Perezida Kagame asanga Afurika ikwiye kwinenga kumenyerwa ibibazo no kubikemurirwa n’abandi

14 13-11-2017 - saa 17:40, Cyprien Niyomwungeri

Perezida Kagame yashimangiye ko ibihugu bya Afurika bikwiye gushyira hamwe bigahangana n’ibibazo bifite birimo; iterabwoba, ubusumbane, abimukira, politiki y’ivangura n’ibindi aho kumva ko bizabimenyerwa n’abandi ndetse bakaba ari na bo babikemura.

Mu ijambo yagejeje ku bitabiriye inama ya kane y’Ihuriro Mpuzamahanga ryita ku Mahoro n’Umutekano ibera i Dakar muri Senegal, kuri uyu wa 13-14 Ugushyingo 2017, Umukuru w’Igihugu yavuze ko ibibazo by’umutekano muke byiyongera kuko abanyafurika bananiwe gushyira hamwe uko bikwiye ngo bubakire ku bushobozi bafite mu kubikemura.

Yavuze ko Abanyafurika nibashyira hamwe bashobora gukemura ibibazo byose bafite, aho gutegereza ko hari abandi bazabibamenyera.

Yagize ati “Nitwemerera abandi kumenya ibibazo byacu no gufata inshingano zo kubikemura, tugomba kwinenga ubwacu.”

Gusa Perezida Kagame wari kumwe Perezida wa Mali, Ibrahim Boubacar Keïta, Macky Sall wa Senegal, Minisitiri w’Intebe wa Tchad, Albert Pahimi Padacké na Perezida wa Komisiyo ya AU, Mahamat Moussa Faki, yavuze ko ubumwe bwa Afurika budasobanura kwirengagiza ubufatanye bw’intangarugero igirana n’abafatanyabikorwa bayo.

Ati “Tugomba kumva ko dufite inshingano zacu tudashyiramo abafatanyabikorwa ahubwo bakaza batwunganira. Tugomba kugira inshingano zo kumenya ibibazo byacu no kwishakamo ubushobozi bwo kubikemura. Gukorera hamwe ni ingenzi.”

Perezida wa Senegal, Macky Sall, yagarutse ku mavugurura aherutse gukorwa mu muryango wa Afurika Yunze Ubumwe, AU, avuga ko amahoro n’umutekano ari byo bishyizwe imbere kandi Afurika yose idakwiye kwemera ko imitwe y’iterabwoba ikomeza kwica inzirakarengane no guteza umutekano muke.

Yakomeje avuga ko iyo ibihugu by’amahanga byivanze mu bibazo bya Afurika bigira ingaruka nyinshi kuko buri gihugu kigira amateka yacyo. Yasabye ko hari ibindi bibazo bitera umutekano muke Afurika ikwiye kwitaho birimo n’ubushomeri.

Yagize ati “Hari ibindi bibazo dukwiye kureba usanga ari nyirabayazana w’umutekano muke, aha navuga uburezi, iterambere kuri bose, imibereho myiza, kurwanya ubushomeri ni ibintu by’ingenzi bizatuma turwanya iterabwoba n’imyivumbagatanyo hirya no hino muri Afurika.”

Perezida Kagame yahishuye ibanga ry’umutekano n’amahoro

Perezida Kagame yagaragaje ko amahoro n’umutekano birangwa mu Rwanda byaturutse ku miyoborere myiza umuturage agiramo ijambo no guharanira ko ubukungu bugera kuri bose.

Yagize ati “Umutekano wubakirwa ku nkingi y’icyizere no guharanira iterambere buri muturage yibonamo. Iri niryo banga mu gihugu cyacu, aho politiki abaturage bibonamo n’abikorera, yatumye tugera ku byiza mu mutekano n’iterambere ry’abaturage.”

Yakomeje agira ati “Dukwiye kurenga uburyo bwo gukoresha imbaraga za gisirikare gusa mu gukemura ikibazo cy’umutekano muke muri Afurika. Ni ingenzi kureba no ku bisubizo bihuriweho, umutekano, iterambere n’imiyoborere myiza.”

Iri huriro rifite insanganyamatsiko igira iti "Ibibangamiye umutekano muri Afurika hagamijwe gushaka umuti mu buryo buhuriweho.

Ryahurije hamwe abagera kuri 400 baturuka mu nzego zitandukanye zo mu karere no ku rwego mpuzamahanga, baba abo mu nzego za politiki mpuzamahanga, abayobozi b’ingabo, impuguke, abahanga baturuka mu Muryango wa Afurika Yunze Ubumwe, mu Muryango w’Abibumbye no muri Sosiyete Sivile.

Perezida Kagame na mugenzi we wa Senegal, Macky Sall
Perezida Kagame yavuze ko Abanyafurika nibashyira hamwe bashobora gukemura ibibazo byose bafite, aho gutegereza ko hari abandi bazabibamenyera
Perezida Kagame asuhuza abitabiriye inama yiga ku mahoro n'umutekano bya Afurika
Kwamamaza
Kwamamaza

Izindi nkuru wasoma

573 27 16-10-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Kanakuze Jeanne 2017-11-15 10:30:16

Ijambo lya Perezida Kagame rirashimishije kandi ndumva we ubwe aza kulishyira mu bikorwa maze aho abanyamahanga bashyizwe ngo badutekerereze hakajya abanyarwanda! Tekereza umunsi abajyanama ba Perezida bazaba ari abanyarwanda, umunsi Kaminuza yacu yongeye kuba nyarwanda, umunsi ibigo bikomeye bizasubiranywa n’abenegihugu, ...! Dushonje duhishiwe!

2
JO 2017-11-14 07:20:32

kwihuza kw’africa ninko kurota inzozi zidashobora kuba impamo
1- africa iciwemo ibice byinshi bikuriwe kandi biyoborwa nabazungu
2-abo bazungu ubwabo ntibumvikana kandi ntibakwihuza
3-kubaho kwibihugu biyafrica bibikesha abobashaka kwibohora
ariko hari ibibazo nibaza, niba urwanda nuburundi bitumvikana bituranye, cg iyi myuka twumva muriyiminsi mubihugu bigize EAC kandi ari umushinga muto cyane ugereranyije no guhuza africa yose kandi guhuza ibihugu 6 ngo byumvikane bidashoboka mwumva atari inzozi turota turyamye. ese kuki dutekereza kunga africa kuki tudatekereza kunga isi yose. nonese twakwigira gute kandi hari amategeko ashyirwaho muri africa hitawe kubiva iburaya n’america eg: itegeko ryimyubakire ririmo ibintu byinshi bikomoka mubazungu,za essenceur, ama machine atandukanye mbega ubuziranenge tuvuga bushingiye kubivahe mwabantumwe? africa igomba kubaho munsi yabanyaburayi kuko iterambere tuvuga turivuga twigereranya niterambere ryabazungu. umunsi twize kuvumbura ibyacu bwite mubwenge bwacu munzego zose POLITICAL,SOCIAL,ECONOMICAL and other aspects of life we import them and apply in our countries. our taxation system belongs from those whites anytime,anyhow,they can destroy these systems of ours BANKS,COMMUNICATION COMPANIES ETC
ALL IN ALL WE AFRICA CANT BE INDIPENDENT

3
Rwandan 2017-11-13 22:18:08

Nsubize uwitwa Mwanainchi: Ä°yo havugwa kwishyira hamwe kwa Africa no kwihesha agaciro ntabwo bisobanuye kwirukana abazungu nibyabo muri Africa. Bivuze imikoranire mishya igomba kuturanga, aho umwana wa Africa agomba kwicarana n’umuzungu bakajya inama yibyo bakora bikabagirira akamaro bose. Bitandukanye nuko ubu bimeze aho umuzungu yumva ari byose, ko icyo ashatse gihita gikorwa hatabanje kurebwa niba hari icyo kimariye abanyafrica. Naho kugeza uyu munsi abazungu turabakeneye ndetse cyane, kuko nibo bafite ubukungu hafi ya bwose bw’isi, technology dukoresha niyabo ndetse abenshi twataye umuco wacu dufata uwabazungu.

4
Alias 2017-11-13 18:41:58

bazabanze bareke gutumira abazungu mu manama nk’ayo aba avuga ku bibazo bya Afurika. nk’uwo mugore ari kuyikoramo iki?

5
Bibiana 2017-11-13 13:24:57

ibibazo abanyafurika duhura nabyo akenshi nitwe tubyitera tubishatse twabikemura. Mu Rwanda turi urugero rwiza rwo kwishakamo ibisubizo

6
Eminata 2017-11-13 13:24:01

Africa niharanire kwigira

7
ruziga 2017-11-13 12:27:27

aho bigeze rero abanyafurika nibashyire mu bikorwa inama bagirwa na Paul Kagame, ababwiye kenshi kandi ibyo ababwira babikerensa bakabona ingaruka. Byibura Senegal nicyo gihugu gifite stabilite yaba economique na Politique ariko ahandi mu bindi bihugu bisa nk’ibiri mu kwaha kw’abafaransa ntaho biri. biyoborerwa kuri telecomande

8
Ruziga 2017-11-13 12:26:45

aho bigeze rero abanyafurika nibashyire mu bikorwa inama bagirwa na Paul Kagame, ababwiye kenshi kandi ibyo ababwira babikerensa bakabona ingaruka. Byibura Senegal nicyo gihugu gifite stabilite yaba economique na Politique ariko ahandi mu bindi bihugu bisa nk’ibiri mu kwaha kw’abafaransa ntaho biri. biyoborerwa kuri telecomande

9
Kazigaba 2017-11-13 12:23:38

iri jambo rya H.E ndarikunze cyane pe: "Tugomba kumva ko dufite inshingano zacu tudashyiramo abafatanyabikorwa ahubwo bakaza batwunganira. Tugomba kugira inshingano zo kumenya ibibazo byacu no kwishakamo ubushobozi bwo kubikemura. Gukorera hamwe ni ingenzi.â€

10
Kazigaba 2017-11-13 12:22:08

iri jambo rya H.E ndarikunze cyane pe: "Tugomba kumva ko dufite inshingano zacu tudashyiramo abafatanyabikorwa ahubwo bakaza batwunganira. Tugomba kugira inshingano zo kumenya ibibazo byacu no kwishakamo ubushobozi bwo kubikemura. Gukorera hamwe ni ingenzi.â€

Paji: 1 | 2  

Kwamamaza