Perezida Magufuli yarize mu gusezera umurambo w’umunyarwenya King Majuto(Amafoto)

4 10-08-2018 - saa 09:31, IGIHE

Umurambo w’umunyarwenya wakunzwe cyane muri Tanzania, King Majuto wasezeweho bwa nyuma i Dar es Salaam ku wa Kane tariki ya 9 Kanama 2018, mu bamuhaye icyubahiro harimo abahanzi bakomeye na Perezida Magufuli.

King Majuto yitabye Imana mu ijoro ryo ku wa Gatatu tariki ya 8 Kanama 2018 ahagana saa munani z’ijoro, yazize kanseri yamufashe mu bugabo.

Uyu munyarwenya ubusanzwe witwa Amri Athuman, yaguye aho yari amaze iminsi mike arwariye mu Bitaro by’igihugu bya Muhimbili biri mu Mujyi wa Dar es Salaam.

Yasezeweho bwa nyuma mu muhango wabereye ahitwa Karimjee mu Mujyi wa Dar es Salaam. Mu bamusezeye harimo Perezida wa Tanzania John Pombe Magufuli, Jakaya Mrisho Kikwete wahoze ayobora Tanzania, abayobozi bakomeye muri CCM, Umuyobozi w’Intara ya Dar es Salaam Paul Makonda, abayobozi muri Minisiteri y’Umuco n’ubuhanzi n’abandi batandukanye.

Mu guha icyubahiro umurambo wa King Majuto, Perezida Magufuli yagaragaje akababaro gakomeye ndetse ubwo yari amaze gusezera yakuyemo amataratara afata igitambaro yihanagura amarira ubundi asohoka mu cyumba cyabereyemo uyu muhango.

Perezida Magufuli ari mu bakundaga mu buryo bukomeye urwenya, ni na we wamushakiye amafaranga yo kujya kwivuza mu Buhinde mu mwaka washize ubwo yari atangiye kuremba. Uyu muyobozi yasuye Majuto mu bitaro mu bihe bitandukanye.

Mu bahanzi b’ibyamamare mu muziki na sinema bagaragaye muri uyu muhango, harimo Wema Sepetu, Salma Jabu ‘Nisha’, Steve Nyerere, Diamond Platnumz, Ray, Shamsa Ford, Rich Mavoko, Rommy Jones n’abandi.

Mu ijoro ryo kuri uyu wa Kane, umurambo wa Majuto wajyanwe iwabo aho avuka muri Tanga ari naho agomba gushyingurwa kuri uyu wa Gatanu tariki ya 10 Kanama 2018.

Magufuli yakundaga mu buryo bukomeye King Majuto
Perezida John Magufuli ubwo yasezeraga umurambo wa Majuto
Umuyobozi w'Intara ya Dar es Salaam, Paul Makonda
John Magufuli na Kikwete bahuriye muri uyu muhango
Jakaya Kikwete wahoze ayobora Tanzania ubwo yasezeraga umurambo wa Majuto
Jakaya Kikwete yihanganishije umugore wa King Majuto
Umwe mu bayobozi bakomeye muri Chama Cha Mapinduzi CCM, Humphrey Polepole
Umugore wa King Majuto, Aisha Yusuf[hagati] asigaye mu gahinda
Diamond Platnumz ari mu bari bateruye umurambo wa King Majuto
Wema Sepetu yaherekeje Majuto
Umukinnyi wa filime Salma Jabu ‘Nisha’ yarize mu buryo bukomeye
Umurambo wa King Majuto wagejejwe iwabo muri Tanga
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Gakwaya Jclaude 2018-08-10 06:52:04

Imana imwakire mubayo kuko agiye tukimukeneye yari umugabo w,intangarugero mu by,urwenya by,umwihariko.

2
Gakwaya Jclaude 2018-08-10 06:51:26

Imana imwakire mubayo kuko agiye tukimukeneye yari umugabo w,intangarugero mu by,urwenya by,umwihariko.

3
Gakwaya J Claude 2018-08-10 06:46:46

Imana imwakire mu bayo kuko twamukundaga

4
Denys 2018-08-10 04:28:05

Nyagasani akomeze arinde umuryango asize naho umusaza aruhukire mumahoro. Abamuzi ndahamyako abenshi bamukundaga cyibaye twese twagendaga nkawe.

Kwamamaza