Miss Rwanda: Abakobwa bamwe barize kubera urushinge batewe kwa muganga(Amafoto)

9 13-02-2018 - saa 09:43, Munyengabe Murungi Sabin

Abahatanira ikamba rya Nyampinga w’u Rwanda bakorewe isuzuma no kureba uko ubuzima bwabo buhagaze aho bari mu mwiherero mu Mujyi wa Nyamata; bamwe bagaragaje ubwoba bukomeye batinya urushinge.

Isuzuma ryakozwe n’abanga b’inzobere mu gupima indwara zinyuranye zikunze kuzahaza ubuzima bwa muntu haba umuvuduko w’amaraso, umutima n’izindi zitandukanye.

Aba bakobwa uko ari 20 bahataniye kwambikwa ikamba rya Nyampinga w’u Rwanda, bajyanywe ku Bitaro bya Nyamata mu Karere ka Bugesera kuri uyu wa Mbere tariki ya 12 Gashyantare 2018.

Isuzuma bakorewe ryari rigamije ‘kubakorera ibizamini byose bigaragaza uko ubuzima bwabo buhagaze’ mu rwego rwo kurushaho kumenya uko bakwiye gufatwa mu mwiherero w’iminsi cumi n’ine barimo mu Mujyi wa Nyamata.

Mu cyiciro cyo kubatera urushinge, bamwe bipfukaga mu maso batinya kureba uko abaganga barwinjiza mu mutsi gusa hari n’abandi bagira ubwoba cyane bananiwe kwihangana bararira.

Abakobwa bamwe baterwaga urushinge bipfutse mu maso

Mu mwiherero barimo kuri Golden Tulip Hotel, bahabwa amasomo ku burere mboneragihugu, umuco, politike, amateka, ubukungu n’ubumenyi bw’Isi muri rusange mu rwego rwo kurushaho kubafungura amaso no kubaha ubumenyi buzabafasha mu gihe kizaza.

Irushanwa rizasozwa ku itariki ya 24 Gashyantare 2018, ibirori byo gutora Nyampinga mushya w’u Rwanda bizabera muri Kigali Convention Centre.

Umukobwa uzahiga abandi azahabwa ibihembo bikomeye bizatangwa na Cogebanque birimo imodoka nziza ya Suzuki Baleno yaguzwe miliyoni 18 hakiyongeraho umushahara w’ibihumbi 800 buri kwezi mu gihe cy’umwaka wose azamarana ikamba.

Urushinge batewe rwateye benshi ubwoba
Aba bakobwa basuzumwe indwara zitandukanye
Ntibyari byoroshye mu gihe cyo gutera urushinge
Isuzuma ry'ubuzima bw'aba bakobwa ryabereye ku Bitaro bya Nyamata
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
HAKUZWEYZU Daniel 2018-02-21 05:05:20

ishimwe noriella nkwifurije insinzi kandi uzabe umwari w’urwanda ikwiriye abanyarwanda uzibuke abagutoye ko aricyobifuza kuri wowe imanaikurinde (nyamata hospital)

2
Mose 2018-02-13 14:55:38

Asyii, abaginga bajye bajya guteta iwabo. Baje guhagararira igihugu ntago baje kwirya hano. baginga.

3
Kibwa2 2018-02-13 14:03:45

Iyo umuvuzi ari umuzungu yitwa inzobere!! Baje kwigira kuri ba miss rwanda!!

4
Dumbuli 2018-02-13 10:08:41

Mana yanjye ibi nabyo , uzi ko aho batoreye ba Nyampinga aribwo abangavu bacu babyaye ku bwinshi cyane ko bamwe babyaye abanyetage sorry indaro zaracitse bagifite ikamba abandi bakarongorwa kare abandi bakaba abo mu muhanda na gereza niba ari uru urugero rubi niba ari umwaku.

5
Didi 2018-02-13 08:04:27

Asyi baririza se urushinge ruraryana barahaze baragirango bakunde babiteho

6
kamana 2018-02-13 04:59:59

Ngo ak’umukobwa akunze karamugarika ariko. None ko mutatubwiye ko har’uwanyegeye(watorotse) atinya kujombwa urushinge?
Icyo dusaba abo bakobwa ni kimwe nta kindi:
Kuza kwiyamamaza imbere y’abanyarwanda, watsinda watsindrwa, mwa bakobwa mwe mumenye ko ko muba mwambariy’Urwanda.
Mutinye kuzirura kirazira.
Icyo abanyarwanda tubateze ho n’ukuduha urugero rwiza rwo kurebera ho. Uwo mukobwa uzatorwa cg uzarushanwa wese, akwiye kubaha umuco n’ibitekerezo by’abanyarwanda.
Ni icyo tubashaka ho.

7
KADO 2018-02-13 04:23:01

BARIZWANIKI SE KO IYO BARI KUBATERA RWOGAMABONDO BABACUMITA BATARIRA? AKO GASHNGE NIKO KANINI KURUTA RWOGAMABONDO! ICYAKORA YENDA BARIRA BYO KWISHIMA NAHO IBYO BYAKO GASHINGE NUKWIRIZA.

8
agaciro peace 2018-02-13 03:53:26

Abanyamakuru namwe hari ubwo musetsa abantu kabisa: aba bana b’aba stagiaires nibo mwita inzobere mu gupima indwara? cyangwa nuko ari abazungu bityo mukumva ko umwera wese aba ari inzobere?!!!!

9
Senga 2018-02-13 02:31:41

Hariya ntabwo hakitwa Golden Tulip, yet ni Lapalisse. Just a friend correction.

Kwamamaza