IGIHE

Bwa mbere i Kigali hagiye kubera imurika rizatangirizwamo uburyo buzakura benshi mu bukode

10 13-03-2019 - saa 17:01, Akayezu Jean de Dieu

Mu biraje ishinga ba rwiyemezamirimo b’i Kigali harimo gushora imari mu kubaka inzu zo guturamo, zigezweho kandi ziciriritse.

Ikigo cy’Igihugu cy’Ubwiteganyirize, RSSB, giherutse gutangaza ko muri gahunda yo gufasha Abanyarwanda bafite ubushobozi buke, kigiye kubaka inzu ibihumbi birindwi i Gasogi mu Karere ka Gasabo, zifite agaciro kari hagati ya miliyoni 10Frw na 20 Frw.

Ni mu gihe Ikigo cy’Igihugu gishinzwe imyubakire, RHA, cyatangaje ko kugira ngo intego ya 35% by’abanyarwanda bagomba kuba batuye mu mijyi kandi batuye neza igerweho; hakenewe inzu ibihumbi 560 zirimo n’iziciriritse bitarenze mu 2020.

Ni kubw’izo mpamvu ikigo RG Consult Inc cyateye imboni ibyo abanyarwanda batandukanye bakeneye, gitegura imurikagurisha rizahuriza hamwe abafite aho bahuriye n’inyubako, abanyabugeni mu by’ubwubatsi n’ibigo by’imari bifasha abanyarwanda gutunga inzu zabo binyuze mu kubaha inguzanyo n’ubundi bufasha mu by’imari.

Ni umurikagurisha ry’iminsi itanu ritaganyijwe kubera i Kigali mu nyubako ya CHIC kuva ku wa 18 Werurwe 2019.

Mu kiganiro n’abanyamakuru kuri uyu wa Gatatu, Umuyobozi Mukuru wa RG Consult Inc, Remmygious Lubega yavuze ko muri iri murikagurisha hazatangizwa ku mugaragaro ‘application’ ya telefoni yiswe “Murugo App”, izafasha abantu baba mu bukode kuzuza ibisabwa, bagahabwa amahirwe yo gutunga inzu zabo.

Ubuyobozi bwa RG Consult Inc butangaza ko hari abantu benshi mu gihugu baba mu bukode kandi mu by’ukuri amafaranga bakodesha inzu ashobora kuvamo inzu zabo bwite.

Lubega yakomeje ati “Ni ukuvuga ngo ya mafaranga wakodeshaga ya nzu, tuzareba ngo wabaga mu nzu y’ibyumba bitatu wenda wayishyuraga ibihumbi 250Frw. Tuzareba ngo ayo mafaranga ni urugero ugiye ufata ibihumbi 100Frw ukayashyira kuri banki runaka, natwe twaguhereza inzu ifite agaciro k’amafaranga runaka hanyuma banki ikazajya itwishyura kuri ya mafaranga ubitsa.”

Kugeza ubu abagera kuri 20 bamaze kwiyandikisha kuzamurika ibikorwa byabo muri Kigali Property & Shoppers Bazzar 2019.

Imurikagurisha nyirizina riteganyijwe kuva ku wa Mbere tariki 18 Werurwe kugeza ku wa 23 Werurwe 2019, mu Mujyi wa Kigali mu nyubako ya CHIC.

Abategura iri murikagurisha bavuze ko abanyarwanda bazasobanurirwa uko batunga inzu zabo bitabagoye
Umuyobozi Mukuru wa RG Consult Inc, Remmygious Lubega yavuze ko bifuza gukemura ikibazo cy'abanyarwanda bagituye mu bukode
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
bizimana 2019-03-15 02:31:41

Iki gitekerezo cyo kubaka amazu aciriritse ku banyarwanda ni kiza cyane,Gusa natanga inama zo kuzanoza uburyo bw’imyushyurire ndetse n’uburenganzira bw’ugura n’ugurisha kugirango hatazigira ubirenganiramwo.Murakoze cyane

2
Remy 2019-03-14 04:34:44

ibi bintu nibyiza gusa nasanze harimo itecnica rirenze ,iyo ufite amafranga uyakwiza muri family yawe bagasaba inzu ku mazina yabo kuko hari amafranga abanza gutagwa mbere y’abantu bemerewe iyo ufite amafranga uhita uyabaha, nyuma bagakora indi tecnica yo kugusubiza yamazu ugasanga umuntu umwe afite nkamazu arega atatu ibyo mwese murabizi igacuriro mumazu ya RSSB muzitonde ntimuzagwe mumutego muzayahe abayakwiye murakoze

3
Ahishakiye Sosthene 2019-03-14 03:36:14

Icyigitecyerezo ndagishyigikiye rwose ahubwo mumbwire ukonange nabona kurayomahirwe kuko sindi mugihugu ndi Mozambique ark nifuza kugaruka mfite ahontaha kuko najyanywe nogushaka ubuzima ,mumfashe

Mbaye mbashimiye

4
MANIRAREBA Maurice 2019-03-14 01:37:25

iki gitekerezo nikiza cyane ese abafite akazi bakira umushahara ku kwezi haricyo mwaduteganyirije mutubwire

5
Nzayisenga Eugene 2019-03-14 01:00:37

Ibibintu nibyiza ntawabigaya
Ni igikorwa cyiza cyane!

6
Nzayisenga Eugene 2019-03-14 01:00:18

Ibibintu nibyiza ntawabigaya
Ni igikorwa cyiza cyane!

7
Veda 2019-03-13 23:49:13

Ni byiza arko nta masaha mwashyizeho bazatangiriraho. Thx

8
Jonh 2019-03-13 17:09:37

Mutekereze cyane!! Muzagurisha nimirima yanyu kandi nizonzu ntazo muzabona !!!

9
Jonh 2019-03-13 17:06:26

Ariko bavandimwe mwakwitondeye iryo shoramali!!! Muzashiduka navugishije imirima yanyu!!!

10
Jean Cousin 2019-03-13 13:22:15

Ibi turabyishimiye, twizeye imikoranire myiza kuko mu Rwanda haburaga uburyo bwo kwishura inzu uyituyemo igihe runaka warangiza ukayegurirwa burundu. Ni byiza kubatanasha kubonera rimwe amafaranga yo kubaka.

Kwamamaza