IGIHE

Miss Nimwiza Meghan witabiriye Miss World yagaragaje impano ikomeye mu kuririmba (Video)

5 2-12-2019 - saa 13:47, Uwiduhaye Theos

Umukobwa witwa Nyekachi Douglas uhagarariye Nigeria muri Miss World 2019, yashimye bikomeye ubwiza bwa Nimwiza Meghan bwo ku mutima no ku mubiri anavuga ko afite ijwi ryiza ryo kuririmba rikwiye kumvwa n’Isi yose.

Ku wa 19 Ugushyingo 2019 Nimwiza Meghan yitabiriye irushanwa rya Miss World 2019, aho yagiye guhatana n’abandi bakobwa baturutse mu bihugu bitandukanye ku Isi yose.

Kuri ubu iri rushanwa rigeze kure ndetse abakobwa batangiye guhatana mu byiciro bitandukanye, bakigera mu Bwongereza aho iri rushanwa riri kubera bahise bakora tombola y’igice cy’irushanwa rizwi nka ‘Head to Head Challenge’ aho abakobwa bashyirwa mu matsinda bakagenda bahatwa ibibazo ku mishinga yabo n’ibibazo by’ubumenyi rusange.

Nimwiza Meghan ari mu itsinda rya 17 aho ari kumwe n’umukobwa wo muri Aruba.

Mu byiciro bitandukanye birimo icya Siporo, kwerekana impano na Top Model Competition ntabwo Nimwiza Meghan yari yabasha kuza mu myanya y’imbere.

Mugenzi we bahanganiye ikamba rya Miss World witwa Nyekachi Douglas wo muri Nigeria yashyize amashusho ya Nimwiza ku rukuta rwe rwa Instagram arangije asaba abantu kumushyigikira kuko afite impano ikomeye.

Mu magambo ye yari aherekejwe n’amashusho ya Nimwiza yagize ati “Ubwo twari turi mu byiciro byo kugaragaza impano, Meghan Nimwiza ntabwo yabashije kwitwara neza nk’uko yabishakaga kubera ko yari afite ubwoba.”

“Ku buryo icyo gihe yananiwe kuririmba ariko noneho birangiye mwifatiye kuri camera yanjye. Afite ijwi ryiza kandi ni umunyamutima mwiza ndatekereza ko Isi yose ikeneye kumwumva aririmba. Nshaka ko amaso yose amubona ndetse agashyigikirwa uko bikenewe mu irushanwa rya Miss World arimo.”

Kuva Nyekachi Douglas yashyira aya mashusho ya Nimwiza ku rukuta rwe abantu batandukanye batangiye kuyahererekanya bishimira impano uyu mukobwa afite mu kuririmba abandi bagasaba abantu batandukanye kumushyigikira muri iri rushanwa.

Guha amahirwe Nimwiza Meghan wakora download ya Application yitwa Mobstar unyuze hano ugakurikiza amabwiriza, ukajya no ku mbuga nkoranyambaga za Miss World ukajya utanga ibitekerezo ku mafoto ye yashyizweho ukanakunda (like).

Ibirori byo gutanga ikamba rya Miss World bizaba ku wa 14 Ukuboza 2019 ahitwa Excel i Londres, bizasusurutswa n’abahanzi bakomeye mu Bwongereza. Ibi birori bizatambuka kuri shene ya televiziyo yitwa London Live.

Julia Morley ukuriye Miss World Organisation yavuze ko umuhango wo gutanga ikamba uzasusurutswa na Lulu mu ndirimbo ‘Shout’ ndetse na Peter Andre uzaririmba iyitwa ‘Mysterious Girl’ agafatanya na Megan Young kuyobora ibirori.

U Rwanda rumaze kwitabira iri rushanwa inshuro enye; mu 2016 hagiyeyo Mutesi Jolly, 2017 hajyayo Iradukunda Elsa, mu 2018 hagiyeyo Iradukunda Liliane na Nimwiza Meghan waserukiye igihugu uyu mwaka.

Ikamba rya Miss World ry’umwaka ushize rifitwe n’umukobwa ukomoka muri Mexique witwa Vanessa Ponce ari na we uzaryambika uzaritwara hagati ya Nimwiza Meghan na bagenzi be.

Irushanwa rya Miss World riri kuba ku nshuro ya 69, ryitabiriwe n’abakobwa bo mu bihugu 120.

Nimwiza Meghan yagaragaje ko afite impano ikomeye mu kuririmba
Nyekachi Douglas na Nimwiza Meghan bose bahataniye ikamba rya Miss World 2019
Nyekachi Douglas uhagarariye Nigeria muri Miss Worlda wagaragaje ko Nimwiza afite impano ikomeye mu kuririmba
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Jean... 2019-12-02 22:28:59

Courage...courage Meghan nimwiza...reka kugira ubwoba aho ugeze...just mind about your performance...and be confident..there’s nothing huge Meghan you can do it...you deserve the crown...stand for your beautiful soul and Rwandan is...:)

2
Hero 2019-12-02 12:06:34

Ariko nisi yaragomwe ndebera amaguru uyu afite uko ameze kweri asa n’aya nyogokuru ufite imyaka 70.Iminwa sinakubwira amashashi bashyizemo uko anaga.

3
steven 2019-12-02 07:02:55

nategereze nihaba amarushanwa yokuririmbira mucyumba azayatsinda.!

4
Aline 2019-12-02 07:01:52

Hahahahah impano nyabaki . Kuririmba yiyongorera Niko muvugango afite impano

5
che 2019-12-02 06:46:40

Wow!

Kwamamaza