Ikigo Homart Group kimaze kubaka izina mu gutanga serivisi zo kubaka, gucunga no gucuruza amacumbi mu Rwanda no mu mahanga, kirasobanurira byinshi kuri serivisi zacyo abasura ibikorwa bimurikirwa mu imurikagurisha mpuzamahanga ry’ibikorerwa mu Rwanda.

Iri murikagurisha riri kubera i Gikondo muri Expo Ground ryatangiye ku wa 22 Ugushyingo 2019 rikazasozwa ku wa 4 Ukuboza 2019.

Ryitabiriwe n’abamurika bo mu nzego zitandukanye zirimo ikoranabuhanga, inganda, ubuhinzi n’ubworozi, ubugeni n’izindi bakorera mu Rwanda barimo na Homart Group, yubaka, igacunga ndetse ikanagurisha amacumbi mu Rwanda no hanze yarwo.

Homart Group irimo gusobanura ibikorwa birimo imishinga itatu y’amacumbi meza iri muri Kigali abantu bashobora kubamo ari ku rwego rwo hejuru kandi yegereye ibikorwa remezo byose bikenerwa mu buzima bwa buri munsi.

Muri ayo macumbi harimo Elizabeth Golf Apartment aherereye i Nyarutarama mu Karere ka Gasabo, muri metero 200 uvuye ku cyicaro gikuru cya MTN Rwanda.

Yegereye ibibuga by’imikino ya Golf, amashuri mpuzamahanga, amavuriro, restaurant, ambasade z’ibihugu bitandukanye, amaguriro n’ibindi ku buryo kuhatura ari ugutandukana no kuvunika ujya kubishaka.

Ni amacumbi agizwe n’inzu 68 aho imwe ifite ibyumba biri hagati ya bibiri na bine, akagira ubwogero bugezweho [Swimming Pool], aho gukorera siporo [Gym], ikibuga abana bidagaduriraho n’ibindi.

Hari kandi Phoenix Plaza Apartment aherereye i Kanombe mu Murenge wa Nyarugunga mu Karere ka Kicukiro, hateganye neza n’icyanya cyahariwe inganda i Masoro, ahazwi nko kuri 12, ugana i Masaka.

Ni amacumbi yubatse mu buryo bugezweho, afite ahantu ho kwidagadurira hari ubwogero[piscine], Resitora, iguriro rinini [Super Markert] n’aho gukorera imyitozo ngororamubiri[Gym].

Ayo macumbi arimo n’ibikoresho by’ibanze nk’ibitanda n’utubati, ibyuma bikonjesha [Frigo], amashyiga [Cuisinière], ibikoresho by’aho barira [salle à manger], Flat TV, Parikingi, Camera zicunga umutekano n’ibindi.

Hari kandi Rose Garden Apartment nayo aherereye i Nyarutarama mu Karere ka Gasabo ku muhanda KG 9. Agizwe n’inzu 25 z’ibyumba hagati ya bibiri na bitatu. Zifite ahantu ho kogera hagezweho [Swimming pool], aho gukorera siporo [Gym], n’ubusitani.

Aya macumbi kandi afite ibikoni bigezweho, televiziyo zigezweho, camera zicunga umutekano n’ibindi.

Mu kiganiro yagiranye na IGIHE ko, Umuyobozi ushinzwe ubucuruzi no kumenyekanisha ibikorwa, Kay Zheng, yavuze ko “Muri ibi bihe twitegura gusoza umwaka no kwinjira mu bihe bya Noheli n’ubunani, twashyize ibiciro hasi. Turasaba abakiliya basura Expo kugera aho tumurikira bagasobanukirwa byinshi.”

Homart Group ifite abakiliya barimo 30% b’abanyarwanda, 30% bo mu Bushinwa, 30% bo muri Oman mu gihe abandi basigaye ari abo mu bihugu bikikije u Rwanda.

Yavuze ko n’ushaka kumenya amakuru yimbitse ashobora gusura www.phoenixplaza.rw, www.rosegardrn.rw cyangwa www.elizabeth.rw. Ashobora no guhamagara +250781111866, +250733888899 cyangwa +250783667606.

Afite ibikoresho by'ibanze
Afite n'aho guparika imodoka hisanzuye
ElizabethApartment ni amacumbi ateye neza imbere
Imbere mu buryamo hateye amabengeza
Imiterere y'amacumbi ya Elizabeth Apartments
Imiterere yo mu bwiherero bwayo
Kay yavuze ko ibiciro byashyizwe hasi muri iyi minsi mikuru isoza umwaka
Ni amacumbi ateye amabengeza
Phoenix Plaza ifite imbuga ngari
Swimming Pool za Phoenix Plaza
Uko amacumbi y'inyubako eshatu ateye
Yubatse ahantu hatuje
Imiterere y'amacumbi ya Phoenix Plaza


Kwamamaza

2009 - 2019 ©. All rights reserved