IGIHE

Filime y’umwuzukuru wa Mpyisi yatoranyijwe mu iserukiramuco rikomeye i Burayi

3 15-08-2019 - saa 09:57, Uwiduhaye Theos

Filime ‘Breath of Fresh Difference’ y’umwuzukuru wa Pasiteri Mpyisi witwa Kamikazi Mpyisi yatoranyijwe mu Iserukiramuco rikomeye cyane rya ‘Elba Film Festival’ ribera mu Butaliyani.

Kamikazi uvuka ku muhungu wa Pasiteri Ezra Mpyisi yihebeye ibyo gukina filime. ‘Breath of Fresh Difference’ yatoranyijwe guhatana ku ruhando mpuzamahanga yahawe igihembo cya filime nziza ngufi muri Rwanda Film Festival mu 2017.

Iserukiramuco filime ye ‘Breath of Fresh Difference’ ivuga ku bukerarugendo iri guhatanamo, ni rimwe mu akomeye ku Mugabane w’i Burayi.

Ribera mu Kirwa cya Elba giherereye mu Butaliyani; riba rigamije guha umwanya abakora filime ku Isi yose ribahuriza hamwe, bakaganira bakamenyana ndetse buri wese akerekana ibyo akora. Nyuma yo kwerekana filime hatangwa ibihembo.

Kamikazi Mpyisi yayoboye izindi filime zirimo ‘Brothers In Art’, ‘Motherland’ na ‘Sogokuru’ yakoreye sekuru Mpyisi yashyizwe hanze mu mpera z’umwaka ushize.

Iyi filime yakozwe mu buryo bwo kugaragaza byinshi kuri Pasiteri Mpyisi wamamaye cyane mu Itorero ry’Abadiventisiti b’Umunsi wa Karindwi mu Rwanda.

Igaruka ku byaranze ubuzima bwe bwite n’ibindi bimwerekeyeho bizwi na bake. Uretse abana n’abandi bo mu muryango wa Ezra Mpyisi bagiye bahabwa ibiganiro muri iyi filime bakabazwa ibibazo bitandukanye, harimo n’inshuti ze magara.

Igice kinini kirimo we n’umuryango we, ariko hari n’aho Kamikazi wayikoze yagiye mu isoko rya Kimironko mu Mujyi wa Kigali akabaza abantu batandukanye uko bazi Mpyisi.

Kamikazi umaze kumenyekana mu kuyobora filime afite imyaka 30, yavukiye mu Mujyi wa Nairobi, aba muri Tanzania we n’umuryango we bahavuye bahita bagaruka mu Rwanda. Ni umwana wa gatanu mu muryango we.

Kamikazi Mpyisi ni umuhanga mu kuyobora filime
Filime ‘Breath of Fresh Difference’ y’umwuzukuru wa Pasiteri Mpyisi yatoranyijwe mu iserukiramuco rikomeye i Burayi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
noher emmanweli 2019-08-15 18:49:55

oke nibyiza kd turagukunda ariko nkwibarize umuntu ashaka kukugana umwigishegucyina fillime yakubona.gute ?

2
MZEE 2019-08-15 15:06:28

Aka gapyisi gato ndabona ari keza cya karanasa n’impyisi nkuru

3
Jules 2019-08-15 05:52:05

Arasa nasekuru kbc

Kwamamaza