Healing Worship Team ivuye gutaramira muri Tanzania

1 2-05-2018 - saa 14:59, Sengurebe Joel

Itsinda ry’abaririmbyi bagize Healing Worship Team bavuye mu gihugu cya Tanzania gukora ivugabutumwa biciye mu ndirimbo zo kuramya no guhimbaza Imana.

Healing Worship Team yakoreye urugendo muri Tanzania mbere yo kumurika album y’amashusho yise "Mwami icyo wavuze”. Muri Tanzania bakoreye igitaramo mu Mujyi wa Geita uri mu Majyaruguru y’igihugu, umuziki w’aba bahanzi womoye imitima ya benshi ndetse bamwe bakira agakiza.

Abaririmbyi ba Healing Worship Team berekeje muri Tanzania mu ijoro ryo kuwa Gatandatu tariki ya 28 Mata 2018 bagaruka i Kigali kuwa Mbere tariki ya 30 Mata 2018.

Iminsi aba bahanzi bamaze muri Tanzania bagiranye ibihe byiza n’abakunzi babo ndetse by’umwihariko batunguwe no gusanga ibihangano byabo byose byaramaze gucengera mu bakunda umuziki uhimbaza Imana muri iki gihugu.

Mu ivugabutumwa abagize Healing Worship Team bakoreye mu Mujyi wa Geita ryasize abantu barenga ijana bakiriye agakiza bava mu byaha.

Uburyo iri tsinda rikunzwemo mu Rwanda byarenze imipaka ku bw’ibihangano byabo byacengeye by’umwihariko muri Afurika y’Uburasirazuba ahiganje abavuga indimi Healing Worship Team iririmbamo.

Muhoza Budete Kibonke, Umuyobozi w’amajwi muri Healing Worship Team yabwiye IGIHE ko igitaramo cyabo cyitabiriwe n’abantu barenga gato ibihumbi bibiri. Yavuze ko basigaranye ishimwe rikomeye ku bw’imirimo Imana yabakoresheje mu gihe bamaze muri Tanzania.

Yagize ati “Ubundi uru rugendo rw’ivugaubutumwa twari twatumiwe na korali yo muri iki gihugu yitwa Mapambano yari ifite igiterane cy’ivugabutumwa ryasojwe no kumurika Album yacu ya kane. Twagiranye ibihe byiza n’abantu baho, icyadutangaje ni uburyo indirimbo zacu twasanze bazizi ku buryo badufashaga kuririmba n’iz’Ikinyarwanda birangira abantu basubijwemo imbaraga abasaga 100 bakira agakiza."

Abagize Healing Worship Team bashimishije benshi muri iki gitaramo

Uyu muyobozi yakomeje avuga ko iki giterane bitabiriye muri Tanzania kibimburiye ibindi bitandukanye Healing Worship Team ifite muri uyu mwaka mu bihugu bya Afuruka y’Uburasirazuba birimo u Rwanda ,Kenya, Tanzania na RDC.

Yagize ati “Healing Worship Team ubu turi mu bitaramo bizenguruka kuko ubu nyuma y’iki twakoreye muri Tanzania kuwa 24 Nyakanga 2018 twateguye ikindi gitaramo gikomeye cyo kumurika Album yacu y’amashusho twise "Mwami icyo wavuze" , iki kizabera muri Camp Kigali ,nyuma ku itariki ya ya 29 Nyakanga dufite ikindi gikomeye cyitwa Shikilia Pendo la Yesu kizabera i Nairobi muri Kenya.”

Healing Worship Team ikorera umurimo w’Imana mu Itorero Power of Player Church, yatangiye umurimo w’Imana mu mwaka wa 2008 . yatangijwe n’abaririmbyi umunani ndetse bigaga mu mashuri abanza icyo gihe. Uko imyaka yagiye ishira niko Healing Worship Team yagiye yaguka ubu ikaba ifite abaririmbyi 51.

Yatangiye iririmba indirimbo z’abandi ariko ubu ikaba iririmba izayo ndetse imaze kugira izisaga ijana zibumbiye kuri Album eshatu n’inshyashya ya kane bitegura mu gitaramo gikomeye kizabera Camp Kigali kuwa 24 Nyakanga 2018.

Healing Worship Team yarishimiwe cyane
N'abatavuga Ikinyarwanda bafashijwe n'indirimbo za Healing Worship Team
Iki gitaramo cyabereye mu Mujyi wa Geita
Igitaramo cya Healing Worship Team muri Geita cyitabiriwe na benshi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
muhoza 2018-05-02 16:14:15

byagenze Neza rwose

Kwamamaza