Abakirisitu Gatolika mu Rwanda bakoze umutambagiro wo gusabira Isi amahoro (Amafoto)

10 14-09-2018 - saa 10:57, Akayezu Jean de Dieu

Ibihumbi by’abakiristu Gatolika baturutse muri paruwasi zo mu Rwanda no mu bihugu byo mu karere, bakoze umutambagiro w’Ikuzwa ry’Umusaraba, hagamijwe gusabira akarere n’Isi amahoro arambye.

Mu gitondo cyo kuri uyu wa Gatanu, abakirisitu basaga ibihumbi bibiri barimo abo mu Rwanda, aabaturutse muri Repubulika iharanira Demokarasi ya Congo, u Brundi na Uganda, bahagurutse kuri Paruwasi ya Sainte Famille i Kigali, berekeza ku musozi wa Jali ahitwa ‘mu rugo rw’ibanga ry’ishya n’amahoro’.

Abakristu bari baherekeje umusaraba wari ufitwe n’abantu batatu, bagenda baririmba indirimbo zimenyerewe muri Kiliziya Gatolika.

Umukuru w’Umuryango w’Abafurere b’Abafasikani b’Ikuzo, Fr. Innocent Muhoozi, yabwiye IGIHE ko ubutumwa bari batanga muri uyu mutambagiro ari ubugaruka ku bumwe n’ubwiyunge, ari na wo mwaka Kiliziya yo mu Rwanda, irimo.

Ati “Ubutumwa butangirwamo hano bwibanda ku bumwe n’ubwiyunge nk’urugendo Kristu yatangije, kunga abantu, guhuza abantu kandi cyane cyane gusangira ubuzima ariko by’umwihariko ubumwe n’ubwiyunge.”

Uyu mutambagiro watangijwe na Furere Jean Baptiste Nsengayire, ari nawe watangije Umuryango w’Urugaga rw’Umusaraba w’Ikuzo, agamije kwereka no kwigisha abantu ko nta yindi nzira yageza ku mahoro nyayo atari ‘Inzira y’Umusaraba ya Yezu’.

Yawutangije muri 1991 biturutse ku bibazo bya politiki byari mu Rwanda bishingiye ku mashyaka menshi n’amatsinda y’abantu babaga bari mu mihanda, bafite amabendera, intwaro n’ibindi birango, bagamije guhutaza abantu runaka.

Uru rugendo rukozwe ku nshuro ya 25 rufite insanganyamatsiko igira iti ‘Muze abahawe umugisha na Data’.

Ubwo bahagurukaga kuri Kiliziya yitiriwe Umuryango Mutagatifu i Kigali
Abakristu bagendaga baririmba basingiza umusaraba w'ikuzo
Abitabiriye uru rugendo bagera ku bihumbi bibiri
Baba bafite umusaraba nk'ikimenyetso cy'urugendo rwa Yezu
Bagenda baririmba indirimbo zigaruka ku gusabira Isi amahoro
Umukuru w’Umuryango w’Abafurere b’Abafasikani b’Ikuzo, Fr. Innocent Muhoozi, yavuze ko uru rugendo rugamije gusabira Isi amahoro
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Amon 2018-09-15 00:28:02

Duhe agaciro umusaraba umucunguzi wacu yabambweho in ikimenyetso cy’ insinzi kuko yaratsinze urupfu Ku musaraba

2
Amon 2018-09-15 00:27:42

Duhe agaciro umusaraba umucunguzi wacu yabambweho in ikimenyetso cy’ insinzi kuko yaratsinze urupfu Ku musaraba

3
Kaki 2018-09-14 13:06:38

Imana ibahe umugisha, kandi ndabizi ko ibikorwa nkibi aribyo bihesha isi amahoro.

4
Nina 2018-09-14 13:05:49

Ni gute mushobora gusabira abandi ibyo mwe mudafite. Sheer hypocrisy.

5
Semafara 2018-09-14 10:44:49

Ibi ni uguta igihe.Na Paapa ubwe ajya atumiza amadini yose yo ku isi,harimo n’aba Animists,Abaslamu,Bouddhists,Hindous,etc...bagahurira muli Italy,ahitwa Assise.Kereka abahamya ba Yehova nibo batajyayo.Barahura bagasenga basaba amahoro ku isi,ariko ntacyo bitanga.Igitangaje nuko aya madini yose ashyigikira intambara zo mu isi.Urugero,hano mu Rwanda,mu ntambara yabaye hagati ya 1990-1994,abapadiri na pastors babanzaga gusengera abasirikare bagiye kurwana na FPR.Ndetse abasirikare b’abagatolika,bajyaga ku rugamba bambaye "amashapule" bahawe n’abapadiri!!.This is Hypocrisy.

6
nga 2018-09-14 08:38:42

Jyewe narinzi ko bagiye ku muhanda kwamagana abapadiri birirwa bateza umutekano muke basambanya abana n’abakuru ,icyo nicyo cyari gikwiye aho kuryarya abantu mwambaye amakanzu ngo murasabira abantu amahoro kandi 90% y’abajenocideri mu Rwanda bari abagatorika ntibasaba imbabazi ndetse na kiriziya yirirwa isaba abiciwe kuyisaba imbabazi ngo barayisebya.Abapadiri banyu birirwa basoma misa iyo i burayi barishe hano mu Rwanda .Ndumva mwakwisuzuma mukarebe ikitangenda neza muri kiriziya mbere yo gusabira amahoro y’uburyarya kuko ayo masengesho Imana niyayumva mugifite amaraso y’inzirakarengane mwanze kwihana.

7
tete 2018-09-14 06:02:28

yego mma Imana ibahe umugisha isi ihekwa nabanyamasengesho

8
muja 2018-09-14 05:13:03

Aba bantu bafite ishyaka ry’imana ariko ritava mu bwenge.

9
ruti 2018-09-14 04:57:35

Nategereje ko basabira kiliziya imbabazi kubera jenoside yakoreye abatutsi kandi 90% bari abakirisitu ariko amaso yaheze mu kirere none ngo """""Muze abahawe umugisha na Data""""" bivuze iki, ni ibiki, bigamije iki, bitwunguye iki, uwo mugisha bawuherewe he, uwo Data ninde wamubonye, bahuriye he, amubwira iki, batandukanye bate, eeeeeh. Jye mvuze ko imodoka i Nymirambo yuriye igikoni igaparika hejuru yacyo ukangisha i mpaka nakwereka amafoto naho ibya data tutabona nta ni foto wapi kabisa

10
turayisenga delphine 2018-09-14 04:51:36

Bakoze igikorwa gikomeye kbs kuko gusabira isi byibukwa nabake mubasenga.Imana Ibahe umugisha gusenga bigira umumaro munini cyane buriya icyo bakoze ni inyungu rusange pe!!!!

Kwamamaza