Sosiyete ya Multi Design Group Ltd, yashyiriyeho abakiliya bayo poromosiyo y’ubuntu izamara amezi atatu, ku bifuza gukodesha cyangwa kugurisha inzu n’ibibanza, banyuze ku rubuga rwayo.

Multi Design Group ni ikigo cy’ubucuruzi gitanga serivisi zirimo kugena agaciro k’imitungo, gucunga imitungo itimukanwa, gukora no gucunga imishinga n’ibindi.

Nyuma y’uko gisanze abantu benshi bakunze kukigana, cyashyizeho urubuga rwa internet rwitwa www.mdgrou.com rwo kwamamarizaho inzu zikodeshwa cyangwa zigurishwa kimwe n’ibibanza .

Ubuyobozi bwa Multi Design Group Ltd buvuga ko mu rwego rwo gufasha abakiriya n’abanyarwanda muri rusange, yahisemo gushyiraho poromosiyo yo kwamamaza kuri uru rubuga ku buntu, mu gihe cy’amezi atatu.

Umuyobozi wa Multi Design Group Ltd, Uwarugira Walter Bandora, yagize ati “Turashimira abakiliya batugiriye icyizere bakatuzanira inzu zabo n’ibibanza tukaba twarabigurishije mu gihe gito kandi ku giciro cyiza, cyishimiwe na bose. Turashimira kandi n’abatuguriye.”

Yaboneyeho gushishikariza abanyarwanda baba mu gihugu no hanze, gusura no gukoresha uru rubuga rwa internet na konti za Multi Design Group kuri Facebook, Instagram, Twitter na YouTube, abizeza ko bazahakura byinshi kandi byiza kuko ibyo bakora babifitemo ubumenyi n’ubushobozi.

Ushinzwe ubucuruzi bw’Imitungo itimukanwa muri Multi Design Group Ltd, Murebwayire Espérance, yabwiye ko IGIHE ko uru rubuga ari urwa rusange buri muntu yacururizaho ndetse, rumaze kumenyekana no gukundwa n’abatari bake kuko ruhuza abashaka kugurisha ibyabo n’ababikeneye.

Ati “Uru rubuga mu gihe kingana n’iminsi 45 rumaze rufunguye amarembo ku mugaragaro, rumaze kugira abarusura benshi kuko ku munsi hasomwa paji ibihumbi bitanu zarwo ikindi kandi byitezwe ko uwo mubare uziyongera bitewe n’ubunararibonye na serivise nziza zitangirwaho.”

Yongeyeho ko bashyizeho na Poromosiyo yo kwamamariza kuri uru rubuga ku buntu, mu gihe cy’amezi atatu.

Ati “Twashyizeho iyo poromosiyo yo kurwamamarizaho mu gihe cy’amezi atatu ku buntu, kuko dushaka korohereza abashaka ko dukorana kugira ngo babone aho bagurisha imitungo yabo itimukanwa.”

Ashimangira ko uzajya ashaka kwamamaza kuri urwo rubuga nyuma yo kwishyura 3000 Frw azajya arwinjiramo akiyandikisha maze agashyiraho imitungo ashaka kugurisha.

Kugira ngo umuntu yemererwe kwamamaza inzu kuri urwo rubuga asabwa kurufunguzaho konti yishyuraho 3000 Frw by’ifatabuguzi ry’ukwezi, akajya yishyura n’amafaranga 500 y’igigucuruzwa agiye gushyiraho.

Kuri uru rubuga kandi hariho na nimero ya Mobile Money na Tigo Cash zikoreshwa n’ushaka kwishyura izo serivisi.

Ku rubuga rwa Multi Design Group hamamazwa imitungo yose itimukanwa
Ni urubuga bamamarizaho ibibanza bikeneye kugurishwa
Ushaka inzu yo kugura bimworohera cyane iyo akurikira urubuga rwa Multi Design Group


Kwamamaza

2009 - 2019 ©. All rights reserved