Perezida Kagame yitabiriye Inama yiga ku ngufu zikomoka ku mirasire y’izuba mu Buhinde

2 11-03-2018 - saa 07:41, IGIHE

Perezida Kagame yageze i New Delhi mu Buhinde aho yitabiriye Inama Mpuzamahanga y’Ihuriro ry’Ibihugu Bikungahaye ku Mirasire y’Izuba iri butangire uyu munsi ku Cyumweru, aho biteganyijwe ko ari bugeze ijambo ku bayitabiriye.

Iyi nama yateguwe n’u Buhinde bufatanyije n’u Bufaransa ihuje ibihugu bigera ku 121 bikungahaye ku ngufu zituruka ku mirasire y’izuba. Ibi bihugu bikaba bifatanyije mu gushakira hamwe uburyo ikoranabuhanga rishingiye ku mirasire y’izuba ryakwirakwiza.

Iyi nama y’umunsi umwe yitabiriwe n’abakuru b’ibihugu na za Leta bagera kuri 20 baturutse muri Afurika no mu birwa bitandukanye ku Isi.

Perezida Kagame azanitabira kandi isangira ryateguwe na Minisitiri w’Intebe w’u Buhinde, Narendra Modi, anagirane ibiganiro n’uyu Mukuru w’Igihugu.

Ihuriro ry’Ibihugu bikungahaye ku ngufu zikomoka ku mirasire y’izuba ni umugambi watangijwe n’Inama ya Loni yigaga ku mihindagurikire y’ikirere yabereye I Paris ku itariki ya 30 Ugushyingo 2015, iyobowe na Minisitiri w’Intebe w’u Buhinde, Narendra Modi n’uwari Perezida w’u Bufaransa, François Hollande.

Hari hagamijwe ko ibihugu byishyira hamwe kugira ngo bibashe gukemura ibyo bikeneye mu rwego rw’ingufu no gushyiraho uburyo bw’ubufatanye mu kuziba ibyuho bigaragara mu buryo buhuriweho.

Narendra Modi na François Holldande bashyize ibuye ry’ifatizo ku cyicaro cy’iri huriro banashyiraho ubunyamabanga bw’agateganyo mu ishuri rikuru ryigisha ibijyanye n’ingufu zikomoka ku mirasire y’izuba mu Mujyi wa Gurugram mu Buhinde ku wa on 25 Mutarama 2016.

Ibihugu 56 byamaze gushyira umukono ku masezerano agenga imikorere y’Ihuriro ry’Ibihugu bikungahaye ku ngufu z’imirasire y’izuba birimo Australia, Bangladesh, Benin, Brazil, Burkina Faso, Cabo Verde, Cambodia, Chad, Chile, Comoros, Costa Rica, Cote d’Ivoire, Cuba, Djibouti, Dominican, Republic, DR Congo, Equatorial Guinea, Ethiopia, Fiji n’u Bufaransa.

Harimo kandi Gambia, Gabon, Ghana, Guinea, Guinea-Bissau, Guyana, u Buhinde, Kiribati, Liberia, Madagascar, Malawi, Mali, Mauritius, Mozambique, Nauru, Niger, Nigeria, Peru, u Rwanda, Sao Tome, Senegal, Seychelles, Somalia, Sudani y’Epfo, Sri Lanka, Sudani, Suriname, Tanzania, Togo, Tonga, Tuvalu, UAE, Uganda, Vanuatu, Venezuela na Yemen.

Perezida Kagame asuhuza Minisitiri w’Intebe w’u Buhinde, Narendra Modi
Perezida Kagame asuhuza Perezida w'u Bufaransa, Emmanuel Macro
Perezida Kagame yabonanye na mugenzi we w'u Bufaransa, Emmanuel Macron
Perezida Kagame atanga ikiganiro ku bitabiriye iyi nama
Perezida Kagame n’abandi bayobozi bitabiriye Inama y’Ihuriro ry’ibihugu bikungahaye ku ngufu zikomoka ku mirasire y’izuba
Kwamamaza
Kwamamaza

Izindi nkuru wasoma

417 27 16-10-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kuku 2018-03-11 05:49:02

ESE KO mbona igihugu cyacu gikennye ingufu kuki kitashora frw mu zuba kandi turifite rihagije???

2
Hitimana 2018-03-11 03:50:55

IZUBA rifite ingufu nyinshi.Mu isegonda rimwe gusa,izuba ritanga ingufu abantu bose bakoresha mu myaka 200 000 !! Ariko se mwari muzi ikintu gitanga INGUFU nyinshi kurusha ibindi byose? Ni umwuka wera dusoma muli Bible.Urugero,ndamutse mfuye,imana yaguha umwuka wera ukanzura.Umwuka wera niwo Yesu n’abigishwa be bakoreshaga bazura abantu cyangwa bakiza abantu baremaye n’abahumye.Umwuka wera ntabwo ari indi mana igize ubutatu nkuko amadini menshi yigisha.Nta hantu na hamwe Bible ivuga ko imana ari ubutatu:Imana data,imana mwana n’imana mwuka wera.Imana ishobora byose,idashobora gupfa,ni SE wa YESU gusa.YESU ubwe yavuze ko SE amuruta muli Yohana 14:28.YESU kandi yadusabye gusenga SE wenyine muli Matayo 4:10.Mu gihe abanyamadini basenga Yesu kandi yarabitubujije.Muli ibyakozwe 3:13,havuga ko Yesu ari umugaragu w’imana.

Kwamamaza