IGIHE

Kizito Mihigo yashyize hanze indirimbo ya Pasika yahimbye afite imyaka 17 (Video)

8 21-04-2019 - saa 22:08, IGIHE

Umuhanzi Kizito Mihigo wubatse amateka mu ndirimbo zihimbaza Imana n’izindi zisaba abantu kwimika urukundo n’amahoro, yashyize hanze indirimbo ya Pasika yahimbye mu myaka 21 ishize.

Mu 1998 nibwo Kizito Mihigo yahimbye indirimbo yitwa Umuzukambere ikoreshwa muri Kiliziya Gatolika mu bihe bya Pasika aho abakirisitu baba bizihiza izuka rya Kirisitu Yezu.

Kuva icyo gihe iyo ndirimbo yakoreshwaga mu Kiliziya iririmbwa na chorale zitandukanye ariko itarigeze ijya hanze mu buryo bw’amajwi.

Mu kiganiro na IGIHE, Kizito yavuze ko icyo yakoze ari ugufata amajwi yayo muri studio ntacyo ahinduyeho yaba mu buryo bw’imyandikire cyangwa mu miririmbire igendeye ku manota.

Amajwi yatunganyirijwe muri Studio yitwa The Sounds ya Bob Pro naho amashusho akorwa na Fefe Faith.

Indirimbo Umuzukambere iri mu nto uyu muhanzi ashyize ahagaragara kuva yatangira guhanga kuko ifite iminota ibiri n’amasegonda mirongo itatu n’itandatu.

Mu ndirimbo z’iyobokamana uyu muhanzi yari aherutse gushyira hanze harimo iyitwa ‘Aho kuguhomba yaguhombya’ hamwe na ‘Tereza w’Umwana Yezu’.

Kizito Mihigo yizihije Pasika ashyira hanze indirimbo ikubiyemo ubutumwa bw'izuka rya Yezu
Kizito Mihigo yashyize hanze indirimbo yahimbye afite imyaka 17
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ugizwinimana jean batiste 2019-08-12 16:15:42

erega nibi rohozacu zibazishaka

2
munyemana 2019-04-23 12:30:47

PASIKA ni umunsi ukomeye cyane muli Kiliziya Gatolika.Bayizihiza ku Cyumweru buri gihe.Ikabibutsa "Izuka rya Yezu".Gusa ntabwo bihuye nuko Bible ivuga.Icya mbere,Bible ntabwo idusaba kwibuka "izuka rya Yezu",ahubwo idusaba kwibuka URUPFU rwe nkuko 1 Abakorinto 11:26 havuga.Ikindi kandi,Bible ivuga itariki nyayo tugomba Kwizihiza Pasika.Ni le 14 NISAN (ukwezi kwa mbere muli Calendar y’Abayahudi) nkuko Kubara 28:16 havuga.Uyu mwaka,iyo tariki izahura na le 19 Mata 2019,kuli Calendar dukurikiza y’Abaroma.Bizaba ari Kuwa Gatanu.Igihe Abayahudi bazaba barimo kwibuka Pasika yabo,nibwo Abakristu nabo bazaba barimo kwizihiza Urupfu rwa YEZU,isaha ya nimugoroba nkuko YEZU yabigenje n’Intumwa ze 11,kubera ko YUDA yabanje kumwirukana.Kuli uwo munsi,nibwo Abahamya ba Yehova ku isi yose bazibuka Urupfu rwa YEZU,nimugoroba.Nkuko Matayo 15:9 havuga,gukora ibintu bidahuje n’uko Bible ivuga,bituma Imana itakwemera.

3
Evariste 2019-04-22 16:18:03

Ndasubiza uwiyise Ijambo ryawe... UMUZUKAMBERE na Nyakuvugirizima zose ni indirimbo za Kizito. Kuri Instagram yasobanuye ko iyi ariyo yahimbye bwa mbere, noneho akaza gukura na version ya Nyakuvugirizima kugira ngo ijye iririmbwa no mu bihe bitari ibya Pasika. Kizito Imana iguhe umugisha

4
Alice Mutabazi 2019-04-22 15:07:01

Isuku, isura, kwicisha bugufi ndetse no kuririmba tutibagiwe no gukirigita ibyuma by’umuziki byose ni salama. Imana iguhe imigisha

5
Alice Mutabazi 2019-04-22 15:07:01

Isuku, isura, kwicisha bugufi ndetse no kuririmba tutibagiwe no gukirigita ibyuma by’umuziki byose ni salama. Imana iguhe imigisha

6
Alice Mutabazi 2019-04-22 15:07:01

Isuku, isura, kwicisha bugufi ndetse no kuririmba tutibagiwe no gukirigita ibyuma by’umuziki byose ni salama. Imana iguhe imigisha

7
Ijambo ryawe Nyagasani 2019-04-22 12:26:41

Amajwi y’iyi ndirimbo ko ari neza neza 100% ay’indirimbo yitwa: NYAKUVUGA IRIZIMA, iriribwa mu Gitambo cya Misa Ntagatifu ikariribwa murwego rwo kuzirikana Ijambo ry’Imana. Ubu bihuriyehe n’ibyatswe muri iyi nkuru?
Dore iyo ndirimbo ni iyi:

R/Nyakuvugir’izima Rurema bintu Nyagasani, Nyagasani Nyir’ingoma Wowe waremye isi ndetse n’ijuru Himbazwa mu majwi y’abato n’abakuru Nyagasani Mwam’utetse ijabiro.
1. Ijambo ryawe Nyagasani, riratubere itara mu nzira Rijye rituma iteka aho turi tuba abakristu.
2. Turagushima Nyagasani, uradutunga ukadukomeza Ijambo ryawe niko gakiza ku barikunda.
Aleluya! Aleluya! Aleluya! Aleluya!

8
Pac D 2019-04-22 10:22:41

Wow .Guys...uyu niwe muhanzi wa mbere dufite mu Rwanda

Kwamamaza