Akumiro nyuma y’ubuhamya bwa Corneille "bugoreka amateka"

103 11-10-2016 - saa 11:20, IGIHE

Byateye benshi kumirwa bibaza ukuntu nyuma y’imyaka 22 ari bwo Corneille Nyungura,Umuhanzi w’Umunyarwanda, avuze ko abasirikare ba FPR ari bo bishe umuryango we muri Jenoside yakorewe Abatutsi mu 1994.

Corneille Nyungura yabigarutseho mu gitabo aherutse gusohora yise "Là où le soleil disparaît" kivuga ku buzima yanyuzemo.

Mu buhamya bwe buri muri icyo gitabo, ni ubwa mbere avuze ko abasirikare babiri ba RPF aribo bishe umuryango we,nyamara mu biganiro byinshi yagiye atanga mu bitangazamakuru mpuzamahanga, usanga yarakunze kugaragaza ko adashaka gukomoza kuri icyo kibazo.

Ibi bituma Abanyarwanda benshi yaba abari mu gihugu no hanze yacyo bashaka kumenya impamvu nyuma y’imyaka 22 Corneille wakomeje kwifata ku ngingo y’abamuhekuye yaba ahisemo kwerura agatunga agatoki abasirikare bo mu ngabo za RPF babohoye igihugu bagahagarika na Jenoside.

Alain Billen, Umubiligi w’imyaka 63 ukunze gukurikirana politiki zo mu bihugu bya Afurika, mu nyandiko yise ‘Corneille accuse et travestit sa propre histoire!’ yagaragaje impamvu nyamukuru zinyomoza ibyo Corneille yanditse mu gitabo ndetse n’impamvu zaba zibimutera.

Asobanura impamvu Corneille abeshyera abasirikare ba RPF ashingiye ko ubwo umuryango we wicwaga kuwa 15 Mata1994, umujyi wa Kigali wayoborwaga n’ingabo za FAR (Forces armées Rwandaises), nta ngabo za RPF zari ziwurimo keretse nkeya zabaga mu Nteko Ishinga Amategeko na zo zitigaragazaga kubwo gutinya kwicwa.

Agira ati “Ingabo za RPF zabohoye igihugu ziyobowe na Perezida Paul Kagame zari hanze y’umujyi kereka nkeya zari mu Nteko Ishinga Amategeko. Ni mu gihe abasivili babaga bihishe ahantu hatandukanye. Kuvuga ko yabonye abasirikare babiri ba RPF bajyaga kuri buri rugo, ntabwo byumvikana kuko ingabo za RPF zinjiye Kigali mu mpera za Kamena 1994 hashize amezi arenga abiri Jenoside ibaye.”

Akomeza ashingira ku kuba Se wa Corneille yari umunyapolitiki (Perezida wa PSD), ishyaka ritavugaga rumwe n’ubutegetsi bwariho, akavuga ko ibi byagombaga gutuma agira ubwoba bw’uko azicwa nkuko byagendekeye abandi batavugaga rumwe n’ubutegetsi mu gihe cya Hutu Power.

Bigahamya neza ko bishoboka ko kwica umuryango wa Corneille byaba byarakozwe n’abasirikare bo muri FAR mu rwego rwo kwikiza abayobozi batavuga rumwe.

Billen asanga ibyo kuvuga ko abasirikare ba RPF baba barishe ababyeyi ba Corneille aribyo kwibazaho ku mpamvu nyinshi, mbere na mbere ahera ku kuba Se atarafatwaga nk’umuntu udasanzwe ndetse akaba atari ari mu butegetsi bwa Hutu Power.

Indi mpamvu ashingiraho yemeza ko bishwe na FAR ni uko mu ntambwe ebyiri yari aturanye na Mathieu Ngirumpatse wari Perezida wa MRND (ishyaka rya Juvenal Habyarimana), wateguye mu buryo busesuye umugambi wo gutsemba Abatutsi n’abo batavugaga rumwe bose kuva mu 1990. Bikaba byarashobokaga kumwoherezaho abasirikare ngo bamwice.

Mu gushimangira ibi, ashingira ku manza Ngirumpatse na Edouard Karemera bahamijwe ubwicanyi bagahanishwa gufungwa burundu n’Urukiko Mpuzamahanga Mpanabyaha Rwashyiriweho u Rwanda, TPIR, bashinjwa gukoresha nabi ububasha bari bafite muri MRND no kuba bari bafite umugambi wo kwica Abatutsi.

Agira ati “Mutekereza ko FPR ishimirwa imikorere myiza n’ubunyamwuga yashoboraga kurwana n’umurinzi kandi ifite imbunda, byongeye inyuma y’urugo rw’umuturanyi wangaga urunuka Abatutsi?”

Icyanyuma gisa n’amagorane ku rupfu rwa Se wa Corneille, ni uko nk’uko abyandika atashoboye gutandukanya abasirikare babiri ba FAR n’aba FPR. Ikindi ni uko Se nk’umunyapolitiki, byari bigoye ko abasirikare ba FPR bari kumubaza niba yihishe ‘Inyenzi’, ijambo abakoze Jenoside bitaga Abatutsi.

Yongeraho ko ingabo za RPF zitagiraga impuzankano kandi zitashoboraga kwigaragaza muri Kigali nta n’ububasha zari zibifitiye kuko iyo zibugira umubare munini w’abapfuye batari gupfa.

Ati“Nta gereranya rikwiye kuba hagati y’ingabo zishoboye kandi zatojwe ikinyabupfura za RPF n’abarwanyi ba FAR.”

Asanga niba Corneille avuga abasirikare babiri, yakagombye kuvuga abo muri FAR.

Corneille akwiye kubazwa impamvu yategereje imyaka 22

Billen avuga ko Corneille akwiye kubazwa impamvu ubu aribwo yibutse biriya kuko mu myaka myinshi yakomeje kujarajara ku ngingo y’abantu bishe umuryango we.

Corneille Nyungura, yibazwaho ukuntu nyuma y'imyaka 22 ari bwo yatuye akavuga ko abasirikare ba FPR ari bo bishe umuryango we

Urugero nko muri 2006 yabwiye umunyamakuru Nathalie Petrowski ati “Uwishe umuryango wanjye, simuzi sinshaka no kumumenya. Ariko sintekereza ko ari FPR kuko icyo gihe ingabo zayo zitabashaga kugenzura ibyo bice.”

Ikindi kandi ni uko yagiye avuga ko ashaka gukoresha ubwamamare bwe mu kunga Abanyarwanda. Ibi bituma benshi bibaza impamvu ahindukiye ku ijambo agashaka guhungabanya igihugu cye kimaze kugera kuri byinshi yaba amahoro, ubumwe n’ubwiyunge, iterambere n’imibereho myiza.

Kuki Corneille akoze ibi?

Billen asanga impamvu ya mbere yaba ifite aho ihuriye n’ubuhanzi akaba ashaka kugurisha igitabo cye nyuma y’aho kuri Album ye ya nyuma bitagenze neza.

Asobanura iyi mpamvu ashingiye ku kuba abatavuga rumwe n’ubutegetsi n’abakekwaho Jenoside bazumva ko yashinje FPR ubwicanyi bagahagurukira rimwe bagakwirakwiza icyo gitabo ndetse kikanagurwa, byose bigakorwa mu rwego rwo gushaka guhungabanya Guverinoma y’u Rwanda.

Asanga kandi gushinja abasirikare babiri ari ukototera Perezida Kagame wahagaritse Jenoside yakorewe Abatutsi agasubiza igihugu mu ruhando mpuzamahanga,aho ubu u Rwanda ari icyitegererezo mu bihugu byinshi. Agasaba Corneille guhagarika gukina n’amahoro, kubabarira no kwiyunga biri mu Banyarwanda.

Kwamamaza
Kwamamaza

Izindi nkuru wasoma

417 27 16-10-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5 | 6 | 7 | 8 | 9  

1
Musa Gisa jean 2016-11-18 07:11:51

Munjye mureka abashakira amaramuko mubinyoma bayabone ariko umurunga w’inyabutatu u rwanda ubudushize hamwe ntakizadusubiza inyuma kuko twamaze kumenyako haribenshi batishimiye aho tugeza twiyubaka harakabaho FPR harakabaho H/E Paul Kagame ntituzatuza kurwubaka

2
gapusi 2016-11-11 10:43:29

umwana wanzwe niwe ukura aho u Rwanda rugeze ubu naho rwavuye hari abatabyishimiye arko Imana y I Rwanda irarurinze kandi izakomeza kururinda kugeza kundunduro .

3
Tesi 2016-10-31 10:04:11

@ Rwandarwiza, ariko muransetsa iyo muvuga ngo ntaho inkotanyi zitari zarageze mu Rda nkaho u Rwanda rutari igihugu cyabo nabo!!! Ese kuki mutinda kuri RPF ntimutinde ku bateguye n’abakoze genocide?! RPF iratabara ntabwo yica, ikindi kandi uwo musore Corneille agabanye inda nini kuko ubu sibwo yibutse amateka y genocide. n’akanya yibagiwe amagambo yose yavuze yose!! ese harya abo babyeyi be bo ntacyo bashinjwa da!! ko yanditse ababishe ntiyandike abo ababyeyi be bishe? mureke tubane mu mahoro twubake igihugu cyacu tuniteza imbere. Imana ibagenderere!

4
Kanamugire Jeanine 2016-10-25 10:15:04

Ese uriya mubiligi avuguruza ibyo tuzi kandi dufitiye gihamya we ari iki? Tekereza Rutaremara avuga ati twari dufite abantu barenga 3000 muri Kigali muri 1994 maze umubiligi ati nta muntu mwari mufite!!! Yewe, bulya hali abazungu barindagiye mbandoga Rudahirwa!

5
kkk 2016-10-25 03:31:53

Sinzi niba hari uwibuka film yitwa le mysthere Corneille yatambutse kuri France 24,iri mu gifaransa kandi ibyayo nabisonanuye ku nandiko yigeze gusohoka bita Corneille umucikacumu

6
Assia hamad 2016-10-14 12:46:16

Ariko njye narumiwe abo basebya ingabo za RPF bibuka uko yirengagije ubunyamanswa bwabo ikabakura mumashyamba ikabakiza korera! Mwidutesha umwanya intego yacu nukubana nabashaka abadashaka bazumirwa!!

7
Assia hamad 2016-10-14 12:46:16

Ariko njye narumiwe abo basebya ingabo za RPF bibuka uko yirengagije ubunyamanswa bwabo ikabakura mumashyamba ikabakiza korera! Mwidutesha umwanya intego yacu nukubana nabashaka abadashaka bazumirwa!!

8
2016-10-13 23:21:23

@Rutikanga , umuntu afite uburenganzira bwo kuba aho ashatse ku isi , Corneille yahisemo aho ashaka , kandi siwe umunyarwanda wenyine uba hanze . bitavuze ko uba hanze wese aba ari interahamwe . comments nyinshi zigaragaza ko hari abanyarwanda bagifite umutima wa munyangire , ku mpande zose kandi . nizere ko ari mwe bake .

9
Rutikanga 2016-10-13 09:26:25

Mbega fabrications!! Sha inzara irakurembeje none utangiye kubunza inda ngon ufite ubuhamya?? isomo wakuye mugunga nubu ntaryo uramenya? Sha iso yaba yari umwere interahamwe zikagukubita umugongo ngaho Congo yoseeee!! Ko wari umwana waje ukajya mu bandi ntutegekwe nigifu!!

10
Tonzi 2016-10-13 06:39:23

Ariko ariko ebebebebe ikinyoma gisimbura ukuri cyashyizweho kera cyaaremejwe hanyuma kubera ko hashize igihe kinini bihagije nimwemereko ariko kuri uzavuga ibindi byoseeee kabone nubwo yaba yarabihagazeho nicyo kinyoma niwe mwanzi ibyo byo ntibiri mu murongo wibyemejwe nkukuri
Hararahagqzwe ukuri ni kumwe naho mwabihindura mute
Muzageraho muvangirwe ngoha aho nibereye

Paji: 1 | 2 | 3 | 4 | 5 | 6 | 7 | 8 | 9  

Kwamamaza