"Abasirikare bacu si bo bakwiye kuba bari kuregwa"

27 27-12-2016 - saa 16:54, Rabbi Malo Umucunguzi

Minisitiri w’Ubutabera akaba n’Intumwa Nkuru ya Leta y’u Rwanda Johnston Busingye, yavuze ko kuba abacamanza b’Abafaransa bakomeza gushinja abayobozi b’u Rwanda kugira uruhare mu ihanurwa ry’indege ya Habyarimana, bigamije guhoza ibirego ku Rwanda ngo himwe amaso uruhare icyo gihugu cyagize mu bihe byabanjirije Jenoside n’igihe yakorwaga.

Mu kiganiro yagiranye na Jeune Afrique, Minisitiri Busingye yagarutse ku ngingo zitandukanye zirimo ibyemezo by’ubucamanza mpuzamahanga biri kunengwa, ibihugu bitohereza mu Rwanda abakekwaho ibyaha bya Jenoside n’umwuka mubi hagati y’u Rwanda n’u Bufaransa.

Busingye yabajijwe ku ihanurwa ry’indege ya Juvenal Habyarimana mu ijoro ryo kuwa 6 Mata 1994 ryakomeje gukorwaho amaperereza atandukanye n’abacamanza b’Abafaransa guhera mu 2004, rikaba riheruka gusubukurwa ryari ryarafunzwe muri Mutarama 2016, rikaba rigenda rirushaho kongera agatotsi mu mubano w’ibihugu byombi.

Minisitiri Busingye yavuze ko iki kibazo bigaragara ko hari izindi mbaraga zicyihishe inyuma zituma kitarangira.

Ati “Ikibazo cyacu ntabwo gishingiye ku mpamvu yatanzwe mu kongera gusubukura iri perereza, aribwo buhamya bwaje ku munota wa nyuma bwa Kayumba Nyamwasa urwanya leta. Tubona ukuboko guhishe, gufite inyungu mu kuba ibi bintu byabaho ubuziraherezo, hagamijwe gushyira kuri FPR ibirego bidafite ishingiro mu gihe kirekire gishoboka.”

“Ubwo abacamanza Poux na Trévidic basubukuraga iperereza ryatangije n’umucamanza Bruguière, twabemereye kuza mu Rwanda mu bwisanzure busesuye ngo bakoreshe ubuhanga bwabo bumve ubuhamya bw’uwo bashaka. Ku ikubitiro, abasirikare barindwi b’Abanyarwanda bashinjwaga na Bruguière bari barumviwe mu Burundi n’aba bacamanza babiri, bababwira ibintu byose bashakaga.”

“Mu bigaragara biri mu nyungu z’u Bufaransa gukomeza kudushinja ubuziraherezo kugira ngo dukure amaso ku ruhare bwagize mu byabaye mu Rwanda hagati ya 1990 na 1994. Hashize igihe kirekire iyi dosiye ikurikiranwa ku izina gusa. Yakomeje kugenda ikoreshwa mu mpamvu za politiki. Ariko abakwiye guhagarara mu kumba kagenewe uregwa si abasirikare bacu: Ni Abafaransa.”

Imyanzuro ya MICT irajorwa

Minisitiri Busingye yanagarutse kumyanzuro y’Urwego rw’Umuryango w’Abibumbye (Mechanism for International Criminal Tribunals, MICT) rwashyiriweho kurangiza imanza zasizwe n’Urukiko Mpuzamahanga Mpanabyaha Rwashyiriweho u Rwanda (ICTR), rwasoje imirimo mu Ukuboza 2015.

Umucamanza Theodor Meron urukuriye, anengwa cyane ku myanzuro yagiye afata guhera akiri mu bujurire muri ICTR, aho yagiye agabanya igifungo cy’abahamijwe ibyaha, akaza no kubarekura nk’umuyobozi wa MICT batararangiza ibihano.

Abaheruka kurekurwa ni Ferdinand Nahimana wari umwarimu w’amateka ufatwa nk’uwari ku isonga rya “Hutu Power” na Padiri Emmanuel Rukundo na bo baje basanga abandi umunani barekuwe muri ubwo buryo, bituma kuwa 16 Ukuboza, Ibuka isaba ko Umunyamabanga Mukuru mushya wa Loni, Antonio Guterres akuraho umucamanza Theodor Meron.

Minisitiri Busingye yavuze ko u Rwanda nta kibazo rufitanye na Meron nubwo impungenge ku myanzuro ari gufata ngo zitareba u Rwanda gusa.

Ati “Tugendeye ku makuru dufite ni uko ari na ko bimeze ku madosiye arebana n’icyahoze ari Yugoslavia. Ni we ugomba kugira icyo akora kuri ibyo bamunenga byaba guhagarika kurekura abantu bamaze gufungwa bibiri bya gatatu cyangwa kujya agisha inama abandi bacamanza mbere yo gufata ibyemezo nk’ibi, ibyemezo yagiye afata wenyine nk’umuyobozi wa MICT.”

Kutazana inyandiko za ICTR mu Rwanda bishakirwa impamvu

Muri icyo kiganiro na Jeune Afrique, Minisitiri Busingye yavuze ko nyuma y’irangira ry’imirimo ya ICTR na we ubwe atumva impamvu ishyinguranyandiko ryayo ritashyizwe mu Rwanda, kandi inyinshi mu nyandiko bashyinguye barazishyikirijwe n’u Rwanda.

Ati “Mu myaka icumi ishize na mbere yaho, intuwa z’u Rwanda mu Muryango w’Abibumbye zagiye zibisaba. Ariko umuryango w’abibumbye wahisemo gushora imari mu kubaka inzu muri Tanzania cyangwa n’ahandi, igenewe kubiko izo nyandiko gusa.”

“Mu buryo busanzwe batwumvishije ko mu Rwanda twashoboraga kubangamira ibungabungwa cyangwa ikoreshwa ry’izo nyandiko n’abandi bantu, cyangwa ko dushobora gutera ubwoba bamwe mu batangabuhamya bafite imyirondoro bashatse ko ikomeza kuba ibanga mu gihe cy’iburanisha.”

Gusa Busingye yavuze ko iyo myumvire nta shingiro ifite kuko u Rwanda rutagamije kurwanya ko izo nyandiko ari iz’Umuryango w’Abibumbye.

U Bufaransa buracyinangiye

Minisitiri Busingye kandi yanenze ko nk’u Bufaransa bwahawe imanza za Wenceslas Munyeshyaka urwe ruhagarikwa mu 2015, Laurent Bucyibaruta we kugeza uyu munsi akaba ataraburanishwa.

Mu myaka 22 ishize u Rwanda rumaze gutanga impapuro zisaga 500 zisaba guta muri yombi abantu batandukanye, ariko nk’ibihugu byo ku mugabane wa Afurika birebwa n’ikibazo ngo ntibyumva ibijyanye no kohereza abakekwaho ibyaha.

Ati “Mu Burayi, mu Bufaransa urukiko ruvuga ko Jenoside itarebwagaho n’igitabo cy’amategeko ahana y’u Rwanda mu 1994. Nyamara ikintu nk’icyo nticyabujije ubucamanza bw’u Bufaransa kuburanisha Klaus Barbie cyangwa Maurice Papon. None byakumvikana bite ukuntu mu minsi ishize Abanyarwanda nka Pascal Simbikangwa bakatiwe mu Bufaransa ku cyaha cya Jenoside bakoreye mu Rwanda mu 1994?”

Muri icyo kiganiro yagarutse no ku gihugu nk’u Bwongereza u Rwanda ruri gusaba ko bwohereza abagabo batanu bakekwaho uruhare muri jenoside, ariko bitwaza ko batazabona ubutabera busesuye, ubu bakaba bakomeje kwidegembya.

Minisitiri w’Ubutabera akaba n’Intumwa Nkuru ya Leta y’u Rwanda Johnston Busingye
Kwamamaza
Kwamamaza

Izindi nkuru wasoma

417 27 16-10-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
dudu 2017-08-05 08:15:58

ndabona coments nkabona hari interahamwe zakongera zikica abantu muzajyahe she sha ntimuzongera kutwica Kuki mwaribeshye ubwo twarokokaga sha habyarimana yarafpuye kd na bene wanyu batumariye abantu none dusigaye iheru heru none ngo ingabo za RPF sha iyo giraso yiturqa India urwanda ruba aramatongo,mutuze duturane twubake igihugu.

2
TRUE TRUTH 2017-02-17 14:50:01

Ikibazo si uko baregwa. Niba barakoze ibyaha kuki nkawe Minister witwa ngo ushinzwe ubutabera wumva wabakingira ikibaba. It is riduculous and shame on you guys! Erega uwamenye amaraso wese azayazira yaba uwakoze Jenoside cg uwishe inzirakarengane ngo ari kwihora. Mubyange, mubyihunze, umunsi numwe mwaba mukiriho cg mwarapfuye bizashyika guhora kuwiteka ko ntimwagukuraho reka reka ntibyabashobokera niyo mahirwe dufite.

Niba bafite ibimenyetso mureke abo basirikare baburane. Cyangwa niba ushaka uzajye gukusanya amakuru mubaturage yibyaha abasirikare bakoreye abasivili uzayabona menshi koko niba urajwe inshinga nukuri. Kwahe ko upfa kubona agafaranga kumushara kageze kuri account! ubwo nawe uhunze watangira kuvuga ibindi mujye mwicecekera.

3
Bjr salut bye bye 2017-01-25 20:13:43

Akebo ni geramo! Umuntu wese uziko yakarabye amaherezo y’inzira ni mu gihome tu! Ibindi mubihe time gusa!

4
Shayka 2017-01-21 23:57:54

Ariko ikibazo k’indege kimaze imyaka irenga 20? Ubundi mumategeko/n’imbere y’ubutabera bukora neza, uregwa afatwa nk’umwere kugeza urukiko rumuhamije ibyo aregwa. Niba ntacyo bikeka mwakwemeye mukaburana bikava munzira? Aho kugira ikibazo politique?

5
Uwayo 2016-12-28 04:51:51

Bazashyireho commission indépendante ikore iperereza kuko mbona kumvikana byabaniranye

6
Migabo 2016-12-28 04:50:34

hano hasi hari umuntu utanze igitekerezo twagombye kugenderaho ! gukomeza kwiyenza ku bafaransa ni twe ubwacu tuzahura n’izindi ngaruka nk’iz’abaye muri Libiya n’ahandi ! ese koko ninde mu faransa wazanye imihoro akayiha abantu ngo batemane ? ariko uzarebe nta Ministri ukivuga atikomye abafaransa ! njye narumiwe gusa ! ikindi tugomba kwitondera ni kiriziya gatorika nayo mbona benshi bashaka kwikoma kdi ukuri kuzwi ! aha ndashimira Makuza Bernard wagerageje kuzimya umuriro wari utangiye kuzamurwa mu nama y’umushyikirano ! Bavandimwe tureke kwikorera abafransa cyane kuko turi hasi yabo cyane ! yego ntitwakwemera uwadusuzugura aho ava hose ariko guhora dushyira imbere guhangana gusaaa sibyo rwose

7
Ukuri 2016-12-28 02:21:18

Jeu politique

8
advisor 2016-12-28 01:53:45

mu bugaragara abafaransa bazi ibyo barimo ko babeshya gusa ari ukugirango bataba coupable yibyo bakoze kuko bagombye kugaragaza uko indege yahanuwe kuko yari yarakozwe nabo ari iyabo bayikurikirana kuba birengagiza nka boite noirebazi impamvu ko ibashingiyeho. ariko nkigihugu gikomeye ku isi baratwirataho ariko time will show bizageraho bagaragare

9
Macumu 2016-12-27 22:08:42

Harya ubundi wa mugani wa Kagame, iyo ndege yari irimo iki?

10
kandubundi 2016-12-27 21:42:44

Kubera iki gukora iperereza Ku ndege bihangayikishije Kigali. Ago ntacyo yikeka?

Paji: 1 | 2  

Kwamamaza