Mushikiwabo yatanze kandidatire ku buyobozi bwa OIF

16 11-07-2018 - saa 13:37, Cyprien Niyomwungeri

Minisitiri w’Ububanyi n’Amahanga, ubutwererane n’ibikorwa by’Umuryango wa Afurika y’Iburasirazuba, Louise Mushikiwabo, yatanze kandidatire ye ku Bunyamabanga bw’Umuryango Mpuzamahanga w’ibihugu bikoresha ururimi rw’Igifaransa (OIF).

Kuri uyu wa Gatatu nibwo Mushikiwabo yageze i Antananarivo muri Madagascar, aho yakiranywe ubwuzu na Perezida w’iki gihugu, Hery Rajaonarimampianina, uyoboye OIF, akamushyikiriza kandidatire ye ku mwanya w’Ubunyamabanga Bukuru bw’uyu muryango.

Mushikiwabo w’imyaka 57, amaze imyaka icyenda muri Minisiteri y’Ububanyi n’Amahanga y’u Rwanda, amaze iminsi kandi mu bikorwa byo kwiyamamaza, ndetse icyifuzo cye cyo kuyobora Ubunyamabanga Bukuru bwa OIF cyashyigikiwe n’ibihugu bikomeye muri uyu muryango nk’u Bufaransa.

Abakuru b’Ibihugu bitabiriye Inama ya 31 Isanzwe y’Umuryango wa Afurika Yunze Ubumwe (AU) iherutse kubera i Nouakchott muri Mauritania, bemeje ko bashyigikiye kandidatire ya Minisitiri Mushikiwabo uhanganye n’Umunya-Canada Michaëlle Jean, wayoboye OIF kuva mu 2014.

Afurika ifite ibihugu 30 kuri 50 bifata ibyemezo muri OIF. Amatora azabera mu nama izateranira i Erevan muri Arménie ku wa 11-12 Ukwakira 2018.

Mu kiganiro aherutse kugirana na RBA, Mushikiwabo yasobanuye ko kwiyamamariza uyu mwanya we n’ubuyobozi bw’u Rwanda babiganirijweho cyane n’ibihugu by’inshuti biri muri uyu muryango bagasanga ari igitekerezo cyiza, bityo nta mpamvu u Rwanda rutakwifuza kuwugiramo uruhare rurushijeho.

Yakomeje agira ati “Ikindi ni uko njye ku giti cyanjye mbifitiye ubushake n’ubushobozi kandi aka kazi ni ububanyi n’amahanga bukomeza kuko ni ukuba Umunyamabanga w’ibihugu birenga 80 birimo ibigera kuri 54 bifite uruhare runini kandi bifata ibyemezo bikomeye muri uyu muryango. Ni ububanyi n’amahanga mu bihugu birenze kimwe”.

Mushikiwabo yavuze ko mu gihe azaba atowe hari iby’ingenzi azibandaho birimo ikibazo cy’ubushomeri mu rubyiruko n’icy’abimukira bagwa mu Nyanja berekeza i Burayi.

Yagize ati “Hari ibikorwa byinshi cyane ibijyanye no gushakira imirimo urubyiruko mu bihugu byacu kuko hari ibibazo byinshi tugenda dusangira. Njye mbona hakiri ibikenewe gukorwa gusa hakifashishwa ibitekerezo by’ubunyamabanga n’iby’abakuru b’ibihugu.”

“Ikindi kibazo kinkora ku mutima ni icy’Abanyafurika b’abimukira bahora bambuka bagana mu Burayi. Abenshi bashiriye mu Nyanja ya Méditerranée, kiriya ni ikibazo gikomeye kandi kireba ibihugu byinshi biri muri OIF, mbona dukwiye kugiha umwanya tukagitekerezaho. Ibyo ni bimwe byihutirwa mbona mfitiye ubushake n’ubushobozi. Ntabwo Umunyamabanga Mukuru ari we ukora akazi wenyine kuko agafatanya n’abandi”.

Umuryango wa Francophonie washinzwe mu 1970, urakomeye cyane kuko uhuza ibihugu bivuga Igifaransa, aho igenzura riheruka mu 2014 ryerekanye ko kivugwa na miliyoni 274 mu migabane itanu y’Isi.

Mushikiwabo ashyikiriza Perezida Hery kandidatire
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
rubayita athanase 2018-07-17 04:34:41

Mwatoranije neza : mwahitamo ( MUSHIKI WABO)

2
Hatama 2018-07-12 08:42:59

Aliko ubufaransa bwigeze buvuga ko busbyigikiye candidature ya Mushikiwabo cg muligiza nkana cg ntimuzi language diplomatique? Bwavuze ko candidature yava muli Africa ndetse ikaba ali iy’umugore yaba ishimishije.

3
ks 2018-07-12 04:55:56

Ni byiza rwose ariko ntibizatume ibyo badukoreye bisibangana kubera ....??!!!!! birabe ibyuya bashobora fra... kujya bavuga bati ntimuzi ko twabashyigikiye none ngo bla bla

4
GRT 2018-07-12 03:50:52

Bwana Habineza wagiye ureka amatiku ko amatiku atubaka, hari aho wariwabona abantu bateye imbere kubera amatiku kweli.

5
prof vuka 2018-07-12 02:23:56

My Dear friends online, My name is Florian kinden. And i live in Canada,I have to give this miraculous testimony, which is so unbelievable until now. I had a problem with my Ex husband 2 years ago, which lead to our break up. I was not myself again, i felt so empty inside me, my love and financial situation became worse, until a close friend of mine told me about a spell caster who helped her in the same problem too her name is tendo. I email the spell caster and i told her my problem and i did what she asked of me, to cut the long story short. Before i knew what was happen, less than two days my husband gave me a call and told me that he was coming back to me i was so happy to have him back to me. The most interesting part of the story is that am pregnant. Thanks to mama for saving my marriage and for also saving others own too. Continue your good work, If you are interested to contact the great spell caster 27617874648

6
Kan 2018-07-12 00:55:55

Kananira ,ironie iri muri commentaire yawe iransekeje!!!

7
Kan 2018-07-12 00:55:54

Kananira ,ironie iri muri commentaire yawe iransekeje!!!

8
Rwasubutare 2018-07-11 23:44:08

Njye mbibona ukundi. abo bafaransa dukomeza kwiyegereza ejo nibongera bimwe batashoje nakazi kanyu.

9
Habineza 2018-07-11 13:11:59

Ngo Urwanda rurifuza uruhare rurushijeho muli OIF ,urusanzwe se ni uruhe kuva igihugu cyahanagura CCFR i Kigali???

10
Jonas 2018-07-11 11:23:01

Tuzogutora mushikiwacu nacane cane twebwe abarundi nakongo na africa muri rusangi tuzoshigikira mushiki wacu Rouis kuko urumunya africa uzofashe mubumwe bwabanya Afrique cyanecyane uburundi nurwanda hoye kwama ugushikurana.

Paji: 1 | 2  

Kwamamaza