IGIHE

Meddy agiye gushimira abakunzi be mu birori byiswe Sexy Melanin

4 10-01-2019 - saa 15:39, Muvunyi Arsène

Umuhanzi w’umunyarwanda uba muri Leta Zunze Ubumwe z’Amerika Ngabo Medard Jobert uzwi nka Meddy, azasabana n’abakunzi be mu birori byiswe Melanin Sexy Party bizabera muri Voltage Club yahoze hahoze hitwa K Club.

Hagiye gushira ibyumweru bitatu Meddy ukunzwe na benshi ari ku ivuko i Kigali, aho yitabiriye igitaramo cya East African Party cyabaye ku bunani.

Nyuma y’iki gitaramo ntabwo yakomeje kuvugwa mu bikorwa ibyo aribyo byose.

Uyu musore ukiri i Kigali n’umukunzi we bazanye, biteganyijwe ko kuri uyu wa Gatanu tariki ya 11 Mutarama 2019 azitabira ibirori byiswe Sexy Melanin bizabera muri Voltage Club, ahahoze K Club i Nyaruturama.

Mu kiganiro na IGIHE, Umuyobozi Ushinzwe Amasoko muri Voltage Club, Tugirimana Axel, yavuze ko Meddy azahura n’abakunzi be bagasangira, bakifotozanya akabashimira urukundo bamweretse mu gitaramo aheruka gukora.

Yagize ati “Kuwa Gatanu nibwo Meddy azashimira bakunzi be, azaba ari muri Voltage Club, bahure bifotozanye banishimane muri rusange.”

Hazaba hari aba-DJ batandukanye barimo DJ Diallo, DJ Jullz na DJ Yellow, bazaba bavanga imiziki.

Ibi birori bizatangira saa yine z’ijoro bigeze mu gitondo. Kwinjira ni amafaranga ibihumbi bitanu.

Meddy azashimira abakunzi be urukundo bamweretse
Ibirori byo gushimira abakunzi ba Meddy bizabera muri Voltage Club
Kwamamaza
Kwamamaza

Izindi nkuru wasoma

8 0 22-03-2019
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
np,] 2019-01-14 07:18:58

kl][;’

2
[email protected] 2019-01-11 23:44:36

Égide we wagabanyije ishyari?kwambara neza kuri wowe bivuga iki?Meddy Nina utamukunda wishaka impamvu zidafashe.ubwo ni amashyari.ariko abanyarwanda bizagenda bite???nyamara haje umuhanzi uturutse hanze mwamuha amashyi n’impundu naho yaba ameze gîte yambaye ibimeze gute CG se yaririmbye nabi.Mbega amashyari....yewe!!!

3
egide 2019-01-10 10:01:04

umutype yambara nabi mubuzima sindabona, yambara nk’umuyaya wahembwe, nka kariya gakapu aba akajyana hehe jesuuuuuuus

4
kk 2019-01-10 09:18:18

ubwose nugushimira abakunzi be cyangwa ahubwo nukubasahura. kwinjira nukwishyura amafaranga wese azabaha iki? muvuge muti azataramira mukabari abazinjira bazabungura 5000. yazaje akadushimira muri stade tukinjirira ubuntu se ko twamuhaye menshi

Kwamamaza