Veni Vidi ni restaurant imaze kuba ubukombe mu Mujyi wa Kigali kubera amafunguro n’ibinyobwa biteguranywe ubuhanga byakirizwa abayigana ndetse na serivisi zizira amakemwa zibiherekeza.

Restaurant ‘Veni Vidi’, nk’uko izina ryayo ryo mu Kilatini rivuga ugenekereje mu Kinyarwanda risobanura ngo “Ngwino Urebe”, ikomeje kuzirikana abakiliya bayo aho irushaho gutunganya aho ikorera mu buryo bugezweho igamije kugaragaza umwihariko wayo mu guhaza ibyifuzo byabo.

Umuyobozi wayo Mwamini Delphine ahamya ko uburyo aho abakiliya bakirirwa hategurwa butuma abantu bishima ndetse n’amafunguro bafashe akabanyura.

Yagize ati “Twashyize imbaraga mu gutegura neza restaurant yacu, dushyiramo indabo duhindura n’ibikoresho twari dusanganywe kugira ngo abakiliya bakomeze kwishima bumve ko bari mu rugo.”

Yakomeje avuga ko atari ibyo gusa kuko n’amoko y’amafunguro bayongereye kugira ngo hatagira umukiliya ubura icyo akeneye.

Yagize ati “Twongereye amoko y’amafunguro dutegura dushyiramo umutsima w’amasaka, isambaza, amateke, ibihaza, inkoko n’ibindi byose abakiliya bacu bagaragaje ko bakunda.”

Restaurant Veni Vidi iherereye ku muhanda wagizwe uw’abanyamaguru uzwi nka Car Free Zone mu gikari cy’ahahoze Urwego Opportunity Bank.

Ukeneye ibindi bisobanuro cyangwa ushaka kubaha komande wabahamagara kuri nimero 0788595685.


Kwamamaza

2009 - 2017 ©. All rights reserved