IGIHE

Abasaga 400 batunguranye mu gushaka abanyamideli 10 bazitabira Kigali Fashion Week 2019 (Amafoto)

2 13-06-2019 - saa 21:12, Uwiduhaye Theos

Mu gushakisha abanyamideli icumi b’abanyarwanda bagomba kwitabira Kigali Fashion Week igiye kuba ku nshuro ya 10, abasaga 400 batunguranye muri iki gikorwa.

Iki gikorwa cyabaye kuri uyu wa Kane, muri Sports View Hotel iherereye ku Kicukiro mu Mujyi wa Kigali, aho abanyamideli batandukanye bo mu Rwanda bateraniye hamwe hashakishwa abazitabira igikorwa cya Kigali Fashion Week kizaba muri Nyakanga.

Iki gikorwa cyatangiye kuva saa yine za mu gitondo, gusa ubwitabire bwari hejuru cyane ndetse abanyamideli babarirwa muri 400 nibo bari baje.

Ibyagenderwagaho batoranya aba banyamideli harimo kuba azi gutambuka neza, afite n’indeshyo ihuye n’iyo abagize akanama nkemurampaka bateguye.

Akanama nkemurampaka kari kagizwe na Fridaus Muna ukorera ibikorwa bijyanye n’imideli muri Amerika, Umurundikazi witwa Erica Murekatete unashinzwe kuzakurikirana abanyamideli mu rwambariro, Michael Thayer usanzwe ahanga imideli na Kamanzi Gisele uri mu banyamigabane ba Kigali Fashion Week.

Umulisa Fiona Cécile ukuriye ‘Iby’iwacu’ yafashe inshingano zo gutegura iki gikorwa yavuze ko icy’uyu mwaka kirimo impinduka nyinshi ugereranyije n’indi myaka yatambutse.

Ati “Nta kindi ni uko dushaka kuzamura impano nyinshi ku bijyanye n’abamurika imideli n’abadoda imyenda, duhora tubona abanyamideli bamwe n’abayihanga bamwe. Twe twaribajije tuti ntabwo twabihindura kugira ngo n’abandi bamenyekane?, Nicyo tuzibandaho.”

Yakomeje avuga ko hari abantu benshi banyuze muri Kigali Fashion Week ubu bahagaze neza mu ruganda rw’imideli, bikaba ari ibyo kwishimirwa cyane kandi bigaragaza ko iki gikorwa gifite akamaro kanini mu bakora ibijyanye n’imideli.

Hateganyijwe ko hagomba gutoranywa abanyamideli 10 bo mu Rwanda n’abandi 15 bazaturuka hanze y’u Rwanda.

Ku wa 1 Nyakanga hazatoranywa abamurika imideli bo ku rwego mpuzamahanga.

Igikorwa cya Kigali Fashion Week izaba guhera ku wa 4-6 Nyakanga ku nshuro ya 10 ndetse abagiteguye bafunguye imiryango ku bashaka kwigaragaza muri uru ruganda rwo guhanga no kumurika imideli.

Iki gikorwa kizabera muri Kigali Serena Hotel ku wa 4 kugeza ku wa 6, kwinjira bizaba ari 15, 000 Frw ku muntu umwe na 25, 000 Frw ku bantu babiri.

Kuri iyi nshuro bizaba bitandukanye n’ibyabanje cyane ko ubu byamaze kujya mu maboko ya Sosiyete yitwa ‘Iby’iwacu’ ya Umulisa Fiona Cécile ikaba ariyo izabitegura ndetse ikanabikurikirana kuva bitangiye kugeza birangiye.

Abanyamideli babanzaga kwiyandikisha
Bitabiriye ku bwinshi
Abari bagize akanama nkemurampaka
Baganiraga bose batunguwe n'uburyo igikorwa cyitabiriwe ku bwinshi
Abakobwa b'ibizungerezi bafite uruti ruto bari babukereye
Buri wese yakoraga iyo bwabaga ngo yerekane ubuhanga bwe
Kimwe mu bigenderwaho mu gutoranya umunyamideli ni intambuko
Umulisa ukuriye 'Iby'iwacu ifite inshingano zo gutegura Kigali Fashion Week
Uko umunyamideli yagendaga byamuheshaga amanota
Umunyamideli yageraga imbere y'akanama nkemurampaka agatanga imyirondoro ye

Amafoto: Muhize Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Divin 2019-07-02 16:17:09

Abo bahisemo nabahe ??

2
kamanzi 2019-06-14 10:39:55

uwKUBWIR ko ynsBG nitike ya ka moto, yewe

Kwamamaza