IGIHE

ADEPR ishami rya Uganda yitandukanyije n’iyo mu Rwanda

11 17-05-2019 - saa 08:18, Emma-Marie Umurerwa

Abayobozi b’Itorero rya ADEPR muri Uganda bandikiye ubuyobozi bwa ADEPR yo mu Rwanda babumenyeshako bahisemo kwigenga bashingiye ku nama bagiriwe n’ubuyobozi bwa Uganda

Abapasiteri bagize Komite Nyobozi y’Itorero rya ADEPR Ururembo rwa Uganda bandikiye Umuvugizi w’Itorero rya ADEPR mu Rwanda bamumenyesha ko basanze kwigenga ari byo bibabareye.

Muri iyi baruwa yanditswe tariki ya 13 Gicurasi 2019, aba bapasiteri bavuga ko icyemezo cyo kwitandukanya na ADEPR bagifashe nyuma y’umwiherero wabaye tariki ya 26 Mata 2019.

Muri uyu mwiherero ngo abayoboye ADEPR/Uganda babwiye ubuyobozi bukuru bwa ADEPR/Rwanda, ibibazo biri muri iri torero by’umwihariko ibijyanye n’umutekano muke dore ko bamwe muri bo bakomeje gushimutwa n’inzego zishinzwe umutekano muri Uganda bagakorerwa iyicarubozo ritandukanye.

Bakomeza bavuga ko abayobozi b’Itorero rya ADEPR mu Rwanda ntacyo bakoze ku bibazo babamenyesheje.

Bati “Twebwe nk’abayobozi b’Uturere byabaye ngombwa ko duhura tugashakira hamwe icyagarura amahoro n’umutekano mu Itorero dukurikije inama twagiriwe n’ubuyobozi bwa Uganda.”

Abayobora ADEPR Uganda bahise bafata icyemezo cyo guhindura izina ry’iri dini baryita PCIU (Pentecostal Church International of Uganda ) batora n’ubuyobozi bushya.

Umuyobozi Mukuru yagizwe Rev Singirankabo Jean De Dieu, Umushumba wungirije ushinzwe ubuzima bw’Itorero aba Rev.Muhawe Théogene, ushinzwe imari n’ubukungu yagizwe Nuhurira Penina naho Umujyanama aba Bataringanya Yosam.

Guhera tariki 15 Gicurasi twashatse kumenya icyo ubuyobozi bw’Itorero rya ADEPR mu Rwanda buvuga kuri iki kibazo ntibyadukundira.

Ururembo rwa ADEPR Uganda rwashinzwe mu 2015, bituma Itorero rya ADEPR rigira indembo esheshatu zigizwe n’abayoboke basaga miliyoni ebyiri.

Abapasiteri bagize Komite Nyobozi y’Itorero rya ADEPR Ururembo rwa Uganda bandikiye Umuvugizi w’Itorero rya ADEPR mu Rwanda bamumenyesha ko basanze kwigenga ari byo bibabareye

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
hitayezu 2019-05-31 06:46:15

Celestin . umuturanyi arapfusha ugaseka??? namwe byababaho muracyayituyeho.

2
NDIKUMANA Adolphe 2019-05-18 16:21:21

Iyo idini canke ishengero rimaze kuja muvya politique baba bavangiwe kuko politique nivugabutumwa ntaho bihuriye kuko na YESU yaravuze ati’’ ivy’Imana mubihe Imana ,ivya César mubihe césar ! Ikindi idini rya pentecôte rifise ingorane yokugendera kubwishime ngo nibo basenga kurusha abandi ,ivyo navyo bigatuma satani abagaraguza agati mbere ugasanga benshi bafatirwa muvyaha bitari bike tudasize inyuma ivyo nyene vya politique. Rero nimba bigeze aho nibareke Uganda yigenge n’urwanda rwigenge ariko kwicamwo ibice ntivyari bikwiye kuba munzu y’Imana ! Ariko nibatamenya gutandukanya ivy’Imana nivya politique bazosambuka bose basigare babaha urwamenyo !!!

3
NDIKUMANA Adolphe 2019-05-18 16:21:19

Iyo idini canke ishengero rimaze kuja muvya politique baba bavangiwe kuko politique nivugabutumwa ntaho bihuriye kuko na YESU yaravuze ati’’ ivy’Imana mubihe Imana ,ivya César mubihe césar ! Ikindi idini rya pentecôte rifise ingorane yokugendera kubwishime ngo nibo basenga kurusha abandi ,ivyo navyo bigatuma satani abagaraguza agati mbere ugasanga benshi bafatirwa muvyaha bitari bike tudasize inyuma ivyo nyene vya politique. Rero nimba bigeze aho nibareke Uganda yigenge n’urwanda rwigenge ariko kwicamwo ibice ntivyari bikwiye kuba munzu y’Imana ! Ariko nibatamenya gutandukanya ivy’Imana nivya politique bazosambuka bose basigare babaha urwamenyo !!!

4
king 2019-05-18 07:19:36

ADEPR ni nyamwinshi nka Rayon sport na FDLR nibo baba hose!

5
lg 2019-05-18 04:31:12

Nubundi ntibivugitse, ADEPR yajyaga gushinga itorero Uganda gute ! !abanya Suède nibo bayizanye, hano nibo bagomba nokuyijjyana hariya ! aliko ngo ADEP( R ) Uganda ADEP ( R ) mububiligi, ukibaza aho yavuye ! !nyamara naha bayiyitirira bahora mumanza na matiku,

6
Nike 2019-05-18 02:03:09

Umwanzuro bafashe urakwiye,kugira NGO badahagarikwa.

7
Cyuma 2019-05-17 16:11:15

Icyo Adepr Rwanda yifuzaga ni ukuvuga ubutumwa bwiza bwa Yesu Kristo, niba Adepr Uganda ikomeje ivugabutumwa nta gihombo mbibonamo ahubwo Adepr Rwanda ishyire imbaraga n’ahandi kuko aba baracutse.

8
Pasi 2019-05-17 12:38:35

Iyi niyo mpamvu yonyine ituma abantu benshi batizera umurimo w’Imana,ese ibibazo bya politike bije bite mutorero ry’Imana? Ooh Mana tabara itorero ryawe!!

9
Celestin 2019-05-17 12:17:23

Reka mbihere urw’amenyo gusa!!!!

10
mukristo 2019-05-17 07:41:01

nkuko bitemewe kwambuk’umupaka ngo tudakorerwa iyica rubozo ADEPR nayo ifate icyemezo cyo kutongera kudutwarira amafaranga bayahemba bariya bayobozi bahakoreraga yemwe ntibongere no gupfusha ubusa ibyakorerwagayo birimo kubagurira ubutaka nkuko batubwiraga kuko bibaye politik

Paji: 1 | 2  

Kwamamaza