RRA yashyikirije Umuryango w’Abayisilamu Korowani zari zigiye gutezwa cyamunara

7 12-01-2018 - saa 17:01, Thamimu Hakizimana

Ikigo cy’Igihugu Gishinzwe Imisoro n’Amahoro (RRA), cyashyikirije Umuryango w’Abayisilamu mu Rwanda(RMC), Korowani zagombaga gutezwa cyamunara nyuma yo kumara igihe kinini muri Magerwa.

Umuryango w’Abayisilamu mu Rwanda washyikirijwe izi korowani ku mugoroba wo kuri uyu wa 12 Mutarama 2018.

Ikigo cy’Imisoro n’Amahoro cyasobanuye ko habayeho ikibazo cyo guhanahana amakuru kuko uyu Umuryango w’Abayisilamu mu Rwanda utari waramenye ko izo korowani zatanzwe nk’impano zaje.

Mu itangazo RRA yari yarashyize ahagaragara, ryavuga ko izo korowani ziri kumwe n’amakarito 1444 apima toni 22 n’ibiro 100 y’imbuto z’imizabibu abayisilamu bakunze kwita ‘itende’ ziribwa mu gisibo cya Ramadhani.

Cyamunara yari iteganyijwe ku wa 28 Mutarama 2018 ariko Umuryango w’Abayisilamu mu Rwanda ukimenya ko izo Korowani ziri muri Magerwa, watangaje ko ugiye kugirana ibiganiro na RRA.

Komiseri Wungirije wa RRA, Mugire Alex, yavuze ko bafashe icyemezo cyo kudateza cyamunara izi korowani kubera ko habayeho ikibazo cy’itumanaho cyatumye abohereje izi mpano batahise babimenyesha umuryango w’Abayisilamu mu Rwanda.

Yagize ati “Twazibahaye nyuma yo kumenya ikibazo cyabaye cyo guhana amakuru kuko byaroherejwe ariko ntibamenya ko byahageze, ubundi muri gahunda ya gasutamo iyo ibintu bimaze amezi atandatu bitezwa cyamunara ariko ibitabo by’iyobokamana ntibisora rero tumaze kubishyira ku rubuga rwa cyamunara barabimenye nibwo baje kubikurikirana none turabibahaye.”

Yakomeje avuga ko ibijyanye n’imbuto z’itende na zo ziri mu bubiko bazabaza bakagenzura ko nta kibazo zifite kugira ngo babone kuzibaha.

Umujyanama wa Mufti w’u Rwanda Sheikh, Mbarushimana Sulaiman,yavuze ko bishimiye kuba bahawe ibi bitabo bitagatifu.

Yagize ati “Twabyishimiye cyane kuba ubuyobozi bwa RRA bwaje gusuzuma ikibazo twari twagaragaje tuvuga ko ibitabo by’iyobokamana bitajya bisora. Twishimiye uko basuzumye iki kibazo bakaba babidusubije bidatejwe cyamunara, Magerwa na yo yadukuriyeho amafaranga y’ububiko twari kuzishyura.”

Umuyobozi Mukuru wa MAGERWA, Lambert Nyoni yatangaje ko baretse kwishyuza RMC amafaranga y’ububiko kubera ibiganiro n’ubwumvikane bagiranye cyane ko batari bizeye ko byari kugurwa.

Izo Korowani za toni zisaga 14 n’ibindi bikoresho byari muri Magerwa kuva muri Werurwe 2016.

Korowani z'Umuryango w'Abayisilamu mu Rwanda zagombaga gutezwa cyamunara zarengaga toni 14
Izi Korowani zashyikirijwe Umuryango w'Abayisilamu mu Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
RK 2018-01-13 06:08:39

Ni byiza ariko amakuru yabanje gucicikana ntiyahesheje isura nziza RRA.

2
Francis 2018-01-13 01:37:21

Naho amakuru yatugezeho vuba avuga ko uwohereje izo Korowani yanatanze amafaranga yo kuzisorera RMC ikayasa?

Eight thousand us Dollars?

Utazi ubwenge ashima ubwe.
nibazibahe bijijishe bigendere nkaho ntacyabaye!
ariko iminsi y’umujura murayizi ni 40

3
Korowani 2018-01-12 21:15:29

RRA yari yavuze ko ntibazana igipapuro cyerekana ko iyo mizigo itagamije ubucuruzi idasora bari bubitange bive mu bubiko bwa MAGERWA .

4
danny 2018-01-12 19:05:50

Ubu se icyqmunara turavyakigiyemo niba ibicuruzwa bimwe mwabivanyemo!!!

5
Habineza 2018-01-12 15:45:48

Ibi byerekana ko hali n’ibindi bitagera kuli ba nyirabyo kuko ntibyumvikana ko imizigo yagera muli MAGERWA hatanditseho le destinataire ngo abe yaroroherejwe "avis d’arrivee"niyo RMC iza kubwirwa n’ababyohereje ko hali ubutumwa bwabo buli mu nzira ntibihagije kugira icyo ubaza MAGERWA nta avis d’arrivee ufite.Mushakire ikosa aho.

6
Emma 2018-01-12 13:05:15

rekasha! nukomubonye nubundi,ntawuzazigura.

7
kanyarwanda 2018-01-12 09:57:42

none byajyenze gute? byarishyuwe cyangwa ni free from taxes(on what basis? amategeko avuga iki? cyangwa urwanda rwabaye theocracy nka saudi arabia(igihugu kigizwe nabantu unstable?))
kuva kukwamagana lumpenproletarianism ukayigira client...

Kwamamaza