Tom Rwagasana na Mutuyemariya Christine bakumiriwe ku igaburo ryera muri ADEPR

20 11-01-2018 - saa 17:22, Emma-Marie Umurerwa

Uwahoze ari Umuvugizi wungirije w’Itorero ADEPR, Bishop Tom Rwagasana, uwari Umubitsi waryo Mutuyemariya Christine hamwe na Eng Sindayigaya Theophile bahagaritswe ku igaburo ryera ku midugudu basengeramo.

Nyuma yo kwandikirwa n’Itorero ADEPR ribabwira ko bambuwe inshingano bari barifitemo mu mwaka ushize, kuri ubu noneho ntibemerewe no kwegera igaburo ryera; ntibanemerewe kujya mu nama z’abakirisitu.

Bakumiriwe ku igaburo ryera nyuma y’aho barekuwe by’agateganyo n’Urukiko rukuru, bakurikiranweho kunyereza miliyari zisaga ebyiri z’amafaranga y’u Rwanda ubwo hagati ya 2015 na 2016 bayoboraga iri torero.

Ku ikubitiro abahawe akato n’imidugudu basengeraho ni Eng. Sindayigaya wahoze ari Pasiteri muri Paruwasi ya Kamashashi na Mutuyemariya Christine wahoze ari Umudiyakoni ku Mudugudu wa Kamashashi muri iyo paruwasi.

Mu kiganiro na IGIHE, Umushumba wa ADEPR muri Paruwasi ya Kamashashi, Rev. Pastor Nkejumugabe Narcisse yagize ati "Tariki 31 Ukuboza 2017 nibwo twahagaritse Mutuyemariya Christine na Eng. Sindayigaya kubera ibyaha bijyanye no kunyereza umutungo w’itorero. Twabaye tubaheje niko itorero rikora; iyo uvugwaho ibintu nka biriya uba ugomba kuba uhejwe kwegera igaburo ryera hamwe no kujya mu nama z’abakirisitu."

Umushumba wa ADEPR Paruwasi ya Kicukiro Shell, Rev. Pastor Nkurunziza Richard, na we yatangarije IGIHE ko Tom Rwagasana atemerewe kwegera igaburo.

Yagize ati "Yahagaritswe mu nama y’abakirisitu yabaye ku Cyumweru gishize tariki 7 Mutarama 2018. Impamvu yatumye ahagarikwa ijyanye n’ibyatumye yamburwa inshingano. Icyo yemerewe kugeza ubu ni ukuza mu materaniro nk’abandi. Naramuka yihannye azababarirwa yongere ajye ku igaburo nta kibazo."

Yakomeje avuga ko ubusanzwe Tom Rwagasana aza mu materaniro nk’abandi ariko kuri ubu ngo akaba ari inyuma yaryo.

Mu mahame ngengamyitwarire ya ADEPR, iyo umwe mu bayoboke baryo yakoze ibyo bita icyaha cyangwa hari ibyo akekwaho, ahabwa akato.

Mu Ukwakira 2017, nibwo ADEPR yandikiye amabaruwa Sibomana Jean wahoze ari Umuvugizi wa ADEPR; uwari umwungirije Tom Rwagasana, amabaruwa abambura inshingano za gipasiteri uhereye ku wa 6 Ukwakira 2017.

Aba bandikiwe ariko bahise batera utwatsi ibyo bandikiwe bavuga ko byakozwe mu buryo bunyuranyije n’amategeko.

Ubwo bamburwaga inshingano, Umuvugizi wa ADEPR, Rev. Karuranga Ephrem, yabwiye IGIHE ko aba bambuwe ubupasiteri "bambuwe inshingano gusa" naho ibindi byemezo byafatwa n’umudugudu basengeraho, bareba niba bakwiye kujya ku igaburo ryera.

Uwahoze ari Umuvugizi wungirije w’Itorero ADEPR, Bishop Tom Rwagasana

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Jado 2018-01-13 00:54:32

Ba Tom baduhemukiye baturira amafaranga kubaheza bifite ishingiro bemere bihane nk’abandi bose nkuko bigenda mu itorero bayoboye

2
pastor 2018-01-12 08:07:56

Imana ibabarire mwebwe mwese mwiha kurengera abahemu (ibisambo) iyo wowe urebye ubona iyo hataba imbaraga z’Imana hari uwari gukuraho ba Tom? Icyo mbona dusoma bibiliya turizera reka niba barengana Imana izabarenganura doreko hananditswe ngo "hahirwa abarengana kuko......" Gusa mbagiriye inama nta kwiyoberanya kuba mu itorero ry’Imana NGO kurambe nabataragara bagiye kuba akabarore

3
Mugisha 2018-01-12 07:28:51

Njye simbashyigikiye ariko ndibaza ese nyuma ubucamanza buvuze ko bwasanze ari abere, aba ba pastor babahagaritse bakwivuguruza ngo"mutubabarire twaribeshye turabatenga"? Arabizi mwansobanurira ndabinginze

4
Mugisha 2018-01-12 07:28:51

Njye simbashyigikiye ariko ndibaza ese nyuma ubucamanza buvuze ko bwasanze ari abere, aba ba pastor babahagaritse bakwivuguruza ngo"mutubabarire twaribeshye turabatenga"? Arabizi mwansobanurira ndabinginze

5
I have 2018-01-12 06:34:13

Ariko leta buriya ntakuntu yaturwanaho igaha Tom wenda nkagali akayobora mbonawe arumutegetsi mwiza mukagali atari muntama

6
Mukristo 2018-01-12 04:39:39

Abafana ba Tom,uwiyise Niyibizi célestin cg ari nawe Nzabambarirwa.muvuge n’uburyo abasambanyi bazajya begera ifunguro ryera.Miliyari 3 zose bashinjwa kandi n’ibimenyetso bihari barutwa n’uwasambanye ,twarayatanze tugurishije imyenda ,amatungo none ngo ngwiki?Nibayagarure kdi basabe imbabazi bazabone kujya bakwegera Ifunguro ryera.Rero ngo barahagurukiwe da ngo bizera no kuzasubira mu mirimo!!!!

7
vivi 2018-01-12 04:16:47

Ndagira ngo nsubize niyibizi Celestin n’abandi mwumva kimwe
nta dini narimwe ritagira amategeko arigenga ,kandi nyine ayo mategeko niyo amadini atandukaniraho
kuba ADEPR yahagaritse abo bantu ni uko bakoze amakosa byongeye bayakorera itorero bakoreragamo
niba hubahirijwe amategeko agenga Adepr ntaazo mbibonamo ahubwo wowe niba ibyo mu itorero uyobora
ukaba wumva barenganyijwe ubakire rwose nta kibazo.

8
Niyibizi Celestin 2018-01-12 02:26:28

Ese ubwo iyo duheje umuntu Ku igaburo ryera tuba tudahindutse abacamanza, twemerewe guca imanza se, nange njya ntanga igaburo ryera ariko mbwiriza abantu uko uwegera ameza agomba uba ameze ibisigaye umuntu niwe wimenya, cyane cyane ko aba Bantu bazi icyo ijambo ry’Imana rivuga, ndabona abirukanye abantu kumeza y’umwami bafite ikibazo cyo kwigira abacamanza kandi na Yesu yavuzeko atazanywe noguciraho iteka abanyabyaha ahubwo yazanywe no gukiza. Ese abo bo ni abatagatifu ntarwango rubarimo mumitima? Ese kwihimura cyo si icyaha? Aho bo uretse ko ari impumyi batirora, bo bari bakwiriye kwegera ameza, kwegera ameza y’umwami bivuze kongera gusana imibanire yacu n’Imana, kuvugurura isezerano ry’ubuntu twahawe kubwurupfu RWA Yesu, ntamuntu ukwiye kwirukana undi ahubwo dukwiye gukangurira abantu kwibuka ko Yesu yapfiriye ibyaha byabo bakongera kwizera kubabarirwa kubwubuntu bikabatera kwihana. ADEPR mugire amahoro mutarure izazimiye ariko mwitonde namwe mutisanga mwaguye mumutego wo kwitura ibihwanye nibyo mwakoerwe.

9
smu 2018-01-12 00:39:49

Hari ikintu kimwe maze kubona comite iyoboye inzibacyuho y’Adepr ikora ibintu byinshi ititaye kungaruka byateza gusa bo bashaka kwereka abachristo ko bakoze. urugerero kuko baziko abachristo benshi bari barazinutswe Tom bumva ko kumuheza, cq kumusebya nabagenzibe bizatuma bakundwa ngo bakomeze kuyobora indi mandant ariko siko byakagenze nkabakozi b’Imana biteye isoni kuba wirirwa wigisha abayoboke kubabarira woe ukaba ntambabazi ugira gufata umusaza nka Sibomana nimyaka yose yaramaze akorera itorero ukamwitura kumucya mw’itorero umushinja ibyo n’urukiko rutaramuhamya s’ubumumtu rwose kd kabone nubwo yaba yarabikoze nkeka ko bahabwa imbabazi kuko twese tubeshwaho n’ubuntu bwayo kuko ntawera muritwe icyokora bimaze kugaragara ko ino comite iyoboye munzibacyuho ntabushobozi ifite bwatuma itorero ryongera kwiyubaka byumwihariko uyikuriye rev.Karuranga

10
manuel 2018-01-11 23:16:03

UKO WAGENJE NIKO UZAGENZWA NA SAMUEL NIKO BAMUGENJE

Paji: 1 | 2  

Kwamamaza