IGIHE

Perezida Kagame yatanze intebe ya AU, ashima icyizere cyo kubaka Afurika yagiriwe

6 10-02-2019 - saa 16:33, Ishimwe Israel

Perezida Paul Kagame wari umaze umwaka ayoboye Umuryango wa Afurika Yunze Ubumwe yahererekanyije ububasha n’Umukuru w’Igihugu cya Misiri, Abdel Fattah al-Sissi, mu muhango watangirijwemo Inteko rusange ya 32 ya AU yateraniye i Addis-Abeba muri Ethiopie ku wa 10 Gashyantare 2019.

Perezida Abdel Fattah Saeed Hussein Khalil El-Sisi w’imyaka 64 agiye kuyobora AU mu gihe cy’umwaka nkuko bigenwa n’amategeko y’uyu muryango.

Inteko rusange ya AU ibimburira iza 2019, yatangiye hakirwa abakuru b’ibihugu bashya babiri barimo Félix Tshisekedi watorewe kuyobora Repubulika Iharanira Demokarasi ya Congo na Perezida Andry Rajoelina wa Madagascar.

Perezida Kagame yagize ati “Turabashimira mwe n’abaturage b’ibihugu byanyu ku ihererekanyabutegetsi ry’ingenzi.”

Umukuru w’Igihugu Paul Kagame yagaragaje ko intego yari ukubaka AU ihamye, inafite ubushobozi bwo kugendera ku nkingi z’icyerekezo 2063 no guhagararira inyungu za Afurika ku ruhando mpuzamahanga.

Yashimye abakuru b’ibihugu bamubaye hafi mu rugendo rw’amezi 12. Ati“Ndabashimira byimazeyo icyizere mwangiriye cyo kuyobora umuryango wacu mu gihe cy’umwaka nkorana namwe n’abaturage ba Afurika.’’

Perezida Kagame yahawe kuyobora AU, ifite ibibazo birimo kudashyira hamwe kw’ibihugu biyigize aho bimwe byasaga n’ibikorera mu matsinda bitewe n’aho biherereye.

Mu 2018, yagize uruhare mu kuyobora amavugururwa aganisha ku kwigira kwa AU aho gutegereza inkunga z’amahanga.

Aya mavugurura yagaragaje ko kugira ngo AU yihaze mu ngengo y’imari hakwiriye umusoro wa 0.2 % ku bicuruzwa biva mu mahanga, buri gihugu kikayatanga buri mwaka.

Intego ni ukubona nibura miliyari $1.2 azafasha ibikorwa bya AU buri mwaka, igasezerera inkunga z’amahanga.

Yakomeje avuga ko “Intambwe zatewe zigaragaza umurava n’intego z’abatuye Afurika n’abayiyobora. Amasezerano ashyiraho isoko rusange (AfCFTA) yarasinywe, ubu mu gihe kitageze ku mwaka, hasigaye igihe gito agatangira kubahirizwa.’’

Ku wa 21 Werurwe 2018 nibwo ibihugu 44 byasinyiye i Kigali AfCFTA. Kuri ubu ibihugu 18 byemeje aya masezerano burundu, harabura bine ngo inzozi z’isoko rihuriweho ribe impamo.

AfCFTA ni isoko rizahuriza hamwe abaturage ba Afurika miliyari 1.2 n’ibihugu 55 bifite umusaruro mbumbe wa miliyari ibihumbi $2.5.

Perezida wa Komisiyo ya AU, Moussa Faki Mahamat, aheruka gutangaza ko iyi nteko rusange ya AU yitezweho kubonekamo ibindi bihugu byuzuza 22 ngo amasezerano atangire kubahirizwa.

Perezida Kagame yagize ati “Turashima Guinea-Bissau, Botswana na Zambia byemereje aya masezerano muri iyi nteko ya AU. Ni ugushishikariza ibihugu byasinye amasezerano kuyemeza burundu bidatinze.’’

Umukuru w’Igihugu kandi yanagize uruhare mu ishyirwaho ry’Ikigega cy’Amahoro (Peace Fund) kivuguruye aho mu 2018, ibihugu 50 byatanzemo imisanzu ya miliyoni $89.

Yagize ati “Biragaragaza ubushobozi n’imbaraga duhuje mu gushaka ibisubizo. Tuzakomeza gukorana n’Umuryango w’Abibumbye hagamijwe gutera inkunga iyubakwa ry’ibikorwa bihamye byo kwicungira umutekano muri Afurika.’’

Mu yindi mishinga igikomeje yasabiye kongeramo imbaraga harimo ikoreshwa rya Pasiporo Nyafurika izoroshya uburyo Abanyafurika bambuka imipaka bajya mu bindi bihugu. Yanagaragaje ko ibihugu bya Afurika bikwiye kongera ubushobozi bushyirwa mu bikorwa by’ubuvuzi ngo bugere kuri bose.

Perezida Kagame yashimangiye ko imbaraga za AU n’ibihugu biyihuriyemo zikwiye gushingira ku gutegura ikoranabuhanga rishya ryubakiyeho ubukungu bw’Isi.

Perezida Kagame ahererekanya ububasha na mugenzi we wa Misiri, Abdel Fattah al-Sissi
Perezida Abdel Fattah Saeed Hussein Khalil El-Sisi w’imyaka 64 agiye kuyobora AU mu gihe cy’umwaka
Byari ibyishimo mu guhererekanya ububasha hagati y'aba bayobozi
Perezida Kagame yahawe kuyobora AU, ifite ibibazo birimo kudashyira hamwe kw’ibihugu biyigize aho bimwe byasaga n’ibikorera mu matsinda bitewe n’aho biherereye
Faki Mahamat yashimye imikoranire ye na Perezida Kagame muri AU
Abakuru b’ibihugu na za Guverinoma bateraniye mu Nama y’Inteko Rusange ya AU

Amafoto: Village Urugwiro

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Emmanuel 2019-02-10 19:48:23

Umuyobozi Wacu ni Rudasumbwa,Rucamubicika nt akangwa aho rukomeye,ibigwi yabigize intego
Azahora ashimirwa imitaga n imitaga intambwe ikomeye amavugururwa yakoze muri AU yagize kandi akomeje gutanga icyizere Ku mubano mwiza,ubuhahirane n ubwubahane mu Banyafurika
Aragahora aganje

2
Emmanuel 2019-02-10 19:48:21

Umuyobozi Wacu ni Rudasumbwa,Rucamubicika nt akangwa aho rukomeye,ibigwi yabigize intego
Azahora ashimirwa imitaga n imitaga intambwe ikomeye amavugururwa yakoze muri AU yagize kandi akomeje gutanga icyizere Ku mubano mwiza,ubuhahirane n ubwubahane mu Banyafurika
Aragahora aganje

3
Callixte Yadufashije 2019-02-10 15:37:17

HE Paul Kagame we are really happy for what you did and changes you brought in African Union. We hope you will continue providing your advice for new leaders of AU.

God Bless you

4
Genesis 2019-02-10 12:27:04

Thank you so much our President for your contribution towards our continent, you always bring "Agaciro" to our thousand hills Counrty. We are proud of you

5
Nkuba René 2019-02-10 09:46:22

Umusaza yarakoze kandi azakomeze ateze imbere umugabane wose!

6
Nkuba René 2019-02-10 09:46:15

Umusaza yarakoze kandi azakomeze ateze imbere umugabane wose!

Kwamamaza