IGIHE

Sunny yakoranye indirimbo n’umuhanzi ukomeye muri Tanzaniya

4 14-08-2019 - saa 09:18, Muvunyi Arsène

Umuhanzikazi Sunny yashyize hanze indirimbo ye nshya yise “Waone” yakoranye n’umuririmbyi ukomeye wo muri Tanzaniya witwa Aslay.

Yatangiye benshi babifata nk’imikino ariko akomeje kwerekana ko yinjiye mu muziki ntabyo kujenjeka. Udushya dutandukanye yagiye akorera ku mbuga nkoranyambaga twamaga bamwe bamufata nk’ushaka kumenyekana kurusha uko akora umuziki.

Kuri ubu Sunny yatangiye kugenda ahinyuza bamwe mu bamwibeshyagaho, yerekana ko intego ye ari ugukora umuziki by’umwuga.

Yamaze gushyira hanze indirimbo ye nshya yise “Waone” yakoranye na Aslay wo muri Tanzaniya uri mu bakunzwe muri iki gihe.

Iyi ndirimbo iri mu rurimi rw’Igiswahili ivuga ku rukundo, aho abo bahanzi bombi baba basabana guhana urukundo byimazeyo.

Iyi ndirimbo ije nyuma y’iyitwa “Property” abantu benshi bafashe nk’urwenya bitewe n’uburyo yayirimbye n’uko yitwara mu mashusho yayo.

Mbere yaho yari yakoze iyitwa “Kungola” yafatanyije na Bruce Melodie avuga ko yamutwaye amafaranga arenga miliyoni 30. Iyi ndirimbo yarakunzwe ndetse ifasha Sunny kumenyekana cyane.

Sunny yatangiye umuziki avuga ko akora akazi ko kumurika imideli muri Thailand gusa amaze iminsi aba muri Kenya aho ari kwibanda ku muziki we gusa.

Aslay wakoranye na Sunny ni umwe mu bahanzi bakiri bato bahagaze neza mu muziki wa Tanzaniya. Mbere y’uko atangira gukora umuziki ku giti cye yabaga mu itsinda rya Yamoto Band ryasenyutse mu 2017.

Sunny na Aslay bakoranye indirimbo

Reba indirimbo ya Sunny na Aslay "Waone"

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
NATASA 2019-08-27 14:33:38

DAMUKIRIZA LOLILO AMAKURU

2
Yves 2019-08-14 14:44:35

Ndishimye cyane kuko sunny ndamwemera

3
Kaguru Jonson 2019-08-14 14:13:44

big up Sunny, uyu mukobwa kwinjiza umuziki we ku rwego mpuzamahanga bizamworohera, azi icyongereza cyiza n’igiswahire icyo abahanzi bagenzi be bomu Rwanda byananiye

4
Kamanzi 2019-08-14 05:51:02

Uyu mwana ndabona ari kuzamuka neza muri muzika akora ibyo ashoboye kandi agashyiramo ubushake. Courage kbs

Kwamamaza