IGIHE

Mukuralinda yasubije umusaza wise Nsengiyumva Igisupusupu ‘Umujura’

5 13-09-2019 - saa 15:29, Uwiduhaye Theos

Alain Mukuralinda ureberera inyungu za François Nsengiyumva ‘Igisupusupu’ yasobanuye byinshi ku mashusho yasakajwe ku mbuga nkoranyambaga, avuga ko uyu muhanzi uri mu maboko ye yibye indirimbo.

Mu minsi ishize umusaza witwa Kabera Vincent wo mu karere Rwamagana mu Murenge wa Munyiginya, yacicikanye ku mbuga nkoranyambaga biturutse ku biganiro yakoze ku rubuga rwa Youtube harimo igifite umutwe ugira uti ‘Mukuru wa Gisupusupu aramushinja ubujura’.

Agaragaza ko Nsengiyumva ari umwana wa mubyara we ko n’indirimbo aririmba bazihanze ari batatu, we ubwe, umuhungu we witwa Nzabilinda na Nsengiyumva. Hari aho agera akemeza ko ari we wazibigishije.

Kabera akomeza yemeza ko abo bana bombi yabatoje kuririmba ndetse ko Nsengiyumva yatangiye kuririmba afite imyaka 10. Ashimangira ko indirimbo ‘Rwagitima’ na ‘Igisupusupu’ ari we wazibatoje ko ariko aheruka Nsengiyumva mu myaka yo mu 1970 gutyo.

Nzabilinda nawe yemeje ari mukuru wa Nsengiyumva kandi azi neza ko atari byo, kuko si mwene nyina kwa se na nyina si mukuru we kwa se wabo yewe si na mubyara we ahubwo ababyeyi babo nibo bashobora kuba bagira icyo bapfana kuko Kabera yasobanuye ko ari mubyara wa Nyina wa Nsengiyumva.

Nta muhanzi gakondo wandika indirimbo ku rupapuro

Muri ibi biganiro bya Nzabilinda, agaragaza ko ariwe wagiye wandika indirimbo zitandukanye za Nsengiyumva, nyamara yajya kuziririmba akabanza agafata agapapuro agasoma.

Mukuralinda avuga ko mu by’ukuri, ntaho byabaye ko umuhanzi gakondo yandika indirimbo ku rupapuro kuko akenshi baba barazifashe mu mutwe.

Akavuga ko abahaye umwanya Nzabilinda bari kubona atangiye gusohora impapuro mu mufuka asoma indirimbo nyamara avuga ko yagizeho uruhare mu kuzihanga bari kubyibazaho.

Akemeza ko ‘ibyo bintu by’umuhanzi gakondo wandika indirimbo ku mpapuro mbere yo kuziririmba ntaho byabaye’.

Nyamara, Nsengiyumva we aho twamubonye hose haba ku mbuga nkoranyambaga, haba ku maradiyo na televiziyo, nta narimwe twigeze tumubonana urupapuro, abanza gusoma mbere yo kuririmba. Mu by’ukuri, nta kuntu indirimbo Nzabilinda yahanze akanaririmbira mu muhanda nk’uko abyigamba yagombaga kuzibagirwa.

Nzabilinda na Nsengiyumva mbere ya Jenoside yakorewe Abatutsi

Muri rusange, twese tuzi kandi twabonye ku mbuga nkoranyambaga ndetse tunumva ku maradiyo amwe n’amwe nibura guhera mu mwaka wa 2015 Nsengiyumva acurangira mu muhanda, ku maduka no mu isoko bakamuha amafaranga ndetse n’ubu ayo mashusho arahari.

Nzabilinda avuga ko ngo yahimbanaga na Nsengiyumva bakanacurangana mbere ya jenoside yakorewe abatutsi, hanyuma ngo aho jenoside ikorewe, ni bwo bahagaritse guhimba.

Alain Mukuralinda ufasha Nsengiyumva niwe watumye impano y'uyu mugabo imenyekana, ariko akomeje kugabwaho ibitero n'abatamwifuriza ibyiza

Mariya Jeanne

Muri iki kiganiro cyacishijwe kuri Youtube Nzabilinda aratangira ati indirimbo twayitaga “Ugukunda”, akongera ati twayitaga “Umukunzi ugukunda”. Kandi iyi ndirimbo yitwa Mariya Jeanne, abantu bakaba barayise ‘Igisupusupu’ kubera ko iryo jambo riyiganjemo.

Mukuralinda avuga ko ibi bigaragaza ko ibyo Nzabilinda avuga ari ibintu yatojwe ari nayo mpamvu mbere yo kugira icyo atangaza abanza gukura urupapuro mu mufuka akabanza agasoma ibyo agiye kuririmba.

Amagambo Nzabilinda aririmba ntaho ahuriye n’aya Nsengiyumva ndetse n’injyana n’amanota ntaho bihuriye yaba iyo Nsengiyumva yaririmbye ari ku muhanda yaba iyo yaririmbye muri studio. Umuduri wa Nsengiyumva uba mu inota rya FA, A#na E.

Nzabilinda hari aho ahamya ko we na Nsengiyumva bagiraga indirimbo zageraga nko mu icumi. Ibi ariko ni ikinyoma cyambaye ubusa kuko, impamvu avuga umubare 10 ni uko inshuro nyinshi yaba Nsengiyumva yaba Mukuralinda ubwo babazwaga n’itangazamakuru niba nyuma y’indirimbo ebyiri zari zimaze kujya hanze hari izindi zihari, nta gihe batatangaje ko hari izindi 10 ziri gutegurwa muri studio.

Icange

Nta mwana wagiye mu “basukuti” no mu “basaveri” utararirimbye iyi ndirimbo, uretse kuba injyana, amanota Nzabilinda acuranga n’amagambo aririmba ntaho ahuriye n’indirimbo Nsengiyumva yaririmbye, kuko umuduri wa Nsengiyumva muri Icange Mukobwa uri mu inota A#.

Rwagitima

Nzabilinda ahamya ko iyi ndirimbo bayikuye ku muhanzi wabigishaga we na Nsengiyumva witwaga Mutsinzi.

Nzabilinda avuguruza umusaza Kabera kuko uyu hari aho agaragara yemeza ko Rwagitima na Igisupusupu’ ari we wazibatoje. Aha naho uretse uko kuvuguruzanya, anahamya ibintu bidashobora kugenzurwa hari aho yemeza ko uwo Mutsinzi atakiriho. Yarangiza agerekaho ko kwa Mwambiri ari mu Mutara nyamara, nta handi uyu yigeze aba uretse Rwagitima mu karere ka Gatsibo.

Nzabilinda yagerageje kuririmba iyi ndirimbo biranga, ubwa mbere baramurogoye yongeye nabwo biranga. Urugero n’uko ijambo “Mwayine” yari yaririmbye mu ndirimbo mbere bataramurogoya ubwo bamukomeraga amashyi, inshuro zose yasubiyemo indirimbo iryo jambo ntiryongeye kugaruka.

Kubera kugerageza kwigana Nsengiyumva aririmba, yarasaraye, by’umwihariko aho gukomeza indirimbo ngo ayirangize, yakomeje gusubira mu magambo amwe gusa nabwo akayavangavanga, bigaragaza gusa ko ibyo yakoraga yashakishaga ibyo nawe atazi

Julienne Umutesi

Iyi nayo ni indi ndirimbo ya Nsengiyumva yenda kujya hanze, nayo Nzabilinda arayiyitirira, gusa ntabwo iyo Nzabilinda we yavuze ihuye n’iyo Mukuralinda yatangaje kuko we avuga ko iye yitwa “ Julienne Umutesi” naho iya Nsengiyumva ikaba yitwa “Umutesi”.

Hari aho Nzabilinda yatangiye kuyiririmba biramunanira byabaye ngombwa ko abanza gushaka urupapuro yari yayanditseho. Iyo iyi ndirimbo iba ari iye ntaba yarabanje gushaka urupapuro yayanditseho.

Ukuvuguruzanya mu biganiro bya Nzabilinda

Mu kindi kiganiro nacyo uyu musaza yakoze yabanje noneho kuvuga ko akazina ke k’akabyiniriro ari “Nyarubuye” ndetse asobanura ko yaryiswe n’abasirikare.

Ageze aho yemeza ko indirimbo yazicuranganye na Nsengiyumva. Igitanganje kinagaragaza ko ibyo yavuze mbere hose ari ugushakisha gusa nta kuri kurimo ko ahubwo ibyo agenda avuga ari ko bigenda bitera urujijo kuko avuga ko bacuranganye bakoresha “Inanga” bose kandi mbere aba yavuze bacurangaga “Umuduri.”

Hari naho yavuze nanone ko Nsengiyumva we yakoreshaga “Iningiri” naho Nzabilinda we agakoresha Inanga.

Nzabilinda yakomeje avuga ko indirimbo baririmbanye ikamenyekana cyane ari iyitwa “Mariya Roza” nyamara, Nzabilinda mu kindi kiganiro yavuze iyo indirimbo bayitaga “Ugukunda”, akongera ati twayitaga “Umukunzi ugukunda”.

Nzabilinda hari aho yasobanuye ko avuga ijambo Igisupusupu yashakaga ngo kuvuga ‘igisupusupu nashatse kuvuga ni umuntu mwiza kandi ucamo… oya ku isura ku isura tuvuga ku isura ku mubiri noneho…. nyitangira mvuga ngo niii igisupusupu…. igisupusupu ni umuntu mwiza rwose ukeye…rwose kabisa … yes ni umuntu ushashagirana’

Abajijwe imyaka yari afite ahimba indirimbo ‘Igisupusupu’, Nzabilinda yemeje ko iyi ndirimbo ayihimba, agereranyije yigaga mu wa gatanu kwa Muvala, muri za 1992 gutyo.

Uwari kumubaza amwunganiye avuze ati ni muri za 1980, Nzabilinda nabwo arikiriza. Hari aho ahamya ko aririmba igisupusupu yaririmbaga mwarimu wabo bitaga Louise wamwigishije mu mwaka wa mbere no muwa kabiri ngo wari Igisupusupu.

Nzabilinda yabajijwe izindi ndirimbo yahimbanye na Nsengiyumva, avuga ko yumva ari ebyiri gusa ni ukuvuga izo yise Mariya Rosa na Rwagitima, nyamara mbere yemezaga ko indirimbo bahimbanye zigera ku icumi nubwo nabwo yananiwe kuzigaragaza.

Mukuralinda avuga ko Nzabilinda atigeze atanga ikimenyetso na kimwe yaba amashusho cyangwa ubuhamya bw’umuntu waba waramubonye acurangana na Nsengiyumva bigaragara ko uyu musaza yashutswe.

Hari aho yabajijwe ati “wumva bwa mbere Mariya Jeanne kuri radio wari hehe, byagenze bite?” undi mu gusubiza ati “Iyi yanjye nahise nyibika ndaceceka. Kongera gucuranga rwose ni ejobundi ubwo mugenzi wanyu aheruka ino aha nibwo nongeye kuyifata…. Ati nahise mvuga nti ubu ngubu nta kindi ngiye kujya nkora ibiraka bintunge nta kindi, nta kundi byamera. Nti ibyanjye bindangiriyeho. Nahise numva ko ubuzima bwanjye bundangiriyeho.”

Mukuralinda avuga ko ntawe uhakanye ko Nzabilinda afite icyo apfana cya kure na Nsengiyumva, ntawe uhakana ko mbere ya Jenoside yakorewe abatutsi, aba bombi bakiri abana, basuranye, bakinanye, baragiranye ndetse baba baracurangiye hamwe bigishwa indirimbo cyangwa se bazitozwa na Kabera n’ubwo ibyo avuga birimo ukwivuguruza bitera gushidikanya.

Ariko ikigaragara kandi kidashidikanywaho ni uko nta kimenyetso na kimwe, cyaba amashusho, ubuhamya cyangwa se inyandiko Nzabilinda atanga kigaragaza ko haba hari ahantu na hamwe yigeze aririmbana anacurangana na Nsengiyumva.

Nsengiyumva mu kiganiro yigeze gutanga mbere y’uko iyi nkuru itangazwa, yihakanye Nzabilinda kuko babanje kumubaza izina ritari ryo, nyuma bamubaza irya Nzabilinda ahitamo kubihakana ngo kuko atumvaga neza icyo bashaka kugeraho none ngo yarakibonye.

Uwitwa Pasiteri Zigirinshuti nawe mu minsi ishize yibasiye Nsengiyumva, aho ari kwigisha ijambo yamutanzeho urugero, mu magambo arimo igisa n’uburakari abwira abakirisitu ko ukwamamara k’uyu musaza kurimo imbaraga za satani, nyamara abakorera Imana bakaba batamenyekana.

Nsengiyumva François kuva yatangira kwamamara abantu benshi bamugabyeho ibitero bashaka kumusenya
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kabera Justin0788933135 2019-09-14 04:40:41

Ndasaba ubufasha ku gihe kunshakira umuterangunga kko nifitemo impano yokuririmba no kwandika murakoze

2
Kasali 2019-09-14 00:39:22

Ibi binyibukije umuntu wigeze kugera ku rwego rwiza yabaye Mayor hazamuka dosiye ngo kera akiri umwana yakubise umuntu! Isi niko yubatse Nsengiyumva ntuzabura abakurwanya ariko komera , imyaka wamaze wayura iki nicyo gihe ngo igihugu kikubere pomme, ndashimira Leta na Alain bari kukubaka

3
Williams 2019-09-13 17:11:43

Ibisobanuro bya Mukuralinda birasonutse pe!

4
Hakizimana Emmanuel 2019-09-13 12:22:04

Uwo Imana yahaye kumunyaga byaguhenda Nsengiyumva yababaye kenshi mumureba kd nawe arabihamya ntabihisha kuki mutagize icyo mumuvugaho icyo gihe?
Indirimbo yasohoye ko arizo yaririmbaga kumuhanda uwo bazihimbanye ko ataje kumuhagarika ngo areke kuziririmba icyo gihe? Cg c niba ari ibihimbano byabombi ko ataje kubimufasha aho kumuhanda 😎
Mureke umusaza nyagasani amutunze inkoni namwe mutegereze mwihanganye mutandurabya ibyanyu biri imbere kd nibitaza niyo ligne de temp yanyu 🠃
Don’t force plz

5
Jojo 2019-09-13 09:53:11

Umunyamategeko aguha ibizibiti.... Ninkuru zanditse kinyamwuga. Abanyamakuru bahimba impanvu zituma bacuruza views bajye bigaya. Thx alain

Kwamamaza