Urban Boyz yatangiye kuzamura impano z’abahanzi bashya mu muziki

10 15-05-2018 - saa 10:08, Dusabimana Aimable

Itsinda Urban Boyz riherutse gufungura inzu itunganya umuziki yatangiye gushakisha abanyempano bazatorwamo batatu bagahabwa amahirwe yo kwigaragaza binyuze mu gukorerwa ibihangano no kubimenyekanisha.

Urban Boyz igizwe na Humble Jizzo na Nizzo yatashye inzu nshya yabo ya muzika mu byumweru bibiri bishize itangira gukorera i Nyamirambo ahegeranye n’ishuri rya Kivugiza.

Humble Jizzo yabwiye IGIHE ko batangije uburyo bushya bwo kuzamura abiyumvamo impano yo kuririmba binyuze muri Urban Records ndetse mu bazafashwa hakazavamo umwe ubona amahirwe yo gukorana na yo mu gihe kingana n’umwaka wose.

Yagize ati “Ni irushanwa rya Urban Records. Twaritangije mu rwego rwo gufasha no kumenyekanisha impano. Mu baziyandikisha tuzatoramo abantu batatu n’abaririmba nk’itsinda bemerewe kwiyandikisha. Abazatsinda ni batatu, ni bo tuzahemba.”

Yavuze ko mu banyempano batatu bazatoranywa nk’abatsinze, uwa mbere azabona amahirwe yo gukorana na Urban Records mu gihe kingana n’umwaka agakorerwa nk’undi muhanzi label yakorana na we bivuze ko ashobora gukorerwa album yuzuye ndetse akamenyekanishirizwa ibihangano mu buryo bwagutse.

Umuhanzi uzaba uwa kabiri muri iryo rushanwa we azakorerwa indirimbo ebyiri ndetse afashwe mu kuzimenyekanisha mu bitangazamakuru binyuranye. Uwa gatatu azakorerwa indirimbo imwe muri Urban Records.

Humble Jizzo yavuze ko kwiyandikisha ku munyempano ushaka kwinjira muri iryo rushanwa bisaba kuba afite impano yo kuririmba, afite ibimuranga, azi kwandika no gusoma ndetse ari Umunyarwanda.

Yongeyeho ko bashyizeho uwiyandikisha yitwaza 20,000 Frw bakaba barashyizeho ubwo buryo kuko bifuza abanyempano ariko kandi bafite gahunda ihamye “kugira uwiyandikishije abe azi ko hari intambwe yateye kugira ngo ibyo akora abihe agaciro” cyane ko uwinjiye muri iryo higanwa ahita aninjira muri studio agafatwa amajwi.

Abarushanwa bazajya biyandikisha hanyuma bafate amajwi y’igitero n’inyirikizo mu njyana zateguwe haba Hip Hop, R&B na Afrobeat. Yavuze ko mu gutoranya uwatsinze bazashyiraho itsinda ry’abatanga amanota mu nararibonye mu muziki n’itangazamakuru.

Kwiyandikisha no kurushanwa byatangiye kuri uyu wa Mbere, tariki ya 14 bizarangira ku ya 27 Gicurasi 2018 hanyuma ku ya 30 hatangazwe abatsinze ariko kuri uwo munsi wa nyuma abanyuze mu irushanwa bose bazaba bahari.

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Sky-b 2018-06-01 07:11:51

None nge nakiyandikisha cute mwaamfasha

2
uwizeyimana flora 2018-05-17 05:35:16

ndabemera cyane kandi mukomereze aho ndabakunda cyaneeeeeee kd ndabashyigikiye

3
Biramahire Dodos 2018-05-17 04:36:45

hahaha, Ariko jye sinari nzi ko umuntu nka Humble wize yajya mu bintu nk’ibi kabisa! ngo kwiyandikisha abantu babanze batange 20000? Ni igitabo cy’isoko se uguze , bityo akaba adasubizwa? Ubundi ninde uyobewe ko gukoresha indirimbo ari 20000 nubundi, umuntu atarinze kuyatanga ngo ajye no kubihatanira? Mureke kwiba abanyarwanda mwa basore mwe

4
Murego Issa 2018-05-17 01:30:28

Ariko abantu barantangaza kabisa, barazamura impano z’abandi, bo barazifite? Barifuza ko uwiyandikisha abazi azi gusoma, Nizzo we abizi ku ruhe rugero? Ubundi nimuvugishe ukuri ko mwishakira amafaranga, ibindi mubireke! Ni gute se irushanwa ryategurwa, mugasaba amafaranga, ariko ntimwerekane aba judges, mukavuga ko muzabahita mo nyuma? Ubundi se muravuga ngo muzakora promotion z’ibihangano, ibyanyu byo birazwi bihagije? Mureke kwiba abantu rwose mwiyubahe

5
MUKUNZI JEAN CLAUDE 2018-05-16 06:44:27

NDABEMERA MURI ABAGACIRO KBS NIBYIZA GUTEKEREZA GUTYO. NEVER GIVE UP

6
Nisu 2018-05-16 04:54:52

Kwiyandikisha bizabera hehe s?

7
Xx 2018-05-16 01:36:02

Bazamura impano zabandi nabo ubwabo ntazo bifitiye.....😂

8
Witty Jackson 2018-05-15 13:19:23

Courage @urban boyz keep it up

9
Etienne Bugingo Bolingo 2018-05-15 13:10:54

Okay!Urban Boys bavuzeko bashaka abantu bafite impano yo kurimba ese uwaba afite iyo gucuranga piano kdi neza?

10
Nzaramyimana Ferdinand 2018-05-15 09:40:44

Erega abantu nabo bamenyako inyuma harabandi bashaka kuzamuka batirata good luck basaza

Kwamamaza