IGIHE

M’bilia Bel umaze imyaka 37 yanenze abahanzi b’iki gihe yise ‘aba-android’

3 6-12-2018 - saa 12:21, Uwiduhaye Theos

M’bilia Bel ukomoka muri Repubulika Iharanira Demokarasi ya Congo ugiye gukorera igitaramo mu Rwanda yavuze ko abahanzi bakora umuziki ubu akenshi baba bashaka gukora gake bakabona byinshi batavunikiye.

Uyu mubyeyi azakorera igitaramo i Kigali kuri uyu wa Gatanu tariki 7 Ukuboza 2018.

Mu kiganiro yagiranye n’itangazamakuru kuri uyu wa Gatatu yagarutse ku rugendo rwe mu muziki, impamvu yatumye akomeza kuza mu b’imbere mu myaka 37 ndetse n’igituma abahanzi b’ubu bakura nk’isabune.

Ati “Umuziki kuri njye ni ibyishimo ni n’ubuzima. Navutse ndi umunyamuziki Mama na Papa bari abanyamuziki, umuziki undi mu maraso. Uko nagerageza kose kuwureka ntibyankundira kubera ko ari nk’umwizerwa twahanye isezerano ryo kubana akaramata.”

Yakomeje avuga ko abahanzi b’ubu akenshi bakunze kumenyekana by’agahe gato kuko baba bashaka kwamamara no kugira ubukire mu gihe cya vuba batanavunitse.

Ati “Njye n’igisekuru cyanjye twaritangaga cyane ariko ab’ubu navuga ko ari aba-Android. Mu gisekuru cyanjye twagiraga ukwihangana, tukubaha no gukora cyane kandi tudashyize imbere inyungu kurusha gukunda icyo ukora. Ab’ubu ntabwo bakunda ibyo ahubwo bashaka kunguka mu gihe cya vuba kandi batavunitse.”

Yakomeje avuga ko kwihagararaho no gukunda ibyo akora biri mu byatumye akomeza kuba umuhanzi w’igihangange.

M’bilia Bel yanavuze nta bahanzi benshi bo mu Rwanda azi ariko avuga ko yamenye Mike Kayihura bagiye guhurira mu gitaramo ndetse Corneille Nyungura usanzwe amenyerewe cyane mu ndirimbo z’Igifaransa.

Uyu mugore w’imyaka 59 ni umunyabigwi ukomeye wazamuye ibendera ry’umuziki we muri Afurika bikanahesha ishema RDC akomokamo.

Kuva mu 1981, abakunze Rumba bazi indirimbo zirimo ‘Nakei Nairobi’, ‘Mpeve Ya Longo’, ‘Eswi Yo Wapi’, ‘Faux Pas’, ‘Loyenghe’, Ba ‘Gerants Ya Mabala’, ‘Cadence Mudanda’, ‘Boya Ye’, ‘Beyanga’, ‘Contre Ma Volonte’, ‘Phénomène’, ‘Bameli Soy’, ‘Désolée’ n’izindi nyinshi.

Igitaramo cya Kigali Jazz Junction yatumiwemo kizaba kuri uyu wa Gatanu tariki 7 Ukuboza 2018 muri Camp Kigali, kwinjira bizaba ari 10 000 Frw, 20 000 Frw ndetse n’ameza y’abantu umunani ku bihumbi 160 Frw.

M'bilia Bel yasobanuye ko abahanzi b'iki gihe basa n'abakunda ubuzima bworoshye
Uyu mugore arataramira abanyarwanda kuri uyu wa Gatanu
M’bilia Bel (uwa kabiri uturutse iburyo) yavuze ko azakora igitaramo kizanogera abanyarwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Njyewe 2018-12-06 09:59:37

@ très bonne question ! Hahahaha...

2
bihehe 2018-12-06 07:55:50

KUKI ABIFOTOJE BARI KUMWE NA MBILIA BAFUNZE IMINWA?

3
mujero 2018-12-06 06:30:48

Yambara ukuntu nkunda gusa. nzabampari kabisa

Kwamamaza