Bishop Shumbusho wakoranye na Apôtre Gitwaza muri Zion Temple yitabye Imana

7 13-02-2018 - saa 12:49, IGIHE

Bishop Gatare John Shumbusho wayoboraga Itorero Zion City Church riherereye mu Mujyi wa Arusha muri Tanzania ndetse akaba yarabanye na Apôtre Dr Paul Gitwaza mu murimo w’Imana, yitabye Imana azize uburwayi yari amaranye igihe gito.

Bishop Gatare Shumbusho yitabye Imana ku wa 11 Gashyantare azize uburwayi yivurizaga muri Kenya nyuma y’igihe gito avanywe muri Tanzania aho bwamufatiye.

Uyu mugabo ari mu bakoranye umurimo na Apôtre Dr Paul Gitwaza mu Itorero Zion Temple ryashinzwe ahagana mu 1992.

Bishop Shumbusho yaje kuyivamo akomereza ivugabutumwa mu Muryango East Wind Ministries ukorera ivugabutumwa mu bihugu bitandukanye ku Isi, aho yanakoraga mu Rukiko rwa Arusha muri Tanzania.

Itorero yatangije muri Tanzania rizwi nka Zion City Church riyoborwa n’umugore we Apôtre Trice Shumbusho rikaba rinafite icyicaro mu Rwanda ku Kicukiro.

Umuyobozi wa Zion Temple Celebration Center ku Isi, Apôtre Dr Paul Gitwaza, abinyujije kuri Facebook yatangaje ko ababajwe n’urupfu rwa Bishop Shumbusho witangiraga umurimo cyane.

Yagize ati “Bishop Shumbusho yakoranye natwe umurimo w’Imana igihe kitari gito, yari umugabo w’urukundo ndetse n’umutima wagutse. Yitangiye umurimo w’Imana kandi ibikorwa n’imirimo ye ntituzabyibagirwa. Njye n’umuryango wanjye ntituzamwibagirwa kuko yatubereye umugisha ukomeye. Imana imuhe kuruhuka. Imirimo yakoze imukurikire, tuzabonana na we mu gitondo cy’umuzuko.”

Apôtre Dr Paul Gitwaza yihanganishije umufasha we n’abana asize, umuryango we mugari n’itorero rye.

Bishop Shumbusho ufite umuryango mugari mu Rwanda biteganyijwe ko ariho azashyingurwa mu cyumweru gitaha.

Bishop Shumbusho Gatare yari Umuyobozi w'Umuryango East Wind Ministries ukorera ivugabutumwa mu bihugu bitandukanye ku Isi
Bishop Shumbusho Gatare yitabye Imana nyuma y'igihe gito yari amaze arwaye
Umuyobozi w'Itorero Zion Temple ku Isi, Apôtre Dr Paul Gitwaza yihanganishije umuryango wa Bishop Shumbusho Gatare
Apôtre Dr Paul Gitwaza yavuze ko nyakwigendera Bishop Shumbusho Gatare yari umukozi witangira umurimo w'ivugabutumwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ik 2018-02-20 02:29:24

inyuguti.com

2
Blessing 2018-02-14 00:30:39

Gloire a Dieu. 2 Timothee 4:7

3
Viateur 2018-02-13 23:32:29

Bishop ugiye tukigukeneye gs Wiruhukire mumahoro watubereye umubyeyi mwiza.R I P

4
Yves 2018-02-13 11:12:10

Nzahora ni buka ubutwari bwawe no gukunda umurimo w’Imana.uwiteka akomeze umuryango usigaye

5
C 2018-02-13 09:24:46

Brother John, ruhukira mu mahore Ntore!

6
BIZIMANA JMV 2018-02-13 08:31:14

Ruhukira mumahoro y’Imana kandi Yesu afashe umuryango usigaye.

7
Christian 2018-02-13 06:18:05

Aratashye Imana ishimwe kuberako irisubije , iruhukire mu mahoro ntore y’Imana

Kwamamaza