Kigali: Urusengero rwa Bishop Rugagi n’Inkuru Nziza zafunzwe (Amafoto)

35 13-02-2018 - saa 16:36, Ishimwe Israel

Urusengero Redeemed Gospel Church rwa Bishop Rugagi Innocent n’urw’Itorero Inkuru Nziza ziherereye mu Mujyi wa Kigali rwagati zafunzwe kubera kutubahiriza ibyo zasabwe gukosora n’Akarere ka Nyarugenge.

Ku mugoroba wo ku wa Mbere, tariki ya 12 Gashyantare 2018 nibwo izi nsengero zombi zashyizweho ingufuri.

Amakuru agera kuri IGIHE ni uko uru rusengero rwo kwa Rugagi rwafunzwe nyuma y’amakuru umwe mu baruturiye yatanze avuga ko rusakuza cyane mu gihe cy’amateraniro bikamubangamira.

Iki cyemezo cyo gufunga insengero cyafashwe nyuma y’igihe ba nyirazo hari ibyo basabwe gukosora ariko ntibyakorwa.

Urusengero rwa Bishop Rugagi rufunzwe mu gihe itorero ayobora riri mu giterane cy’iminsi 77 cyahawe izina rya "Habwa’’ kiba buri munsi nimugoroba.

Bishop Rugagi yasabwe kwimurira ibikorwa by’urusengero ahandi kuva mu Ukwakira 2017, umwanzuro atashoboye gushyira mu bikorwa.

Ingingo ya 600 y’igitabo cy’amategeko ahana y’u Rwanda iteganyiriza ko abateza urusaku rukabije nijoro, igifungo kuva ku minsi umunani (8) kugera ku mezi abiri n’ihazabu y’amafaranga y’u Rwanda kuva ku 50,000 kugera kuri miliyoni imwe cyangwa kimwe muri ibyo.

Ingingo ya 108 y’itegeko ngenga nomero 04 /2005 ryo ku wa 8 Mata 2005 rigena uburyo bwo kurengera no kubungabunga ibidukikije mu Rwanda, igena igihano ku bateza urusaku cy’igifungo kigera ku mezi abiri n’ihazabu y’amafaranga ibihumbi ijana kuri buri nshuro habaye urusaku.

Akarere ka Nyarugenge kafunze urusengero rwa Bishop Rugagi
Rugagi yasabwe kwimura ibikorwa by’urusengero bye mu mpera z'umwaka ushize
Imbere mu rusengero harimo intebe nsa
Redeemed Gospel Church iyoborwa n'umunyabitangaza Bishop Rugagi iherereye mu Mujyi wa Kigali rwagati hafi yo kwa Rubangura
Bishop Rugagi yasabwe kwimurira ahandi ibikorwa by'uru rusengero rwe
Urusengero rwafunzwe nyuma y'uko Bishop Rugagi atujuje ibyo yasabwe n'Akarere ka Nyarugenge kuva mu Ukwakira 2016
Urusengero rwafunzwe mu gihe bari mu giterane cy'iminsi 77 cyiswe "Habwa"
Mu Itorero Inkuru Nziza hamaze iminsi havugwamo umwuka utari mwiza
Icyicaro cy'Itorero Inkuru Nziza giherereye mu Mujyi wa Kigali rwagati

Amafoto: Niyonzima Moses

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4  

1
Jean Luke 2018-03-02 04:15:16

Ni gute umuntu abona amafranga y’umurengera adashobora kubaka urusengero nyamara akiyubakira igorofa. Biriya ni business, amafranga yakwa abaturage bababeshya ko babahanurira nicyo leta idashaka. nibateze abaturage babukira amashuri, ibitaro niba atariko bimeze ntacyo iryo torero rimaze uretse gukiza uwarishinze anyunyuza imitsi y’abakene.

2
marie 2018-02-28 08:02:32

ese ko mwateye comments kwa rugagi gusa niwe bafungiye gusa? cg nuko ariwe uzwi cyane?

3
Njangwe 2018-02-14 12:05:24

Umwe ngo amavi yarakobotse musengera igihugu ubonye iyo uvuga uti turasa cg uti uzi amafranga twatanze ngo amasasu aboneke.Gusenga ni ukuvuga nk’ibindi byose

4
umusomyi sarah 2018-02-14 08:48:59

Nibyo Rugagi nibamwohereze CHUK, Roi Faysal, i Gatagara mu bimuga maze akore akazi ko gukiza bityo ajye atanga ingero zifatika z’abo yavuye, maze abavuga ko azana umuntu akuye cyane akaza yahiniye akaboko mu ishati yarangiza akamukoraho, akaboko akakarambura maze amashyi ngo kaci,kaci biveho.

5
alice 2018-02-14 07:37:30

kuki mutajya mushyiraho igitekerezo cyanjye iyo mbandikiye?

6
GAKWAVU Paul 2018-02-14 06:33:41

Uwiyise KOKO ko mbona utangiye kuvugira Imana uca iteka ese waba watumwe na yo ngo ucire abantu urubanza. Irinde gucumuzwa n’ururimi rwawe utikururira umuvumo uva k’Uwiteka bitewe no kwifatanya na shitani n’abayikorera bagamije kurwanya umurimo wayo.

7
Bernard 2018-02-14 06:22:36

uwiyise umuti nagirango nkubwireko gusenga Atari ugusakuza.kuko Imana yumva ikanareba ikiri kumutima ahubwo kwa sinzi ibindi kuba musenga

8
alice 2018-02-14 06:01:50

gusenga imana ntabwo arugusakuza cg kugira ngo abantu bakumve.ushobora kuyisenga bucece irakumva rwose.soma matayo 6:5.tugera ikirenge mucya yesu ntahantu yigeze asenga asakuriza abantu cg yiyerekana.naho rugagi niba akiza abarwayi azajye shchk aho bicara bapfa buri kanya.

9
yyy656tpz 2018-02-14 05:20:28

bonjour

10
Major 2018-02-14 05:16:09

Imana yonyine niyo mucamanza ibyo muvuga bindi muratakaza umwanya n’ururimi.

Paji: 1 | 2 | 3 | 4  

Kwamamaza