IGIHE

Umwe mu bagize itsinda rya Major Lazer yatumiwe mu iserukiramuco rizabera mu Rwanda

0 3-06-2019 - saa 10:18, Uwiduhaye Theos

Umu-Dj witwa Walshy Fire uri mu bagize itsinda ryo muri Leta Zunze Ubumwe za Amerika rigizwe n’abasore batatu rizwi nka ‘Major Lazer’ yatumiwe mu iserukiramuco rizabera mu Karere ka Rubavu mu mpera za Kamena.

Iri serukiramuco uyu musore yatumiwemo ryiswe ‘Sunset Music Fest’ rizaba ku wa 29 na 30 Kamena 2019, mu Mujyi wa Rubavu.

Bruce Twagira uri gutegura iri serukiramuco yabwiye IGIHE ko batangije iri serukiramuco mu rwego rwo guteza imbere Ikiyaga cya Kivu nk’ahantu nyaburanga abantu benshi bakwiriye kujya basohokera.

Ati “Twatangije iserukiramuco ryitwa Kivu Sunset Music Fest mu rwego rwo guteza imbere i Kivu nk’ahantu nyaburanga dore ko ibitaramo byinshi byibanda muri Kigali kandi dufite ahantu henshi nyaburanga twakorera ibitaramo abantu bakarushaho kwishima no kuruhuka mu mutwe.”

Yakomeje avuga ko uyu mwaka iri serukiramuco rizibanda cyane ku bavanga imiziki, bazaba bakuriwe na Walshy Fire wo mu itsinda rya Major Lazor ndetse hakaza na Fully Focus uzaba aturutse muri Leta Zunze Ubumwe za Amerika.

Twagira ati “Uyu mwaka twahisemo kuzana Aba Djs bakomeye ariko umwaka utaha tuzongeramo n’abahanzi.”

Uretse aba ba-Djs bo hanze y’u Rwanda muri iri serukiramuco hazaba harimo nabo mu Rwanda nka Dj Toxxyk , Dj K’ru , Dj Marnaud, Dj Miller, Dj Lou, Seleckta Copain , Dj Julzz , Dj Elie, Dj Pyfo hamwe na Dj Tyga.

Ibindi bikorwa bizabera muri iri serukiramuco birimo ibya siporo cyane cyane nka Beach Fitness izaba ibaye bwa mbere mu Rwanda abantu bazakorera siporo ku mucanga hamwe n’umutoza ubizobereye umaze no kumenyakana witwa Bojhak, hazaba na Beach volleyball, Jet skying, Swimming n’indi mikino myinshi.

Walshy ari mu ba-Djs bakomeye ku Isi
Walshy Fire yatumiwe mu iserukiramuco rigiye kubera mu Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza