Uwoya n’umugabo we batinye kuguma mu nzu babanagamo n’inshuti yabo yapfuye

1 1-05-2018 - saa 16:10, IGIHE

Umunyamideli ukomeye muri Tanzania Agnes Gerald [Masogange], yitabye Imana ku itariki ya 20 Mata 2018, yashyinguwe kuwa wa Mbere tariki ya 23 Mata 2018 iwabo mu cyaro ahitwa Utengule mu Ntara ya Mbeya ahari abantu amagana biganjemo abo mu gace avukamo.

Urupfu rwa Masogange rwasize benshi mu gahinda by’umwihariko abakinnyi ba filime n’abakobwa bagenzi be bafatanyaga mu mwuga wo kwigaragaza mu mashusho y’indirimbo[video vixen].

Irene Uwoya yakoze umwihariko mu kwibuka iyi nshuti ye. Yishyizeho ibishushanyo birimo amazina ya Agnes [Masogange] nk’ikimenyetso kizajya kimwibutsa iteka ko ‘yari inshuti idasanzwe’.

Ikinyamakuru Risaji Jumamosi cyatangaje ko Irene Uwoya n’umugabo we Abdul Chende ‘Dogo Janja’ bagize ubwoba bwo kuguma mu nzu babanagamo na nyakwigendera Agness Gerald ‘Masogange’.

Dogo Janja yavuze ko we n’umugore we bafashe umwanzuro wo kwimuka bakava muri iyi nzu iri mu gace kitwa Makongo Juu mu Mujyi wa Dar es Salaam kuko ngo batazigera babona amahoro.

Yagize ati “Mu by’ukuri njye n’umugore wanjye ntabwo twabasha gukomeza kuba muri Makongo Juu muri iriya nzu kuko iwacu hazajya hahora amarira. Masogange yari umuntu wacu wa hafi, twakoranaga ibintu byinshi turi kumwe. Ikindi kandi umugore wanjye yazahorana agahinda turamutse tugumye muri iriya nzu.”

Irene Uwoya n'umugabo we bahise bimuka mu nzu babanagamo na Masogange wapfuye

Uyu mugore ntiyigeze agaragaza agahinda kuri uru rwego igihe Katauti wahoze ari umugabo we apfa ndetse nta magambo akomeye yamuvuzeho nk’ayo yavuze kuri Masogange yemeza ko ‘yari inshuti ye ikomeye azibuka ibihe byose’.

Masogange yari umunyamideli uzwi cyane muri Afurika y’Uburasirazuba, yavutse ku itariki ya 8 Nzeri 1989. Yari umwe mu bakobwa b’ikimero bakoresha imbuga nkoranyambaga akabifatanya no kujya mu mashusho y’indirimbo z’abahanzi. Yanabiherewe ibihembo bikomeye nka Best Tanzanian Video Vixen mu 2009, 2011 na 2012.

Irene Uwoya yari inshuti magara ya Masogange uherutse kwitaba Imana
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Bamaso 2018-05-01 16:18:13

Wagirango ni akana ke akikiye.

Kwamamaza