IGIHE

Oda Paccy yasubiye muri Hip Hop ahereye ku ndirimbo yise “Sibo”

1 11-09-2019 - saa 11:27, Nsengiyumva Emmy

Igihe cyari kibaye kinini abakunzi b’umuziki bibaza injyana yihariye y’umuhanzikazi Oda Paccy kuko yavangaga injyana, yagarutse mu yo yamenyekaniyemo ariyo Hip Hop, arahira kutazongera kuvanga ukundi.

Ibyo kongera kubyutsa injyana ya Hip Hop muri we, Oda Paccy yabitangarije IGIHE mu kiganiro kigufi twagiranye nyuma yo gushyira hanze indirimbo ye nshya “Sibo”. Yavuze ko yayikoze nk’intangiriro y’indirimbo nyinshi z’ubu bwoko yongeye gusubukura.

Ati "Nari maze umwaka mvangavanga injyana, Hari igihe nari narihaye ko ntazongera. Rero igihe ni iki, ndatangiye kandi sinzongera gusubira inyuma. Mfite indirimbo nyinshi za Hip Hop nshaka gushyira hanze, yaba ubu ndetse no mu gihe kiri imbere. Ndizeza abantu banjye ko bitazongera ukundi.”

Oda Paccy yatangaje ko nubwo yanyuzagamo agakora indirimbo zivangavanze injyana ariko nawe yari abizi ko injyana ye ari Hip Hop. Ati "Uyu niwe Oda Paccy, uyu niwe njye.”

Indirimbo ye nshya ivuga ku bantu bahora batega abandi imitego, bakishimira kubona ibibi ntibite ku byiza.

Indirimbo Oda Paccy yaherukaga gukora iri muri Hip Hop ni “Ibyatsi” yavuzweho byinshi inatuma yamburwa ubutore n’Umuyobozi w’Itorero ry’Igihugu.

Iyi ndirimbo "Sibo" yakorewe muri Empire Record, studio ya Paccy anabarizwamo nk’umuhanzi. Mu buryo bw’amajwi yakozwe na Junior Multisystem mu gihe amashusho yayo yo yafashwe akanatunganywa na Frank Wallet bose n’ubundi babarizwa muri Empire Record.

Oda Paccy yasubukuye gukora injyana ya Hip Hop nyuma y'igihe avangavanga injyana

REBA HANO INDIRIMBO NSHYA YA ODA PACCY YISE "SIBO"

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
louise 2019-09-11 09:42:25

ujye ubyina neza ntakwiyambika ubusa

Kwamamaza