Bob Marley agiye kwibukwa byihariye mu gitaramo kizabera muri Ambassador’s Park

1 8-05-2018 - saa 19:10, Dusabimana Aimable

Bob Marley wagize ibigwi bikomeye mu muziki wa Reggae agiye kwibukwa mu gitaramo gikomeye kizasusurutswa n’abahanzi batandukanye barimo na Natty Dread waririmbye ‘Hobe’ n’izindi ndirimbo zamenyekanye cyane.

Iki gitaramo kizaba ku wa Gatanu, tariki 11 Gicurasi 2018, cyatumiwemo abahanga mu muziki wa Reggae barimo Umudage witwa Andy, Natty Dread ndetse n’umuhungu we witwa Nesta wanyuze mu gisirikare cy’u Budage akaza kukivamo akiyegurira umuziki. Aba bazaba bari kumwe n’abandi ba -Rasta barimo Ajob Love na 21 Reagaman.

Umuyobozi wa Ambassador’s Park izakira iki gitaramo, Nzatunga Emmanuel, yabwiye IGIHE ko cyateguwe mu rwego rwo kongera guha icyubahiro Bob Marley ku munsi yatahiyeho, abakunze umuziki we bakamwibuka bamwizihiza.

Iki gitaramo cyo kwibuka Bob Markey kigiye kuba nyuma y’ikindi cya King James cyitabiriwe cyane ndetse abahasohokeye benshi bagatahana akanyamuneza ko gutaramirwa mu buryo bw’umwimerere.

Bo Marley ubusanzwe witwa Robert Nesta Marley, yavutse tariki ya 6 Gashyantare mu 1945 atabaruka ku ya 11 Gicurasi 1981 aguye mu Mujyi wa Miami muri Leta ya Florida. Hazacurangwa indirimbo ze zakanyujijeho.

Natty Dread ugiye gutaramana n’abakunda umuziki wa Reggae mu kwibuka Bob Marley yamenyekanye mu ndirimbo nka ‘Man with a mission’, ‘Holy Nation’, ‘Profit’, ‘Revolution’ n’izindi nyinshi.

Nzatunga yavuze ko undi mwihariko ari ibirori byagenewe abantu b’ingeri zitandukanye bihora muri Ambassador’s Park kuva ku wa Kabiri w’icyumweru kugeza ku Cyumweru. Ibi byiyongeraho ko abahasohokeye bakoresha WIFI ibaha internet y’ubuntu.

Ibikorwa by’iki cyumweru, kuri uyu wa Kabiri hari Karaoke aho abitabiriye basusurutswa n’umuhanzi Juliet naho ku wa Gatatu abahasohokeye bazataramana na Jane Uwimana; ku wa Kane hazerekanwa filime n’abahanzi gakondo, ku wa Gatandatu hazacuranga Seruka Band naho ku Cyumweru ni umunsi wihariye aho abana ari bo bazacurangirwa.

Ambassadors Park yateguriye umwihariko abahasohokera kuri uyu wa Kabiri ku ifunguro ryihariye ry’umusokoro naho ku wa Gatatu abahasohokera bashyiriweho agashya ko kugura Ambassadors Pizza ebyiri bakongezwa indi.

Bob Marley wagize ibigwi bikomeye mu muziki wa Reggae
Natty Dread agiye gutaramira muri Ambassador's Park hibukwa Bob Marley
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Mukunzi 2018-05-08 23:56:38

Ese kwibuka MOZE RADIO byahereyehe simperuka ba DJ Pius batokomboye ngo bagiye gutegura igitaramo cyo kumwibuka

Kwamamaza