Abakunzi b’umupira na film z’uruhererekane nibo basobanura neza agahinda baterwa no gucumbika muri hoteli ifite televiziyo mu byumba, ariko nta bububasha bwo kuba bareba sheni bifuza.

Akenshi biterwa no kuba hoteli cyangwa andi macumbi (Appartements), aba afite ahantu hamwe agenzurira ibirebana n’amasheni abantu bareba, ku buryo usanga ari nabo bahitiramo umuntu umubare w’izo ashobora kureba.

Mu gukemura iki kibazo ariko Canal+ yazanye ikoranabuhanga ryorohereza abafite amahoteli n’amacumbi guha abakiliya uburenganzira bwo kuba buri wese yareba televiziyo itandukanye n’iy’uri mu kindi cyumba, kandi ntibagire uruhare mu kumuhitiramo ibyo yemerewe kureba.

Umuyobozi ushinzwe Ubucuruzi muri Canal +, Tuyishime Alain, yatangarije IGIHE ko ibi bizatuma abakiliya barushaho kunogerwa n’ibihe bahamara.

Ati “ Tuzajya tubaha ikoranabuhanga rituma buri wese uri ahantu hari televiziyo ashobora kureba amashene ashaka. N’ibintu bihendutse ugereranyije n’uburyo bwari busanzwe bukoreshwa.”

Bitandukanye n’uko mu bisanzwe umuntu agura ifatabuguzi ry’amashene runaka ariko atemerewe kuba yagira iyo akuramo igihe yishyuye kitararangira, ukoresha ubu buryo we ashobora kongeramo amashene mashya bitewe n’ibyo abakiliya be bifuza cyangwa akaba yagira iyo akuramo.

Ati “ Buri shene igira igiciro cyayo, amafaranga wishyura agendana n’umubare w’amashene ushaka. Ikindi ntabwo wishyura ifatabuguzi utaratangira kureba, ahubwo turayaguha ariko ukazishyura mbere y’uko ifatabuguzi rirangira.”

Tuyishime avuga ko abifuza ubu buryo, bahabwa ibikoresho bikenewe ku buntu, kandi wagura ifatabuguzi ry’ukwezi kwa mbere ugahabwa iminsi 30 y’inyongera.

Abifuza gukoresha ubu buryo bagana ibiro bikuru bya Canal+ kuri Tele 10 ku Gishushu. Ushobora no kubahamagara kuri +250787771795 cyangwa +250788306374.

Umuyobozi ushinzwe Ubucuruzi muri Canal +, Tuyishime Alain, avuga ko ubu buryo bizatuma abakiliya barushaho kunogerwa


Kwamamaza

2009 - 2018 ©. All rights reserved