Amatora ya Perezida 2017:Lisiti y’Itora imaze kuvugururwa ku gipimo cya 95%

8 17-01-2017 - saa 10:31, IGIHE

Komisiyo y’Igihugu y’Amatora itangaza ko abaturage bagera kuri 95% bujuje ibyangombwa byo gutora bamaze gukosoza imyirondoro yabo kuri lisiti y’itora,abenshi muri bo bakaba ari abakoresha ikoranabuhanga rya internet na telefoni zigendanwa.

Mu gihe u Rwanda rwitegura amatora ya Perezida ku itariki ya 4 Kanama, uyu mwaka, Komisiyo y’Amatora yasabye abanyarwanda bijuje ibisabwa gukosoza imyirondoro yabo kuri lisiti y’itora, igikorwa cyatangiye mu Ugushyingo 2016.

Umunyamabanga Nshingwabikorwa wa Komisiyo y’Amatora, Charles Munyaneza, yatangaje ko kugeza ubu iki gikorwa kiri kugenda neza kandi ko ahabonetse ikibazo gihita gishakirwa umuti mu maguru mashya.

Mu kiganiro yagiranye na The New Times, Munyaneza yavuze ko ibibazo bikunze kugaragara ari ibifitanye isano na internet itihuta na byo bikaba bihita bikemurwa mu gihe gito.

Yagize ati “Imyiteguro iragenda neza.Gukoresha ikoranabuhanga byoroheje igikorwa cyo gukosora lisiti y’itora.Mu gihe hagize uhura n’ikibazo, akangurirwa gusura ibiro bya Komisiyo y’Amatora i Kigali cyangwa akegera abaduhagarariye hirya no hino mu gihugu.Buri mudugudu ufite abakorerabushake bane babishinzwe.”

Yongeyeho ko Komisiyo y’Amatora yohereje kopi za lisiti yitora muri buri mudugudu kugira ngo hatagira umuturage n’umwe ucikanwa.

Ahanini amakuru asabwa gihindurwa mu kuvugurura lisiti y’itora ni ajyanye n’aho umuntu atuye bitewe n’abagiye bimuka bakava aho bari bariyandikishije mbere.
Iki gikorwa kirakomeje kugeza igihe lisiti ntakuka izatangazwa ku itariki ya 15 Nyakanga nk’uko Munyaneza yabisobanuye.

Yavuze ko uburyo bw’ikoranabuhanga nta kibazo cy’umutekano buteje kuko abakozi ba komisiyo mu bya tekiniki bahora bari maso biteguye gukumira uwakwinjira mu makuru cyangwa uwateza ikibazo icyo ari cyo cyose.

Buri munyarwanda wese ugejeje igihe cyo gutora akaba yujuje n’ibisabwa agirwa inama y’uko igihe yikosoza kuri lisiti y’itora yakwiyandikisha aho azi neza ko ari ho azaba ari mu gihe cy’amatora kuko umuntu azatorera aho azaba yanditse gusa.
Utora wese asabwa kuzaba yitwaje indangamuntu ye, cyangwa ikindi cyangombwa kiyisimbura.

Biteganyijwe ko nibura abanyarwanda bagera kuri miliyoni 6.9 ari bo bazitabira amatora ya Perezida mu 2017.

Umunyamabanga Nshingwabikorwa wa Komisiyo y'Amatora, Munyaneza Charles
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
MUVUGIZI JEAN PIERRE 2017-05-20 08:32:02

NATUYOBORE

2
Vital 2017-02-01 01:54:04

Birababaza cyane kumara ibyumweru bitatu wiruka imisozi ngo urakosora lisiti y’itora bikarangira nta gahimbazamushyi ubonye! lisiti y’itora rya referendumu,amatora y’abunzi,ahaa!! biteye agahinda! gusa mujye mwibuka ko ntakandi kazi tuba dufite!

3
NIYONSABA FRANCOIS 2017-01-24 01:24:42

Twese twiteguye kwitabira amatora kuko niyo musingi witerambere.

4
Dodos 2017-01-19 06:19:35

Abakora akazi ko gukosora liste y’itora agahimbazamusyi bemerewe kaheze hehe?

5
bigabo 2017-01-18 08:15:52

Hari ikindi kibazo gikwiye kwitabwaho by’umwihariko kijyanye n’abana b’abanyeshuri bujuje imyaka yo gutora ubu bakaba bagiye gusubira ku mashuri batabonye INDANGAMUNTU kandi bakabaye barazihawe bakazabona uko batora none birangiye basubiye mu masomo kubera uburangare bw’ayobozi batashetse ko ibibazo by’abo bana birangira, bisobanuye ko amajwi y’abo bana mu matora abaye impfabusa kandi ntakereza ko ari benshi

6
Gatare Peter 2017-01-17 04:11:39

Mudusabire "contacts" za email/telephone z’ ushinzwe kubikosora tube twamuha imyirondoro yacu bikorwe vuba.

Nkanjye n’umulyango wange mu Amatora y’Inzego Zibanze twatoreye mu Umudugudu/Akagari/ Umurenge/ Akarere dutuyemo ubu umawka n’igice [1.5]. Tumaze twratanze imyirondoro yaho twimukiye ariko ntabwo amakarita y’Itora arakosorwa. Buri gihe iyo nkoresheje telefone -bisabwa na NEC; bansubiza bambwira imyirondoro yaho nahoze ntuye mu 2015! Kubikosoza kuri telefone bisa nibidakunda. Ukwezi gushize nagiye ku Umudugudu ntuyemo nsanga ari nta karita yanjye ihari- nubushize nari natoreye k’Umugereka,
Nizere ko ninsubira kureba ku lisiti nzasanga bihari [kumudugudu].

7
Emma 2017-01-17 03:57:29

Mutubwire uko umuntu yakwureba cyangwa akiyimura kuri lisiti y’itora akoresheje ikoranabuhanga rya internet plz!

Kwamamaza