Ikigo DY Study Abroad Agency gifasha abifuza kujya kwiga mu mahanga kubona amashuri, ibyangombwa n’ubujyanama; kigiye guhuriza hamwe kandi gifashe abifuza gukomereza amashuri muri Ukraine.

Kuva mu 2015 DY isanzwe ifasha abanyeshuri kujya kwiga mu bihugu birimo u Bwongereza, Chypre, Australia, Turikiya, Ibirwa bya Maurice, u Bushinwa, Pologne n’ahandi.

Iki kigo cyateguye uburyo buzahuza abashaka kwiga muri Ukraine n’abazabibafashamo aho bazasobanurirwa ibisabwa abafite gahunda yo kwiga bagahita bafashwa gushaka ibisabwa.

Ni ibiganiro biteganyijwe ku wa Gatanu no ku wa Gatandatu (Tariki 17-18 Gicurasi 2019), kuva saa tatu z’igitondo mu nyubako yo kwa Makuza mu igorofa ya Gatanu.

Ushinzwe ibikorwa muri DY, Dukuzimana Théoneste yabwiye IGIHE ko abazitabira bazaganira n’abakozi b’izi kaminuza zo muri Ukraine ndetse n’umukozi uzaturuka muri Ambasade y’iki gihugu mu Rwanda ikorera muri Ethiopie.

Yagize ati “Hari amahirwe menshi kuko ni i Burayi ndetse ireme ry’uburezi muri iki gihugu riri ku rwego rwo hejuru, ikindi gikomeye ni uko iyo umaze umwaka muri Ukraine ushobora gusaba ibyangombwa bikugira umuturage ku buryo utongera kugira ikibazo cyo gushaka visa za buri mwaka.”

“Andi mahirwe atangwa n’izi kaminuza tuzabahuza nazo ni ay’uko nk’umuntu umaze umwaka yigayo iyo yatsinze neza bahita bamuha buruse akigira ubuntu.”

Dukuzimana yavuze kandi ko abifuza kumenya ibindi bisobanuro by’umwihariko kuri ibi biganiro biteganyijwe mu mpera z’Icyumweru bagana aho iki kigo gikorera.

DY Study Abroad Agency ikorera i Remera ku Kisimenti mu nyubako ikoreramo KCB, cyangwa ku mirongo ya telefoni +250 788 307 244, +250 781 607 909 +250 782 029 595 cyangwa kubandikira kuri [email protected] Andi makuru arebana na kaminuza abanyeshuri bashobora kwigamo aboneka ku rubuga www.dystudyabroad.com.

Abifuza kujya kwiga muri Ukraine batumiwe mu gikorwa kizabahuza n'abazabibafashamo barimo abahagarariye kaminuza zo muri iki gihugu


Kwamamaza

2009 - 2019 ©. All rights reserved