IGIHE

Shaddy Boo ni nka mushiki wanjye- Diamond Platnumz

7 16-08-2019 - saa 12:40, Uwiduhaye Theos

Naseeb Abdul Juma [Diamond] uri mu Rwanda, yasobanuye byinshi ku mubano wavuzwe hagati ye na Mbabazi Shadia umaze kuba icyamamare ku mbuga nkoranyambaga mu Rwanda nka Shaddy Boo.

Uyu muhanzi wo muri Tanzania yageze mu Rwanda mu gitondo cyo kuri uyu wa Gatanu, ahita akorana ikiganiro n’itangazamakuru.

Mu bibazo bitandukanye yabajijwe hajemo n’ikijyanye n’umubano wihariye afitanye na Shaddy Boo, mu gusubiza avuga ko amufata nka mushiki we, yamenyeye kuri Instagram bahujwe n’umwe mu bajyanama be witwa Babu Tale.

Ati “Shaddy Boo ni nka mushiki wanjye. Ni umukobwa w’icyamamare namumenyeye ku mbuga nkoranyambaga tuza guhurira mu gitaramo bigizwemo uruhare n’umujyanama wanjye Babu Tale.”

Umubano wa Diamond na Shaddy Boo watangiye ubwo uyu muhanzi yataramiraga i Kigali bwa mbere ku itariki 1 Mutarama 2015, mu birori bya East African Party. Yari yahageze mu minsi ya nyuma y’umwaka wa 2014 ahakorera igitaramo cyatumye akurirwa ingofero mu Rwanda.

Ubwo yuzuzaga imyaka 28 tariki 2 Ukwakira 2017, mu birori bitandukanye yagiye akora Shaddy Boo yari mu bahawe ubutumire na Diamond yekerekeza muri Tanzania kwitabira ibirori by’isabukuru ye.

Muri Nzeri umwaka ushize Diamond yongeye gushimangira umubano wihariye we na Shaddy Boo ubwo yamutumiraga mu birori yari yateguye by’amarushanwa yo kubyina neza indirimbo ye yari igezweho yitwa ’Jibebe’.

Icyo gihe byakuruye inkuru nyinshi muri Tanzania no mu Rwanda bavuga ko hari ikindi cyaba cyihishe inyuma y’umubano wabo ariko Shaddy Boo icyo gihe yabwiye itangazamakuru ryo muri Tanzania ko nta kidasanzwe kiri hagati ye na Diamond ndetse ahakana n’amakuru yavugaga ko ari inshoreke ye.

Shaddy Boo na Diamond bafitanye ubumwe ndetse ngo bagiye bagirana ibihe byiza mu gihe uyu muhanzi yabaga yaje mu Rwanda n'ubwo bose nta n'umwe ubyemera
Diamond yahakanye ibyo gutandukana kwe na Harmonize uri mu banyempano yazamuye
Abanyamakuru bakorera ibitangazamakuru bitandukanye bari bakubise baruzura
Diamond yari arinzwe n'abasore b'inkorokoro ubwo yari ageze aho ikiganiro n'itangazamakuru cyabereye
Iyi niyo saha Diamond yari yambaye mu kiganiro n'itangazamakuru
Diamond mu ifoto y'urwibutso n'abaterankunga b'iki gitaramo. Ibumoso ni Amb. Habineza Joseph ukiriye Radiant Yacu
Diamond yifotozanya n'Umuyobozi muri Banki ya Kigali ushinzwe kumenyekanisha ibikorwa, Thierry Nshuti, nka bamwe mu baterankunga b'iri serukiramuco uyu muhanzi yitabiriye

Amafoto: Niyonzima Moise

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
uwase annette 2019-09-03 08:33:40

kbx diamond arankosora 2 gs byari byiz nabaho ubund

2
ntabana Jean 2019-08-18 01:36:36

bariya barinzi buriya isasu rivuze baguruka mbere. Harinda imana.
harigihe umubyeyi upfusha umwana yitwa ko ariho, shaddyboo niko byamugendekeye ariko kubera ubusambanyi nirari bya benshi bamushimagiza ngo ni urugero rwiza

3
Leo 2019-08-16 17:41:14

Yabababbabababaaba Mbega aba Bodyguard barashe hasi !! Ubwo se biyambikaga nk abasirikare bashaka kwerekana iki???

4
Nduwumwe 2019-08-16 14:15:05

Ariko uyu mukobwa, nako umugore nta babyeyi agira ngo bamubuze kwiyandarika kuriya? Uyu mugabo ubwo atangiye avuga uwo Shadyboo, ubwo yarambiwe wa umukobwa w’abandi yateye inda, aje no kuyitera abo mu Rwanda. Ariko n’akumiro, ni n’agahinda. Ese iriya securite yose n’iyiki?

5
Famic 2019-08-16 12:02:48

hahahahahahahhah Bodygard ziragwiraaaaaaaaaaaaaaaaaaaaaaaaaaaaaaaaaaaaaaaaaa

6
kamanzi 2019-08-16 08:52:21

Aba STARS n’inkumi,wagirango ni itegeko.Biraborohera kuko abakobwa benshi bakeka ko umu STAR aba ari umuntu udasanzwe.Bigatuma abakobwa bishyira abahungu,bakaryamana.Nubwo benshi mubyita ngo" bari mu rukundo",ntabwo ari byo kuko iyo amaze kuguhaga,araguta agafata undi.Ibyo se nibyo mwita urukundo?Ikirenze ibyo,bibabaza imana yacu itubuza gusambana.Yaduhaye sex kugirango twishimane gusa n’umuntu tuzarongorana officially.Soma Imigani 5,imirongo 15-20.Abantu bose bakora ibyo imana itubuza,ntabwo bazaba muli paradizo nkuko 1 Abakorinto 6,imirongo ya 9 na 10 havuga.Ntacyo bimaze kwishimisha mu nkumi,hanyuma mwembi mukazabura ubuzima bw’iteka muli paradizo.Abantu bumvira imana,nubwo nabo bapfa,bazazuka ku munsi w’imperuka nkuko bible ivuga.

7
che 2019-08-16 07:05:09

mbega security y’igikabyo wee.

Kwamamaza