Ubuvuzi ni inkingi ya mwamba mu iterambere rusange kuko iyo hasuzumwa imibereho y’abaturage n’uburyo igihugu cyihuta mu iterambere, usanga aho ubuvuzi bukorwa neza n’ababifitiye ubushobozi babyize ari naho ryimakajwe.

Muri iki cyerecyezo, u Rwanda rufite intego ko mu 2020 byibura abantu 100,000 bazaba bakurikiranwa n’abaganga 10, abaforomo 20 n’abakozi ba laboratwari batanu.

Ibyo bigaragaza ko hakenewe abantu benshi babyize kandi bakabiminuzamo kugira ngo u Rwanda rukomeze gutera imbere mu rwego rw’ubuvuzi.

Imibare yo mu Ukuboza 2013 yagaragaje ko mu gihugu habarizwa abaganga 678 n’abaforomo n’ababyaza 9,448.

Ibi bishatse kuvuga ko umuganga umwe yabarirwaga gukurikirana abarwayi 16,046 naho umubyaza umwe akita ku barwayi 18,790, igihe umuforomo umwe yabarirwaga 1,227.

Hagamijwe gufasha Abanyarwanda kujya kwiga ubuvuzi ndetse n’andi masomo nk’ikoranabuhanga,ubwubatsi n’ibindi, Ikigo Bright Education Recruitment Agency, gikomeje gushyigikira abashaka kwiga mu Bushinwa kugira ngo bakabye inzozi zabo.

Mu kiganiro IGIHE yagiranye na Kwizera Arnold Stephane, umwe mu bashinze Bright Education Recruitment Agency, yatangaje ko bishimira ko kuva mu 2015 bamaze gufasha Abanyarwanda kubona kaminuza zigisha ibyo bakeneye bikaba byaragiye bitanga umusasuro ndetse ntibanahendwe ku biciro.

Yagaragaje ko kuri iyi nshuro hari za kaminuza nyinshi zigisha iby’ubuvuzi bari gukorana na zo bityo bakaba bafasha Abanyarwanda baba abashaka kwiga mu cyicirro cya kabiri cya Kaminuza (Bachelor), icya gatatu (Masters) n’abashaka impamyabumenyi y’ikirenga (PHD) kujya kwigayo.

Yagize ati “Ubu hari kaminuza nyinshi zigisha ibijyanye n’ubuvuzi nka MBBS (Medicine), Farumasi (Pharmacy), ubuforomo (Nursing) , ubuvuzi bwo mu kanwa (Stomatology) , kubaga (Surgery) , ubuvuzi rusange ( Internal medicine) n’ibindi.”

Yakomeje avuga ko abashaka kujya kwigayo babashakira kaminuza zirimo ibyo bashaka kwiga, kubamenyera amafaranga yishyuzwa n’igabanuka zifite, kubagezayo igihe batahazi no kubamenyereza ubuzima bwa kaminuza. Zimwe muri izo kaminuza harimo Jiangsu University, Liaoning Medical University, Dalian Medical University, Ningbo University n’izindi.

Usibye abanyeshuri biga iby’ubuvuzi hari n’andi masomo atandukanye arimo ibijyanye n’ubwubatsi (Civil Engineering), Itumanaho n’Ikoranabuhanga (Telecommunication Engineering), Software Engineering, ibyo gukora no gutwara indege (Aviation), Ubugeni (Architecture) n’andi masomo nk’ubukungu, ubuhinzi n’ibindi.

Aho ni nko muri kaminuza za Ningbo University, Ocean University of China Zhejiang Normal University, North China University of Technology, Liaoning University of Technology n’izindi.

Kwizera avuga ko kuva batangira gukora bishimira yuko hari abanyeshuri bafashijwe kubona kaminuza nziza zibakira.

Yagize ati “ Kugera bwa mbere mu Bushinwa utazi Igishinwa biragora, abo twafashije bavuga ko byari kubasaba gutanga amafaranga menshi ariko bikaba byaraboroheye ku bwo gufashwa na Bright Education Recruitment Agency”.

Umwaka w’amashuri mu Bushinwa utangira muri Nzeri, bityo abashaka kwigayo umwaka wa 2017-2018 batangira kugana Bright Education Recruitment Agency ikabafasha kuko yinjira no mu kubashakira ibyangombwa by’inzira bakagenda badahuye n’ikibazo.

Kugeza ubu iyi sosiyete iri gukorera mu Mujyi wa Kigali, mu nyubako ya T2000, mu igorofa rya kane mu muryango wa 509 ari naho bafashiriza ababagana.

Gusa ku batari i Kigali cyangwa abakeneye ibindi bisobanuro bahamagara kuri 0788650008 na /+8613184138513 cyangwa bakifashisha Email: brighteducation450@gmail.com.

Kaminuza ya Zhejiang Normal yo mu Bushinwa imwe mu zo Abanyarwanda bashobora kwigamo
Bright Education niyo ifasha abantu kujya kwiga mu Bushinwa

tombola@igihe.com


Kwamamaza

ANDI MAKURU

2009 - 2017 ©. All rights reserved