Abanyapolitiki bagaragaje ko amateka y’u Rwanda aruha kugira demokarasi yihariye

15 23-03-2018 - saa 15:40, Ferdinand Maniraguha

Abanyapolitiki bo mu Rwanda bashimangiye ko amateka rwanyuzemo arwemerera kugira demokarasi yihariye kugira ngo ikumire ibishobora kurusubiza ahabi rwavuye.

Kuri uyu wa Gatanu hateranye inama nyunguranabitekerezo ku ‘Ntekerezo ya Politiki ya Demokarasi y’u Rwanda’ yateguwe n’Ihuriro ry’imitwe ya Politiki mu Rwanda.

Senateri Mugesera Antoine yavuze ko hari byinshi bigaragara muri politiki y’u Rwanda bitaba ahandi kandi byagiye bigira akamaro gakomeye.

Yagize ati “Nk’ibi byo gusangira ubutegetsi, ni umwihariko wacu; ibi byo kuvuga ngo muri ishyaka rikomeye ryatsinze ariko ntuzarenza 50% aha n’aha; ibi byo kuzamura urubyiruko, abagore bakajyamo ni umwihariko. Turashaka ko biba umwihariko wacu.”

Itegeko Nshinga ryagennye uburyo ubutegetsi busaranganywa, aho ingingo yaryo ya 62 ivuga ko mu gusaranganya ubutegetsi, Perezida wa Repubulika na Perezida w’Umutwe w’Abadepite badashobora guturuka mu mutwe umwe wa politiki; abagize Guverinoma bagatoranywa mu mitwe ya politiki hakurikijwe imyanya yayo mu Mutwe w’Abadepite. Icyakora, Umutwe wa Politiki wabonye amajwi menshi mu matora y’Abadepite ntushobora kurenza mirongo itanu ku ijana (50%) by’abagize Guverinoma.

Iyi ngingo inasobanura ko n’abandi bantu bafite ubushobozi bashobora gushyirwa muri Guverinoma nta mutwe wa politiki babarizwamo.

Kuri ibyo, hiyongeraho ihame ry’uburinganire rigomba kwimakazwa, abagore bakagira nibura mirongo itatu ku ijana (30%) by’imyanya mu nzego zifatirwamo ibyemezo.

Senateri Mugesera yavuze ko ayo mahame ya demokarasi nyarwanda akwiye kwigishwa abaturage bose ku buryo n’abanyapolitiki babyumva kandi bakabigenderaho, aho kurebera kuri demokarasi z’amahanga.

Ati “Turashaka ko n’abanyapolitiki batabona ko demokarasi yacu imeze nk’iy’abanyamerika, ko itameze nk’iy’ababiligi, Abafaransa [...] imeze uko twayubatse dushingiye ku mateka n’ibibazo twabayemo. Turashaka kujyana ikintu twumva kimwe, ntubisobanure uko ubyumva cyangwa wabisomye ngo ubihe inyito wishakiye.”

Umuyobozi w’Ishyaka riharanira Demokarasi no kurengera Ibidukikije (Democratic Green Party of Rwanda), Dr Frank Habineza, yavuze ko amateka y’u Rwanda atarwemerara kugira demokarasi nk’iyo mu bindi bihugu.

Yagize ati “Demokarasi yo mu Rwanda icyo twumvikanaho twese ni uko dufite amateka yihariye. Twatangiranye n’ubwami, nyuma haza repubulika ariko izamo ibibazo havamo induru nyinshi cyane bivamo intambara na Jenoside. Ntabwo twafata u Rwanda nka Kenya batigeze bagira ibibazo nk’ibyo twagize. Bivuze ko tugomba kumvikana ku bintu runaka.”

Icyakora, Habineza avuga ko hari ibikwiye kunozwa kugira ngo uko byanditswe mu mategeko abe ari nako bikurikizwa.

Ati “Ahantu twumva twashyiramo imbaraga cyane kurusha ahandi, tugomba kumvikana ariko tukanemeranya gupigana. Duhangane mu bitekerezo ariko tudasenyana, hanyuma ufite imbaraga atsinde mugenzi we ariko ntamukandamize. Hari igihe itegeko rivugwa ariko ugasanga mu bikorwa rimwe na rimwe bitari kubahirizwa.

Umuyobozi w’Ikigo gishinzwe kongerera ubushobozi abakozi ba Leta (RMI) akaba na Komiseri mu Muryango FPR Inkotanyi, Gasamagera Wellars, yavuze ko umwihariko wa demokarasi y’u Rwanda watoranyijwe n’abaturage ubwabo.

Ati “Kenshi mu biganiro byagiye biba, abaturage wasangaga bavuga bati ‘ntidushaka ya demokarasi y’abantu bajya mu mihanda bagatwika amapine, bakamena ibirahuri by’amazu’. Bati ‘iyo tuzi icyo yadukoreye ahubwo twebwe turashaka politiki ishimangira ko ubuyobozi bukwiye gusangirwa n’abantu bose kandi bakagira bwa butegetsi budahangana.”

Yatanze ingero z’ibihugu byagiye bigira demokarasi zabyo bivuga ko ishingiye ku muturage, ko afite uburenganzi bwo kuvuga icyo ashatse uko abyumva ariko ntibikemure ibyo abaturage bashaka.

Ati “Hari umugabo witwa Gaddaffi yigeze kwandika agatabo yise ak’icyatsi (Green Book). Muri ako gatabo yaravugaga ngo umuturage ntakwiye no guhagararirwa, akwiye kujya hariya akivugira. Nagize amahirwe yo kujya kureba Inteko Ishinga Amategeko yabo, umuturage yaragendaga akavuga ibyo ashatse; ari utuka undi ku babyeyi, ari ugira ate.”

Yavuze ko demokarasi nziza ari ishyira mu bikorwa ibyo abaturage bifuza ariko bakanishyiriraho imbago z’ibyo badakwiye gukora bashingiye ku mateka.

Demokarasi y’u Rwanda ishingiye ku Itegeko Nshinga ryatowe mu mwaka wa 2003 rikavugururwa mu 2015.R ikubiyemo amahame n’ingingo zishingiye ku bitekerezo byatanzwe n’abaturage mbere y’uko ritorwa ndetse n’ibiganiro by’abanyapolitiki batandukanye byabereye muri Village Urugwiro mu myaka ya 1998 na 1999.

U Rwanda rugira imitwe ya Politiki 11 yemewe igakorera mu ihuriro
Kwamamaza
Kwamamaza

Izindi nkuru wasoma

278 26 16-10-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
kalisa 2018-04-06 10:03:50

Hahahahhhhhhh birasekeje gusa, abanyapolitiki bacu ni urwenya pe. None se ubundi buri gihugu ko kigira amateka yacyo, ubwo buri gihugu kizagira na democracy yacyo rero! Abasesenguzi bacu ni ukwishakira imbehe yuzuye gusa, ubundi bakajya iyo bijya. Anyway thanks nta ko mutagize.

2
Intore 2018-03-26 10:24:59

Democracy yihariye se ibaho?? Democracy ni by people for people.. Mizo exceptions se ni ibiki?? nibs aribyo n’abami bagiraga democracy aria yihariye... igihari ni ukubaka ubushobozi mu banyarwanda haba mu myumvire no mu mikorere nano ibyo bindi ni bullshit.. kuzamura ubuntu kook Ari umugore cg Ari urubyiruko mu buyobozi nab ntibikwiye.. ahubwo twigishwe ko n’umugore ASHOBOYE hanyuma ajye apiganwa n’umugabo .. naho ibyo bya 30% ahubwo mbona ari uburyo bwo kubabwira ko badafite ubushobozi kobari mwiyo myanya just kook ari abagore... gusa ndabishima nabyo kuko hari imyumvire byahinduye

3
Kamina 2018-03-24 16:02:59

Nta demokrasi mbonye aho ni ndemokranda. Africa ni amanegeka gusa gusa .Ubuse wavuga ko hari demokrasi ushingiye kuki kweri? Reka mbe niyihe aha ntatera ibuye ku karere iby’ubu ntibikinishwa.

4
john 2018-03-24 14:10:18

democratie ya mbere ni mu gifu mu gihe hari ikibazo cy’ubushomeri mu rubyiruko ndetse bamwe bagakoresha iyo turufu bigwiza ibigenewe urubyiruko iyo democratie ishobora kuzavaho

5
Kabandana Marcel 2018-03-24 04:53:44

Ubwenge mu bury bra rusange ni ukugira ubushobozi bwo kumenya ibibazo ufite n’ intege ufite zo kubicyemura ubindi ukazikoresha neza mu bruyo bushoboka bwose. Ni ukumenya aho uri nuwo uriwe ubundi ukabibyaza umusaruro mwiza ushoboka wose kandi wihuse. Ku bwange u Rwanda ruhagaze neza n’ubwo dukwiye kongera umuvuduko. Ariko Bwana Gasamagera, twibukiranije, nyakwigendera Kadafi ntabwo yatubera urugero rwiza kubirebana na demokarasi. Umuyobozi washakaga kuba umwami wa Afurika akoresheje igitugu cy’amafaranga ! Livre vert ye yari amagambo, ibikorwa bye bikaba ibindi.

6
RKUS 2018-03-24 04:26:07

Ubundi rero iyo ushubije amaso inyuma abanyarwanda kuva babura umwami wabo Rudahigwa watanze mu buryo bwasaga n’ubutunguranye ,akagwa i Bujumbura , kuva icyo gihe nta yindi miyoborere yigeze ibanyura bose bari hamwe nk’abanyarwanda.
Nyuma yaho abazungu bahise babazanamo amashyaka menshi nayo barayangiza kuko yari ashingiye ku moko, ntiyateye kabili kuko icyo yakoze cyari ukwirukana igice kimwe cy’abanyarwanda mu gihu. Kuva ubwo nta mahoro yabaye mu gihugu. Kubera ibibazo bagize nyuma y’aho ingoma yabo ya Rudahigwa isenyewe n’uburyo babonyemo amashyaka menshi acyaduka, nta kizere na gito bigeze bagirira ubwo buryo bwo kubayobora.
Niyo mpamvu ubona umuyobozi batoye bamutorera rimwe hafi ijana ku ijana. Ntibazi kubangikanya abantu barenze umwe. Bazi ko amashyaka menshi ntakindi aba agamije usibye amacakubiri, kwirukana bagenzi babo mu gihugu , kunyaga no gusahura iby’abandi n’izindi ngeso mbi zose.
Niba mushaka gukoresha ijambo Democratie mu Rwanda rero nimubanze muhanagure iyo sura mbi iyo democratie yadukanye rugikubita yo gutandukanya abantu bari babanye neza imyaka irenga 400. Naho ubundi abiyita aba opposition bazakomeza kwibonera imyanya batavunikiye.

7
Kaka 2018-03-24 03:32:42

Gasamagera yabivuze neza, atanga n’,ingero nziza, aho avuze ko hari ibihugu byagiye bivuga ko bifite democracy yihariye ariko ugasanga ibyo bikora bitandukanye nibyo bivuga mu byukuri. Democracy ni democracy ntayihariye ibaho n’itihariye.

8
Uk 2018-03-24 00:30:07

Murakoze banyapolitiki kudusobanurira ariko njye nta mwihariko mbona kuko ibyo dukora hari henshi biri ahubwo biterwa nubikoze nukoze iryo tegeko kuko formule akoresha nimuha cg ibaha (ndavuga ishyaka, abantu, umuntu cg itsinda runaka) kuzabugumaho naho abaturage muvuga bo tubihorere kuko nibyo byamateka muvuga yaba abayobozi yaba abaturage bavugaga nkibi ninayo mpamvu muri speech zabayobozi zose usanga zisa ni iterambere, amahoro, umutekano, kwishyira ukizana, kurwanya abanzi bigihugu, kurwanya ruswa, hanyuma aya magambo kuyashyira mubikorwa bikaba mu izina ry abaturage uyaha ibisobanuro niwe wingenzi ariwe ugena abanzi bigihugu abaribo, nibindi ikibabaje mu Rwanda nuko abayobora cg bayoboye bose bima abaturage uburenganzira bwo kwitekerereza utabagize injiji abagira ibiragi, ko bafite imyumvire Iri hasi noneho njye nkibaza izi democracy zihariye zose zabayeho kuki zikora amakosa amwe ku bwami runshusho, kayibanda yicwa na habyara afata ubutegetsi kungufu nabakanyarengwe, habyara azana ibye byibikorwa remezo namabi yiringaniza Rita zigiye bishyira kubwicanyi na genocide ihagarikwa kumbaraga, amajyambere arubakwa igihugu kiva mubibazo ubu ba kanyarengwe naba lizinde bikigihe njye sinzi abaribo ariko nsoza nkabaza ngo ayo mateka atuma abanyarwanda bagirwa ibintu aho Kuba abantu batekereza batabona ko igisubizo kikibazo no kitumvikana na mugenzi wawe ikiza ari ukumurimbura kandi murebe neza buri gihe bitangirira kubantu bamwe bakora akazi kamwe muri leta ingabo zikaba izumuntu nubwo ziba zitwa izigihugu bavandimwe ubu koko ni ryari abanyarwanda baxahabwa kwicara bakumvikana bakabaho mumahoro ntawubakura umutima ngo ngaho abanzi bagiye guhungabanya umutekano nibindi nkibyo birimo kwikubira guheza...... Ndangiza njye icyo nsaba niba cyashoboka dialogue ntaho idashoboka abantu bazumvikane babane bahe amahoro abanyarwanda tureke gukoresha ideologie ya Marx no gukura umutima abaturage sinzi impamvu rwose abanyarwanda njye buri iguhe nibaza ikibazo kimwe kuki abanyarwanda buri gihe ubona babanye neza ariko mu mitwe yabo nimigirirere ukabona nabantu bameze nkabafana bikiza nikibi ntakubivangura kuko bo bareba ugikoze ntibareba igikorwa, demokarisi nziza rero si formula yo kugabana ubutegetsi ahubwo inziza niha umiturage kandi ikamwemeza ko yishyiriyeho abamuyobora atabashyiriweho niba byaragezweho twihe amanota niba bitaragerwaho ubwo nabwo turebe ikibura kuko ubushake burahari ikibabaje nuko umuturage tumuhindura nkikintu kandi isi yarahindutse kudaha abaturage ubushobozi bwo mitekerereze nukuroga za generation wibwira ngo urashaka kubugumaho cyane abantu ba elite rwose tugerageze twese birambabaza buri gihe kumva umuyobozi watowe nabaturage bamubaza bati ibibazo bihari nibihe ati hari inzara, amavunja,..... ati ibikorwa remezo turagerageza,....... Bati se ikibazo kirihe kugirango mukinyejana habe hari amavunja, ati erega nimyumvire yabaturage!!!!! Well ese abaturage bagutoye kuki ubabwira ukabagira inama ntibumve? Ese kuki bitaba imyumvire yabayobozi cg ikibazo cya system kikaba ikibazo cyumuturage niba umuturage umubwira Uri umuyobozi yishyiriyeho ntiyumve azumva ryari, ese iyo abaturage bababwiye izindi gahunda bumva Dore ikibazo guhindura abaturage nibintu bitumva aho Kuba abantu bumva nibyo bidukururira ibibazo kandi byose bikorwa nubuyobozi binyuze muburyo butandukanye kuva urwanda rwabaho kugirango umuturage abe ikintu bakoresha uko bashaka aho Kuba umuntu utekereza nguko uko babahindura ubwonko bakabareka abanzi abo ari bo byagera igihe wa muyobozi ashaka uvuga ko batumva bakumva neza bajya kurimbura umuntu. Turi bake murwanda kuburyo hari ubufatanye abaturage bose baba smart yewe tugatera imbere birenze ariko hazasuzumwe impamvu usanga abaturage burwanda kuva kera baba bameze nkabihebye nubwo haba hari iterambere biterwa Niki? Abashakashatsi bazatubarize? Ikindi kizakorwaho ubushakashatsi nuko burya niyo utakoresha ziriya formula bibaye open abanyarwanda munteko ugeraranyije nahandi kwisi mu mateka yurwanda abanyarwanda bakunda abagore ko baba munteko kuko mu mateka yurwanda kuva rwabaho abagore munteko bari hejuru ya average yisi na afurika. MURAKOZE UMUNSI MWIZA

9
Haguma 2018-03-23 16:55:10

Mutureke twigumire mu nkuge kimwe nabandi bayihozemo uwo bizatera umujinya azimanike.

10
Uwamahoro Anita 2018-03-23 15:56:19

Democratie ni universelle!Muri 1994 iyo haba democratie nta jenoside yakorewe abatutsi yari kubaho!Democratie irwanya cangwa ntikorana n’ubwicanyi ubwaribwo bwose,kwikunda,uburiganya,...!Ishira ubumuntu imbere ya vyose nokutishira hejuru kw’abategetsi ngo nibo bashoboye bonyene.

Paji: 1 | 2  

Kwamamaza