Miss Umutoniwase yavuye imuzi ibyo kwambara Bikini n’umusore yise umugabo we

10 8-11-2018 - saa 09:52, Uwiduhaye Theos

Umutoniwase Anastasie wabaye umukobwa wahize abandi mu kugira igikundiro muri Miss Rwanda 2018 akanaserukira u Rwanda muri Miss Earth 2018, yavuze impamvu yambaye bikini muri iri rushanwa yahagarariyemo u Rwanda ndetse no ku musore yagaragaje ko akumbuye akamwita umugabo we.

Uyu mukobwa akubutse muri Philippines aho yari yitabiriye irushanwa rya Miss Earth 2018 gusa ntiyabashije kwegukana umudali n’umwe. Ikamba ryegukanwe na Nguyễn Phương Khánh wo muri Vietnam.

Mu kiganiro na IGIHE yavuze ko irushanwa ryose aba ari irushanwa kandi haba hagomba kuboneka uhiga abandi.

Abajijwe niba kuba yaragiye mu irushanwa abandi bamaze iminsi itanu bagezeyo bitaba biri mu byatumye adatsinda, yasubije ko bitabura ariko agaragaza ko atabyitwaza.

Ati “Kuba naragiye nkererewe hari amarushanwa ntakoze, ntabwo byabura kungiraho ingaruka kuko urumva ni icyo baheraho batanga amanota ariko na none si urwitwazo.”

Abajijwe icyatumye anyuranya n’abandi banyarwanda bamwe na bamwe bagiye bitabira amarushanwa mpuzamahanga we akambara bikini, Umutoniwase yabwiye IGIHE ko yakoze ibyo irushanwa ryasabaga.

Ati “Kuba narambaye umwenda wa bikini numva ko ariyo mategeko y’irushanwa nakoze icyo nagombaga gukora kuko nibyo badusabye numva ko kuri njye ntacyo byari bitwaye cyane ko n’umuryango wanjye nta kibazo byari bibateye.”

Kuri we ngo nta pfunwe bimuteye, ndetse n’uwamubona mu yindi shusho amuziza kwambara bikini ntacyo byaba bimubwiye.

Ati “Ubundi ipfunnwe rihera kuri wowe ubwawe iyo mu mutima wawe wumva ntacyo wishinja utekereza ko wakoze icyo wagombaga gukora n’ibindi byose ntacyo byagutwara.”

Umutoniwase yavuze ko hari ubunararibonye yakuye muri iri rushanwa bitewe n’uko riri muri amwe akomeye ku rwego rw’Isi ndetse akaba yaragiye ahura n’abakobwa bo mu bihugu bitandukanye.

Yavuze ku muhungu yakumbuye urudushira

Uyu mukobwa yageze muri Philippines avuga ko akumbuye umuhungu witwa Gatsinzi Lee yanitaga umugabo we, yamwihakanye avuga ko nta kidasanzwe kiri hagati yabo.

At “Umuhungu nanditse mvuga ko ari umugabo wanjye ntabwo aribyo ahubwo ni mubyara wanjye, biriya twabikoze nko gukina rero ibyatangajwe mu binyamakuru bitandukanye si byo. Ni ko dusanzwe twitana nk’abavandimwe byo gutebya numvaga bitazagera aho byageze.”

Umutoniwase avuga ko nta mbogamizi zidasanzwe yahuriye na zo mu irushanwa rya Miss Earth ibyamubayeho byabaye no kuri bagenzi be bari barihuriyemo.

Miss Umutoniwase yari amaze iminsi muri Philippines

Amafoto: Mugwiza Olivier

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Ukuri 2018-11-08 10:18:29

Koko twibuka ngoheniwe Twibutsa ngeso !!! Urubye ukuntu asutamye kugatebe ntiwamenya ko ari inkunguzi ntiwanakemera ko yakoresha imvugo nkiriya yihenura kubaba babatakajeho akayabo (Aragira ati byose ngo byose ntacyo bimubwiye ))) Ariko rata nibyo abataho inoti mujye mubihenuraho mutyo kuko mugani bayata kunnyo nyamara hari abari kwicwa no kugwingira bwaki .... Gusa n’imana y’i Rwanda ijye ibahemba ityo muhore muri aba nyuma ntakiza twabifuriza.

2
Ukuri 2018-11-08 10:15:00

Koko twibuka ngoheniwe Twibutsa ngeso !!! Urubye ukuntu asutamye kugatebe ntiwamenya ko ari inkunguzi ntiwanakemera ko yakoresha imvugo nkiriya yihenura kubaba babatakajeho akayabo (Aragira ati byose ngo byose ntacyo bimubwiye ))) Ariko rata nibyo abataho inoti mujye mubihenuraho mutyo kuko mugani bayata kunnyo nyamara hari abari kwicwa no kugwingira bwaki .... Gusa n’imana y’i Rwanda ijye ibahemba ityo muhore muri aba nyuma ntakiza twabifuriza.

3
bebe 2018-11-08 07:58:27

Bikini sinjya mbona se no ku mapisine yo
mu rwanda abakobwa n’abagore
bazambaye. numva rero kuba yarayambaye
ntacyo bitwaye. keretse umunsi baziciye
kuzambara ku ma pisine nibwo bazaba basigasiye umuco wacum

4
bebe 2018-11-08 07:54:14

Bikini sinjya mbona se no ku mapisine yo mu rwanda abakobwa n’abagore bazambaye. numva rero kuba yarayambaye ntacyo bitwaye. keretse umunsi bazicye kuzambara ku ma pisine nibwo bazaba basigasiye umuco wacu

5
She 2018-11-08 05:12:16

Mubyara wawe mwitana abagabo nabagore .

6
Tuyishime Torres 2018-11-08 04:36:19

Uyu mu sister ndamwera witwaye neza kandi u look good in bikini keep it up!

7
Ndumiwe 2018-11-08 04:01:22

Urumvase ibindi bisobanuro yatanga aribihe? Gusa leta ireke gutamafranga mubidafite umumaro, iyo simpano yabanyarda kwirirwa abazungu babareba ibimero, turi bene gihanga ntituri bene kazungu

8
ddd 2018-11-08 03:42:32

iki giplante ijye uzarota agikuyeho Mana yange, cyaramwangije rwose sinzi impamvu aba bari bacu babikunda isyi gari we. naho ibyo wakoze wabikoze nabi rwose iriya bikini ntiyari kuguhesha amanota meza kuko yari mbi bihagije kuko wari wabyiyemeje wagombaga kwambara nkizo abandi bambaye natcyo wishisha, naba n’ababyanze bikamenyekana ko babyanze pe

9
lg 2018-11-08 03:31:03

A bategura bene aliya marushanwa bagomba kugira gahunda nubwo uyu mwana avuga ko bitaba urwitwazo sibyo rwaba rwo none se wajya mwirushanwa abandi batangiye bamaze icyumweru, ukavuga ute ko atari impamvu ikomeye naho bikini yo yaramaze ko mutavuga a bambara u busa naho yo ntacyo itwaye ni nitegeko iyo urushanwa umukobwa wacu nimwiza afite nuburere ihangane ibyiza biri imbere,

10
Paul 2018-11-08 02:49:49

Ese nkubu umwana namureba amaze gukura azatekereza iki ? ese mwibarize yakwifuza ko ibyo yakoze mubuzima bwe yabyifuriza umwana azabyara kuzabikora copy paste. when you lose culture you lose life. Ubuse ari Paccy waririmbye ibyatsi nuyu wambara ibi, uwagakwiye kwamburwa ubutore ninde?

Kwamamaza