“Ni bo badafite umuco”, Asinah asubiza abamwandagaje

13 11-07-2018 - saa 12:54, Dusabimana Aimable

Asinah Erra yongeye kugaruka mu mitwe ya benshi mu bakoresha imbuga nkoranyambaga biturutse ku buryo aherutse gutaramira i Nyabugogo agaragara bamwe bagakeka ko yabaririmbiye yambaye ubusa.

Uyu muhanzi ubusanzwe witwa Mukasine Asinah yahundagajweho ibitutsi na bamwe mu batanze ibitekerezo ku rubuga rwa Instagram aho yashyize amafoto yerekana uko byari byifashe mu gitaramo yakoreye mu kabari ka Top Chef gashyuha cyane i Nyabugogo.

Bamwe bavuze ko uko yari yambaye bitamwubahisha abandi bamwibasira bavuga ko yari yambaye ubusa ariko we ashimangira ko afite amahitamo asesuye yo kuririmba yambaye bimufasha gushimisha abafana kuko ‘nubwo hari ababinenga hari n’ababishima.’

Asinah yabwiye IGIHE ko muri icyo gitaramo yakoranye na MC Tino yari yambaye kandi yikwije. Yavuze ko abakwirakwije impuha z’uko ‘yaririmbye yambaye ubusa ndetse yishushanyijeho ibishushanyo by’umukara ku nda batamwitegereje neza.’

Yagize ati “Icyo nabivugaho ni uko barebye nabi, sinzi ukuntu barebaga bakabona ni nk’aho ngo nambaye ubusa, ngo nishishanyijeho amatatuwaji. Kariya ni akenda nari nambaye biranagaragara, ahubwo ubundi ushaka kugutuka ntabura aho agufatira ariko urebye uriya mubiri ni uw’abazungu.”

Yongeyeho ati “N’iyo naba nambaye ubusa uwanjye [umubiri] ntiwaba usa kuriya kuko wo urirabura, ahubwo kubera kari gafashe ku mubiri kanyegereye ubwo abarebaga ntumbaze uburyo babibonaga, babonye ko nari nambaye ngo ubusa ariko ntabwo ari ko byari bimeze.”

Aririmbira, benshi mu bamurebaga bamuryaniye inzara bibaza ku mwenda yari yambaye. Abari bicaye kure wasangaga bavugira mu matamatama ko ashobora kuba atambaye mu gihe abari bamaze gucengerwa na manyinya bo batashye bazi ko bataramiwe n’umukobwa wambaye ubusa.

Asinah avuga ko niba yambaye umwenda mugufi ari ko aba yateguye urubyiniro bitewe n’uko uri bumufashe kubyina ntuze kumutega mu buryo aba ashaka gushimisha abantu. Yemeza ko adashobora kuririmba yambaye ibiri bumubangamire kwitwara uko abyifuza.

Ati “Ikintu uba wambaye ku rubyiniro amahitamo yacyo aterwa nawe, hari uvuga ati ‘Njyewe najyayo nambaye umushanana,’ akabishobora. Njye ntabyo nashobora, naba nkubeshye. Hari n’ujyayo yambaye wenda ‘pacanga’ ariko ntabwo njyewe nayishobora. Byose biterwa n’uburyo urubyiniro urufata n’agaciro ubiha kandi ntabwo twese dutekereza kimwe, ntitunakunda ibintu kimwe. Ni amahitamo.”

Abatukana nibo badafite umuco

Uyu muhanzikazi asubiza abamututse bakamwandagaza ku mbuga nkoranyambaga bamushinja kwica umuco yavuze ko ari bo badafite umuco n’ikinyabupfura kuko n’unenga hari uburyo anengamo bitari ugutukana bya gishumba.

Ati “Gutukana ntabwo ari umuco mwiza, ujya ku rubuga akantuka yagaya imyambarire yanjye, ubwo se ahubwo uba ugaragaye cyane ni inde? Uwo na we nta muco n’ikinyabupfura agira. Niba nanjye nshobora kumuha impamvu nkavuga nti nambaye gutyo.”

Induru bamwe bayihaye umunwa bakimukubita amaso bazi ko yambaye ubusa

Yongeyeho ati “Mba mfite uwabishimye n’uwabigaye. Ibyo ntibyabura kuko ntabwo njyewe mbereyeho gushimisha abantu bose, ariko uwo we no kumurega namurega kuba yantutse, byongeye ku rubuga rwanjye! Ntabwo aba agomba kujyaho ngo antuke, njyewe mba mfite n’uburenganzira bwo kuba namurega kandi we agahanwa ariko njyewe ku rubyiniro ntabwo buriya ari ubusa nari nambaye.”

Asinah Erra yinjiye mu muziki mu ntangiriro za 2016, icyo gihe abenshi bahise bibaza ikibimuteye gusa we yasubizaga ko yiyumvamo ubuhanzi. Kugeza ubu amaze gukora indirimbo zitandukanye zirimo iyo yahereyeho yitwa “Izubu,” “Do It,” n’izindi. Muri iki gihe ari gutegura umushinga w’izo yakoranye na Prezzo wo muri Kenya ndetse na Jay Polly.

Yibanda cyane ku ndirimbo zikoze mu njyana ya Dancehall, ni na we mukobwa wenyine mu Rwanda winjiye mu muziki akiyegurira uw’ubu bwoko umenyerewe cyane mu bihugu bya Amerika y’Amajyepfo na bike muri Afurika.

Asinah yatumye benshi bakeka ko yaje yambaye ubusa mu gitaramo aheruka gukorera mu kabari i Nyabugogo
Abari bicaye inyuma muri aka kabari bavuzaga induru bakeka ko barimo gutaramana n'umuhanzi wambaye ubusa
Asinah yatutswe aryozwa uyu mwambaro yajyanye mu gitaramo i Nyabugogo

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Becky 2018-07-18 06:44:48

umva ibyo nibyo kudusebya nkatwe abari b’U Rwanda

2
My girl 2018-07-12 11:10:21

Va, ska varje människa klä sig i sin “yrkesroll†även på fritiden? Och inte ha rätt att välja musik kultur osv osv enligt egen smak.

3
kayihura.eric 2018-07-11 22:02:09

Andika wamukobwa urakwiye amasengesho gaciro birigwa bavuga mbese woe ubitaho wagiye wambara ukikwiza ukontawukeneye ubwobusa bwawe

4
Daniel 2018-07-11 17:29:58

Nuburenganzira bwumuntu kwambara uko ashaka. kurinjye rero ndabona ntakibazo kibirimwo.
Cyane ko hari nabayobozi bomunzego zohejuru bambara batikwije, kandi aribo bakagombye kuba intanga rugero. kuruwo mukobwa rero ndumva ntakibazo cyirimwo cyane ko afite abo abikuraho. Murakoze

5
Eric 2018-07-11 15:56:17

Tujye tugira gusobanukirwa no kwihanganirana, abatukanye bose ubakoze ho ubushakashatsi wabona aho bavuka, imikurire n’indero. Ariko, icyo njye nemeza, nuko buri murimo nigikoresho kiwukwiye, buri mwuga nawo ugira imyambaro yawo, uwakwambara cravate akajya guhinga byaba ikibazo, ninkumusirikare wajya kurugamba yambaye imyenda yabaforomo. Uwo muhanzi, yari yambaye ibigendanye n’umwuga wowe kandi mugihe cy’akazi. Ahubwo ... twihanganorane... ibyo udasobanukiwe ntibigatume utukana. Ibitutsi nikimenyetso cy’ubujiji.

6
Muzungu 2018-07-11 14:21:39

ESE ubundi arerekana iki ko mbona taille yiwe ikocamye ukuntu

7
Costo mn 2018-07-11 10:28:31

you wandika ibi urananiwe kbs guyz tur 2018 you need to stop dis nonsense her choice her lf go higher baby girl

8
kkl 2018-07-11 09:53:17

Birababaje ikindi hari imibyinire yateye aho usanga umukobwa aryama umuhungu akamujya hejuru cyangwa akamuturuka inyuma nk’aho bari mu cyumba cyabo ababizi bansobanurira niba ari ukubyina cyangwa sex

9
nm 2018-07-11 09:47:56

Mbega umukobwa mwiza ariko wataye umuco. Ngo "nubwo hari ababinenga hari n’ababishima". Ababishima birumvikana ko ari abatekereza nkawe

10
Hadidja 2018-07-11 09:30:02

Asinah we! ushatse wakwemera ko wari wambaye nabi! ahubwo ubikora ubishaka kugira ng’ uvugwe cyane muri media. Ubu bagiye kuzajya bagutumira mu tubare twinshi twa kigali kumansura. Turabizi ko Iyo umuhanzi yibagiranye akora ibishoboka byose akazana agashya

Paji: 1 | 2  

Kwamamaza