Padiri Nambajimana wo muri Paruwasi ya Nyamasheke yasezeye ku murimo w’Ubupadiri

43 5-12-2018 - saa 10:50, Emma-Marie Umurerwa

Padiri Nambajimana Donatien, wakoreraga ubutumwa muri Paruwasi ya Nyamasheke muri Diyosezi ya Cyangugu, yasezeye ku murimo w’Ubupadiri ku mpamvu ziswe ize bwite.

Padiri Nambajimana bakunze kwita Mushi, yari amaze imyaka isaga itanu ahawe isakaramentu ry’Ubusaserdoti. Yasezeye ku gicamunsi cyo ku wa Kabiri tariki ya 4 Ukuboza 2018.

Umwe mu bapadiri babanye wifuje ko amazina ye atajya muri iyi nkuru, yahamirije IGIHE amakuru y’isezera rya Padiri Nambajimana, ariko avuga ko impamvu yatumye mugenzi we asezera batarayimenya.

Ati “Twahawe ubutumwa na Padiri Mukuru wa Paruwasi ya Nyamasheke, atubwira ko mugenzi wacu yasezeye, atakiri ku murimo w’ubupadiri muri Kiliziya Gatolika kubera impamvu ze bwite”.

Yakomeje agira ati “Donatien twaganiraga nk’abihaye Imana ariko aho yakuye igitekerezo cyo kuva mu bupadiri sinahamenya kuko wabonaga afite umuhamagaro.’’

Padiri Mukuru wa Paruwasi ya Nyamasheke, Nshimiyimana Alexis, yirinze kugira icyo atangaza kuri aya makuru ati “Ibyo sinjye ubitangaza mwabaza nyir’ubwite cyangwa Musenyeri wa Diyosezi ya Gikongoro.”

Twagerageje kuvugana na Musenyeri Hakizimana Célestin, Umushumba wa Diyosezi ya Gikongoro, akaba ari nawe ureberera Diyoseze ya Cyangugu, inshuro zirenze eshanu ntibyadukundira, kuko telefoni ye igendanwa atayitabaga

Padiri Nambajimana nawe turacyagerageza kumuvugisha ngo tumenye impamvu yatumye afata icyemezo cyo gusezera mu bupadiri.

Padiri Nambajimana Donatien, wakoreraga ubutumwa muri Paruwasi ya Nyamasheke yasezeye mu Bupadiri

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5  

1
Niyibizi Jean 2018-12-08 20:29:36

Imana niyo nkuru kandi nta muntu n’umwe wamenya ikiri k’umutima wa mugenzi we, ikiruta byose ni ukubyakira naho kuba yabikoze afite impamvu kandi ku giti cye ishobora kuba yumvikana kuko nta gikuba njye mbona cyacitse!!

2
moussa 2018-12-07 14:39:59

nibyo kweli kuko na pape wi vatcan italiE BASANZE JESUS YARABASHUTSE NGWAZAZA NONE YARATINZE KUZA ? UBU BIBLE BAYIHINDUYE NGWIRIMO BUBESHI ? BAZANYE KINDI GITABO KIZASOHOKA 2020 UBU BASHAKA BAKORE NKA UNHCR NA PAM WFP WORLD FOOD PROGRAME ABABIKIRA BATANBGUYE KWISHAKIRA ABAGABOO

3
ukuri 2018-12-07 07:28:40

Bavandimwe rero reka nanjye ngire icyo mvuga hano.kuba uyu mupadiri asezeye mubutumwa bwa kiriziya nuburenganzira bwe ,kuko Imana iduha ubwigenge busesuye bwo guhitamo.Kiriziya Gatorika ntawe ihohotera imuzana mugipadiri kungufu.kudashaka rero mugipadiri niwo murongo nyine yihaye ukawujyamo wamaze kwiyemeza.ugiye mugisirikare hari amategeko bamuha mbere yuko acyinjiramo yayemera bikaba uko.kangahe se barara hanze baturaririye,hari uyobewe ko kuryama muburiri biryoha?ariko hari ibyo biyemeje mbere yuko bakijyamo,ingero ninyinshi.igikuru rero nshaka kuvuga niki ngiki,iyo umupadiri abivuyemo abantu rwose baravugaaa bigatinda ngo nuko yari abangamiwe nokutabona umugore baryama,ngo naze rwose yishakire.nibaza ko atari cyo kibazo,mbabaze bangahe mubagabo bafite abagore badatuza birirwa bafatwa baca inyuma abo bashakanye kuki se babaca inyuma kandi baba babifite aho ningeso nakamere y’umuntu iba yaramuzonze.nsoze mvuga nti waba padiri wa umuntu usanzwe position waba uriho yose,umuntu yabasha gukiranukira Imana.ntabwo kuva mugipadiri babiterwa nuko ntabitsina baba babona kuko nababifite barenga bakajya gushaka ibindi.

4
Nalyali 2018-12-07 07:23:04

Ariko mbaze! Ko mbona mwacitse ururondogoro ngo agiye kuko ananiwe kubaho nta mugore ibyo nibyo yababwiye? Ngo najye gushaka umugore areke ibyaha! Harya abubatse bacana inyuma muri iki gihe ni bangahe; ntibaba se bafite abo bashakanye? Ahubwo ngirango hari abafite ikibazo bumvako ibyishimo byose ngo bishakirwa mu bitsina! Naho iby’ubupadiri byo mubirekere ba nyirabyo kandi bifite aho biva si ibihimbano. Abo barimo gutanga imirongo ya Bible ngo ishishikariza abantu gushaka nibatange n’indi igira inama abashinzwe ubutumwa kwiberaho badashatse; kandi nayo irahari

5
Damas 2018-12-07 03:15:01

Buriya ntabwo ariwo muhamagaro we ariko Imana imuhe icyerekezo cyizima imurinde guseba rwose.

6
Niyitegeka 2018-12-06 22:20:29

Uri umuntu w’Umugabo. Nanjye aho gukora ibyo benshi mu bapadiri bakora hanze aha bihishahisha cyangwa basinda saa tatu za mu gitondo nasezera! N’imana ndabizi yakubabariye!! Courage bro!

7
mnnza 2018-12-06 05:20:33

Twizera tudashidikanya ko nk’umuntu uharanira kuzabona ubwami bw’imana akeneye igihe cyo kugerageza imyuka yose kuko atari ko ituruka ku Mana. Imana ikimara kuturema yaduhaye impano nziza cyane kugirango twishimire ubuzima. iyo mpano ni ubushobozi bwo gukora imibonano mpuzabitsina. Imimerere rero twashyirwamo na systeme yubashywe itatuma twishimira iyo mpano, niyo ituma havuka ibyaha bikomeye nk’ubwo butinganyi’mastribation.....imana yanga urunuka 1cor 6;9. NIBA MWIBUKA NEZA ISODOMU N’IGOMORA BAZIZE IKI? naze ashinge umuryango abe papa w’abana aho kuzajya ahorana umutimanama umucira urubanza kuko yabamennye mu mashuka no mu mashsshi.nibinaba ngombwa azige bible n’abahamya ba Yehova.

8
Nkundiyimana Casimir 2018-12-06 03:10:37

Buriwese n’umuhamagarowe ashobora kuba yabonaga atabishoboye

9
nounou 2018-12-06 02:02:36

rwose naze wenda natwe twabona bagabo,ubuse singize 39ans naramubuze kdi nitonda .
iyaba bose bavagamo ubu hari ukugumirwa kwabaho.afashe icyemezo cya kigabo

10
kuku 2018-12-06 01:51:26

iyizire rata. dore niburiye umugabo wenda wazabimfashamo ukaza tukirira isi ahubwo bose bavuyemo ikibazo dufite cyo kugumirwa cyarangira,dore nkubu ngize ans narabuze uwanshyira mu mago kdi abagabo bihishe mu gipadiri.
ahubwo n’abandi bakwigireho.uri umugabo

Paji: 1 | 2 | 3 | 4 | 5  

Kwamamaza