Miss Kundwa Doriane yavuze ku muco gakondo wo gukeba abakobwa

8 12-01-2018 - saa 09:26, Munyengabe Murungi Sabin

Nyampinga Kundwa Doriane yagarutse ku muco gakondo wo gukeba abakobwa imyanya imwe ndangagitsina nka kimwe mu bibazo bibangamiye ubuzima bw’abakomoka muri Afurika.

Kundwa wabaye Nyampinga w’u Rwanda mu 2015 asigaye atuye mu Ntara ya Ontario muri Canada, yavuye mu Rwanda kuwa 6 Nzeri 2016 yagiye avuga ko ajyanywe no kaminuza mu ishami rya Administration muri Laval University mu Mujyi wa Québec.

Ubwo yari i Toronto mu Murwa wa Ontario, Kundwa Doriane yagiranye ikiganiro n’ikinyamakuru Tap Mag kiri mu byandika ku byamamare gikorera muri Canada ari nabwo yagarutse birambuye ku rugendo rwe nyuma yo kuba Nyampinga w’u Rwanda, ubuzima abayeho muri Canada.

Yahamije ko mu bikomeye yishimira muri iki gihe harimo kuba yaragizwe Umuyobozi wungirije w’ihuriro ry’urubyiruko nyarwanda ruba muri Canada ryitwa International Rwanda Youth for Development [IRYD].

Miss Kundwa Doriane yabajijwe byinshi ku ikamba yahawe n’ubuzima bw’igihugu cye cy’amavuko aho yavuze ko ‘akumbuye mu buryo bukomeye inshuti n’umuryango yasize mu Rwanda’.

Yavuze ko u Rwanda ari igihugu cyakataje mu guteza imbere umwana w’umukobwa biciye mu kumuha ubumenyi bumufasha kwiteza imbere no kwifatira ibyemezo no guhangana n’ibibazo byose bizitira abagore mu rugendo rw’ubuzima.

Miss Kundwa ariko yashimangiye ko hakiri urugendo rurerure. Yagize ati “Nubwo mu gihugu cyanjye u Rwanda hafashwe ingamba zikomeye mu guteza imbere umukobwa, haracyari ibibazo mu bihugu bya Afurika. Urugero, mu bihugu byinshi abakobwa baracyabuzwa kujya mu ishuri, babuzwa amahirwe mu bucuruzi, hari n’ibindi bibazo mu ngeri zinyuranye.”

Yongeyeho ko umwana w’umukobwa muri Afurika agifite ibibazo bikomeye bimubuza umudendezo mu buzima bwe aho usanga mu miryango myinshi abakobwa bashyingirwa ku gahato abandi bagacibwa imwe mu myanya ku gitsina nk’umuco gakondo mu bihugu bitandukanye.

Yagize ati “Turacyafite ibihugu bica abakobwa imyanya imwe y’igitsina nk’umuco[female genital mutilation], hari abashyingirwa ku ngufu bataruzuza imyaka y’ubukure, abenshi bava mu ishuri imburagihe ugereranyije n’abahungu. Ibi ni ibibazo byugarije abakobwa tugomba kuvuga.”

Yongeraho ati “Mfite ishema ko u Rwanda rwateye intambwe ikomeye mu kudaheza abakobwa mu burezi no kuborohereza kubona amahirwe abafasha kwiteza imbere nk’uburyo bwiza leta yafashe bubarinda ibibazo.”

Kundwa Doriane wabaye Nyampinga w'u Rwanda mu 2015

Kundwa Doriane yavuze ko ikamba rya Nyampinga rya Miss Rwanda yahawe mu 2015 ngo ryamuhinduriye ubuzima ndetse rimufungurira imiryango myinshi haba muri Afurika, muri Amerika, mu Burayi aho yatembereye akimara gutorwa no muri Canada aho asigaye atuye.

Kundwa Doriane yavuze ko hari ibihugu bigitoza abakobwa umuco wo gukuna no gucibwa imwe mu myanya ndangagitsina
Miss Kundwa Doriane amaze umwaka n'imisago muri Canada
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
happy 2018-01-15 10:16:37

Agahugu nu muco wako nyn

2
Beni 2018-01-13 01:50:10

Ko atatubwiye se ko yakunnye aricyo yari yagize umutwe w’inkuru,akabica hejuru? None se wowe wiyise "Nibyo" niba uzi ko gukata ibice by’umubiri ari bibi,wemera nibura ko gukuna ari byiza? Niba rero wemera ko byakorwa,byose ni ibihindura uko umuntu yaremwe,wowe n’abagukomokaho muzabyihorere. Ariko kandi,iyo ubisobanuza ukareka guca iteka. Uzabaze abagore(niba utari we)niba umugabo wakebwe n’ugifite ifirimbi bose ari kimwe. Cg se unabaxe akamaro k’igice cy’umugore bakata

3
Vva 2018-01-12 13:49:05

Miss wibihe byose kabisa . Kundwa izina niryo muntu .

4
Kayitesi 2018-01-12 09:22:40

Miss uranyumije nubwiza ufite

5
w 2018-01-12 08:43:32

hahahahah sha ndabakunda kabisa kuko buri gitondo ndaseka ngo ikinyamakuru kitwa gute .. never mind sinakibonye cyakoza koko ukivamo ntikikuvamo aracyashakisha buri kantu kose gatuma atibagirana kuko hano ameze nk’urudagara bajye babifatira kuko uragera ibwami abeshywa byishi usibye niyo tap mag na 24 magazine ntiyayigeraho cyangwa metro

6
Nibyo 2018-01-12 03:58:43

Ese kuki gukata abakobwa bifatwa nk’ihohoterwa nyamara gukata ibice by’igitsina cy’abagabo bigafatwa nk’iterambere ndetse nk’ibigezweho? Njya mbaza abantu iki kibazo, Ari ugusukura igitsina cy’umugabo cyidakase no gusukura icy’umukobwa ni ikihe kigoye ku buryo ku mugabo bisaba kugira agace bakata ngo ni isuku? Ibyo kurinda SIDA byo nta buhanga mbifiteho ariko ababihugukiwe nabo ntibarabyemeranyaho neza.

Jye sinshyigikiye ikatwa ry’imyanya iyo ari yo yose yaba iy’abagabo cyangwa abagore. Byose ni ihohoterwa kandi ni ubuyobe mu nyungu z’inganda zikora ibijyanye nabyo byose. Uwikatishije nta mpuhwe namugirira ariko gukatisha umwana byo mbifata nk’ihohoterwa.

7
dad 2018-01-12 03:39:38

Umva mbese,ubwo c koko ntiwaciye imyeyo?ukaba urinyampinga gute?umugore wakunnye ntacyo namunganya pe!nubwo wabamwiza ute utarakunnye sinakwiteza pe!

8
nirere diane 2018-01-12 02:34:16

nonese no guca imyeyo nibibi?mumbwire weee

Kwamamaza