ikamara umwaka imiryango iriho ingufuri yarabuze abayikoreramo? Nturabona se ufite abakiriya ariko inzu ye ikaba imeze nk’itongo? Ntawe urumva waciwe akayabo k’ibihano bitewe no kudatanga imisoro ku mutungo utimukanwa?

Ingero ni nyinshi ku bih0mbo bitandukanye byagiye bikoma mu nkokora ba rwiyemezamirimo cyane cyane abashoye imari mu mitungo itimukanwa nk’inzu.

Ibi ariko ntibyagakwiye kuba kuko abahanga mu by’ubukungu bemeza ko ubundi umutungo utimukanwa uri mu bintu bidapfa guhomba.

Mu Kiganiro IGIHE yagiranye na Uwarugira Bandora Walter inzobere mu gucunga imitungo itimukanwa akaba n’umuyobozi w’ikigo Multi Design Group Ltd, yavuze ko ibi bihombo ahanini biterwa no kutagira abantu babifitiye ubumenyi bagira inama ba nyir’imitungo.

Ati“Iyo umuntu adushatse cyangwa ari twe tumushatse tugakorana bimugirira akamaro kuruta uko ashobora kuvuga ati ‘jyewe ubwanjye’ cyangwa ati ‘mfite abana barangije za kaminuza, amashuri yisumbuye… badafite ibindi barimo, reka mbibahe babe babicunga’. Ntabwo ari bibi ariko ntabwo bagira umusaruro uhwanye n’uwo twebwe dutanga.”

Mu buryo burambuye izi nyungu zigaragarira mu ngingo zikurikira.

Kumenya isoko no kongera abakiriya

Iyo nyir’umutungo utimukanwa yawushyize mu maboko y’abawucunga babigize umwuga bamufasha gushaka abakiriya bawukodesha kandi batazamuhenda kuko baba bamaze kwiga isoko.

Bandora ati “Dufite abakozi bashinzwe kumenyekanisha ibikorwa, bajya gushaka abakiriya mu gihe byabaye ngombwa. Dufite uburyo tumenyamo ngo ese isoko rihagaze rite? Tukamenya abo duhanganye ku isoko.”

Bitewe n’uburambe Multi Design Group ifite mu gucunga imitungo, imaze kumenywa n’abantu benshi ku buryo abashaka gukodesha inzu zitandukanye, abubatse inzu bakeneye ko zicungwa n’ababigize umwuga cyangwa banifuza urwunguko rwiza binyuze mu gukodesha inyubako zabo, nabo babifashisha.

Kubahiriza amategeko

Umushoramari wese utazi amategeko, ntatinda kwisanga mu gihombo ku bw’ibihano bitandukanye acibwa. Iyo umutungo utimukanwa uhawe umuntu uwucunga wabigize umwuga, yubahiriza itegeko rigenga imitungo itimukanwa, amategeko agenga imisoro, amategeko arengera ukodesha n’ukodeshwa n’andi yose yakenerwa.

Gusana ibyangiritse ku gihe

Inyubako nini nka hoteli, amazu y’ubucuruzi y’amagorofa n’asanzwe cyangwa ikigo cy’ishuri bishobora kwangirikira ahantu kuko nta muntu ushinzwe kuyikurikirana, bikazamenyekana ari uko yasenyutse ku buryo bugaragara. Iyo inyubako icunzwe n’ababigize umwuga ibi ntibishobora kubaho.

Bandora ati “ Ushobora kuba ufite hoteli cyangwa indi nyubako iyo ariyo yose ukavuga uti ‘reka nyibahe mugenzure ibijyanye n’imitungo itimukanwa, musane ku gihe’. Kumenya ibiburamo, kumenya ibikenewe, kumenya ibyapfuye, kumenya ibyo dusimbuza, byose turabikora.”

Kugurisha umutungo ku giciro cyiza

Iyo umuntu afite umutungo utimukanwa ucunzwe na Multi Design Group Ltd agashaka kuwugurisha, biba byoroshye cyane kuko bo bamufasha gushaka umukiriya kandi umwishyura amafaranga ahwanye n’agaciro k’uwo mutungo we, kuko basanzwe banakora ibijyanye n’igenagaciro ku mitungo.

Umwihariko ku banyarwanda baba muri diaspora)

Bandora avuga ko ku banyarwanda baba mu mahanga kandi bafite imitungo yabo, babafasha kuyibyaza umusaruro no kuyibacungira neza, dore ko hari abayisigira abo mu miryango yabo rimwe na rimwe ntibayifate neza cyangwa ntibayibyazemo inyungu nyinshi zishoboka.

Ati “Abantu bafite inzu mu Rwanda ariko badatuye mu Rwanda rimwe na rimwe usanga zicungwa n’abantu bo mu miryango, inshuti zabo cyangwa se ugasanga ntibanafite abo bizeye neza. Abo turabakangurira ko banadusanga rwose kuko imitungo y’umukiriya tuyicunga kurenza iyacu, tukamenya ko imeze neza, tukamenya ko igerageza kubona amafaranga ari hejuru ku buryo nawe naza yumva anyuzwe.”

Imanishimwe Dukuze Joyeuse ushinzwe Ubucuruzi muri Multi Design Group Ltd we yongeyeho ko gucungisha umutungo utimukanwa, bifasha nyirawo kwikorera izindi gahunda ze atuje, bikamuruhura umutwaro wo kwirirwa yitaba telefoni zahato na hato zo gukemura ibibazo bya abapangayi n’ibindi.

Yongeyeho ko badafata amafaranga y’ubukode mu ntoki, ahubwo ko ashyirwa kuri konti za banki za banyiri inzu, icyo bakora ari ukwibutsa abakodesha ko bagomba kwishyura, ubundi bagatanga raporo kwa nyir’umutungo bitewe n’igihe bumvikanye.

Yongeyeho ko ishami ryabo rishinzwe gucunga imitungo rikoramo na abakozi babigize umwuga kandi babyigiye bafite impamyabumenyi za kaminuza mu bijyanye no gucunga imitungo itimukanwa no kuyibyaza umusaruro, ku buryo serivisi batanga ziba zihuse, zizewe, ku giciro cyiza, bituma biha icyizere uwo ari we wese washaka kubagana ko yanyurwa.

Multi Design Group Ltd icunga imitungo itimukanwa yo mungeri zose mu byiciro bitandukanye harimo inzu y’amagorofa y’ubucuruzi, ayo guturamo by’igihe gito n’ikirekire (apartements), hoteli, inyubako z’amashuri, inzu ziciriritse yaba ay’ubucuruzi cyangwa ayagenewe guturwamo n’umuryango umwe umwe yaba ayubatse ukwayo cyangwa mu midugudu (estates), inyubako zagenewe ubuhunikiro, inyubako z’inganda, ubutaka, inzuri, amashyamba n’ibindi.

Multi Design ifite amashami mu turere dutandukanye tw’igihugu kandi bamaze kugira uburambe muri aka kazi, dore ko bizewe n’ibigo by’imari bitandukanye, abantu ku giti cyabo, amashyirahamwe, n’amasosiyete.

Uretse gucunga imitungo itimukanwa bakora ibijyanye n’igenaciro ry’imitungo itimukanwa, gukora imishinga no kuyicunga, gutanga inama, ubufasha n’amahugurwa mu bijyanye na tekiniki n’ishoramari n’ibindi bitandukanye.

Imwe mu mitungo icungwa na Multi Design Group Ltd
Imanishimwe Joyeuse ushinzwe Ubucuruzi muri Multi Design Group yemeza ko serivisi zabo ari nta makemwa
Mutli Design Group Ltd itanga Serivisi zihuse, nziza kandi ku giciro cyiza


Kwamamaza

2009 - 2019 ©. All rights reserved