IGIHE

Umunya-Nigeria Maleek Berry agiye gutaramira i Kigali

1 28-05-2019 - saa 15:14, Uwiduhaye Theos

Umunya-Nigeria, Maleek Shoyebi, wamamaye mu muziki nka Maleek Berry, yatumiwe mu Rwanda mu gitaramo gikomeye kizaba mu mpeshyi cyiswe ‘Sounds of Summer’.

Iki gitaramo kizaba ku wa 28 Kamena 2019 mu Intare Conference Arena. Maleek Berry yagitumiwemo nk’umuhanzi w’imena. Kugeza ubu ibijyanye n’ibiciro ntabwo biratangazwa.

Maleek Berry ugiye kwitabira iki gitaramo ni umwe mu bafite izina rikomeye mu muziki wo muri Nigeria, uretse kuba umuhanzi ni n’umwe mu batunganya indirimbo.

Uyu musore w’imyaka 31, yavukiye mu Majyepfo y’Umujyi wa Londres mu Bwongereza ku wa 11 Kanama 1981.

Yatangiye gukora umuziki guhera mu 2007. Akora injyana zitandukanye zirimo Afro pop, Hip hop, Afrobeats, R&B na Pop.

Maleek Berry yamamaye mu ndirimbo zitandukanye nka ‘Been Calling’, ‘Love u Long Time’ yahuriyemo na Chip, ‘Let Me Know’, ‘Doing U’, ‘Kontrol’ n’izindi.

Entertainment Factory KGL igiye kuzana uyu muhanzi mu Rwanda, iherutse kuvuga ko ishaka kongera uburyo bwo kuryoherwa ku bakunda ibirori no kubahangamo ibyiyumviro bishya.

Iyi kompanyi ni nayo iherutse kuzana Burna Boy mu gitaramo aherutse gukorera mu Rwanda ku wa 23 Werurwe 2019 nacyo cyabereye mu Intare Conference Arena i Rusororo. Iki gitaramo kiri imbere mu kwitabirwa mu bindi bimaze kuba uyu mwaka.

Maleek Berry ategerejwe i Kigali mu gitaramo cyo ku wa 28 Kamena 2019
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Xxx 2019-05-28 08:54:10

Azayishobora se? Kuyitamira!

Kwamamaza